ਦੇਸੀ ਇਡਲੀ ਚਾਈਨੀਜ਼ ਤੜਕੇ ਨਾਲ

ਚਾਈਨੀਜ਼ ਖਾਣਾ ਹਰ ਕਿਸੇ ਨੂੰ ਪਸੰਦ ਹੁੰਦਾ ਹੈ। ਅੱਜ ਅਸੀਂ ਤੁਹਾਨੂੰ ਚਾਈਨੀਜ਼ ਇਡਲੀ ਬਾਰੇ ਦੱਸਣ ਜਾ ਰਹੇ ਹਾਂ। ਇਹ ਬਹੁਤ ਹੀ ਸੁਆਦੀ ਹੁੰਦੀ ਹੈ।
ਬਣਾਉਣ ਲਈ ਸਮੱਗਰੀ  :
– ਪੰਜ ਇਡਲੀ
– ਇੱਕ ਚਮਚ ਮੱਖਣ
– ਤਲਣ ਲਈ ਤੇਲ
– ਇੱਕ ਫ਼ਲੀ ਲਸਣ ਬਰੀਕ ਕੱਟਿਆ ਹੋਇਆ
– ਇੱਕ ਚਮਚ ਬਰੀਕ ਕੱਟਿਆ ਅਦਰਕ
– ਇੱਕ ਚਮਚ ਹਰੀ ਮਿਰਚ(ਬਰੀਕ ਕੱਟੀ ਹੋਈ)
– 2-3 ਹਰੇ ਪਿਆਜ਼ ਕੱਟੇ ਹੋਏ
– ਅੱਧਾ ਕੱਪ ਲਾਲ ਸ਼ਿਮਲਾ ਮਿਰਚ ਕੱਟੀ ਹੋਈ
– ਅੱਧਾ ਕੱਪ ਪੀਲੀ ਸ਼ਿਮਲਾ ਮਿਰਚ ਕੱਟੀ ਹੋਈ
– ਇੱਕ ਚਮਚ ਸੋਇਆ ਸੌਸ
– ਥੋੜ੍ਹੀ ਕਾਲੀ ਮਿਰਚ
– ਇੱਕ ਚੌਥਾਈ ਖੰਡ
– ਇੱਕ ਚਮਚ ਮੱਕੀ ਦਾ ਆਟਾ
ਬਣਾਉਣ ਦਾ ਤਰੀਕਾ :
– ਸਭ ਤੋਂ ਪਹਿਲਾਂ ਇਡਲੀਆਂ ਨੂੰ ਬਰਾਬਰ ਅਕਾਰ ‘ਚ ਕੱਟ ਲਓ।
– ਹੁਣ ਇੱਕ ਪੈਨ ‘ਚ ਮੱਖਣ ਅਤੇ ਇਡਲੀ ਪਾ ਕੇ ਭੁੰਨ ਲਓ।
– ਹੁਣ ਹੋਰ ਪੈਨ ‘ਚ ਤੇਲ ਗਰਮ ਕਰੋ।
– ਇਸ ‘ਚ ਲਸਣ, ਅਦਰਕ, ਹਰੀ ਮਿਰਚ, ਹਰੇ ਪਿਆਜ਼, ਲਾਲ ਸ਼ਿਮਲਾ ਮਿਰਚ, ਪੀਲੀ ਸ਼ਿਮਲਾ ਮਿਰਚ, ਸੋਇਆ ਸੌਸ, ਕਾਲੀ ਮਿਰਚ ਅਤੇ ਖੰਡ ਪਾ ਕੇ ਚੰਗੀ ਤਰ੍ਹਾਂ ਪਕਾ ਲਓ।
– ਇਸ ਤੋਂ ਬਾਅਦ ਮੱਕੀ ਦਾ ਆਟਾ, ਪਾਣੀ ‘ਚ ਘੋਲ ਕੇ ਇਸ ‘ਚ ਪਾ ਦਿਓ।
– ਹੁਣ ਇਸ ‘ਚ ਇਡਲੀਆਂ ਵੀ ਪਾ ਦਿਓ।
– ਲਓ ਜੀ ਤਿਆਰ ਹੈ ਤੁਹਾਡੀਆਂ ਚਾਈਨੀਜ਼ ਇਡਲੀਆਂ ਇਨ੍ਹਾਂ ਨੂੰ ਸਜਾ ਕੇ ਪਰੋਸੋ॥