ਇੰਟਰਨੈਸ਼ਨਲ ਡੈਸਕ- ਇਨ੍ਹੀਂ ਦਿਨੀਂ ਦੁਨੀਆ ਦੇ ਕੁਝ ਹਿੱਸਿਆਂ ਵਿਚ ਹੰਤਾ ਵਾਇਰਸ ਦਾ ਕਹਿਰ ਹੈ। ਇਸ ਦੌਰਾਨ ਕੋਰੋਨਾ ਦੇ ਇਕ ਨਵੇਂ ਵੇਰੀਐਂਟ ਦਾ ਪਤਾ ਲੱਗਾ ਹੈ। ਵਿਗਿਆਨੀਆਂ ਨੇ ਕੋਰੋਨਾ ਵਾਇਰਸ ਦੇ ਨਵੇਂ ਸਮੂਹ ਦੀ ਪਛਾਣ ਕੀਤੀ ਹੈ।
ਜਾਪਾਨ ਤੇ ਥਾਈਲੈਂਡ ਦੇ ਵਿਗਿਆਨੀਆਂ ਨੇ ਇਸ ਖੋਜ ਨੂੰ ਅੰਜਾਮ ਦਿੱਤਾ ਹੈ। ਟੋਕੀਓ ਯੂਨੀਵਰਸਿਟੀ ਮੁਤਾਬਕ ਇਸ ਵਾਇਰਸ ਨਾਲ ਇਨਸਾਨਾਂ ਦੇ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਹੈ। ਇਹ ਵਾਇਰਸ ਸਾਰਸ-ਕੋਵ 2 ਦੇ ਨਜ਼ਦੀਕੀ ਸਮੂਹ ਵਾਲਾ ਹੈ, ਜੋ ਚਮਗਿੱਦੜਾਂ ਵਿਚ ਵੇਖੇ ਜਾਂਦੇ ਹਨ।
ਜਾਪਾਨ ਦੀ ਟੋਕੀਓ ਯੂਨੀਵਰਸਿਟੀ ਦੇ ਮੈਡੀਕਲ ਸਾਇੰਸ ਸੰਸਥਾਨ ਅਤੇ ਥਾਈਲੈਂਡ ਦੀ ਚੁਲਾਲੋਂਕੋਰਨ ਯੂਨੀਵਰਸਿਟੀ ਵਿਚ ਇਹ ਰਿਸਰਚ ਕੀਤੀ ਗਈ ਹੈ। ਚਮਗਿੱਦੜ ਸਾਰਸ-ਕੋਵ-2 ਨਾਲ ਸਬੰਧਤ ਕੋਰੋਨਾ ਵਾਇਰਸ ਦਾ ਮੇਨ ਹੋਸਟ ਹੈ। ਇਹ ਹਾਲ ਹੀ ਵਿਚ ਕੋਵਿਡ-19 ਮਹਾਮਾਰੀ ਦਾ ਕਾਰਨ ਬਣਨ ਵਾਲਾ ਏਜੰਟ ਹੈ।
