ਬਿਜਨੌਰ – ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਦੇ ਨਜੀਬਾਬਾਦ ‘ਚ ਇਕ ਮਸਜਿਦ ‘ਚ ਲਾਊਡਸਪੀਕਰ ਦੀ ਵਰਤੋਂ ਕਰਕੇ ਅਜ਼ਾਨ ਦੇਣ ਦੇ ਦੋਸ਼ ‘ਚ ਇਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ, ਇਸ ਦੀ ਜਾਣਕਾਰੀ ਪੁਲਸ ਨੇ ਦਿੱਤੀ ਹੈ। ਪੁਲਸ ਸੁਪਰਡੈਂਟ ਕੇ.ਕੇ. ਵਿਸ਼ਨੋਈ ਨੇ ਦੱਸਿਆ ਕਿ ਇਹ ਘਟਨਾ ਸ਼ਨੀਵਾਰ ਦੁਪਹਿਰ ਨੂੰ ਵਾਪਰੀ।
ਇਸ ਦੌਰਾਨ ਜਦੋਂ ਨਜੀਬਾਬਾਦ ਪੁਲਸ ਸਟੇਸ਼ਨ ਦੇ ਸਰਕਾਰੀ ਇੰਟਰ ਕਾਲਜ ਨੇੜੇ ਨਮਾਜ਼ ਦੇ ਸਮੇਂ ਸ਼ੋਰ ਆਗਿਆਯੋਗ ਸੀਮਾ ਤੋਂ ਵੱਧ ਗਿਆ ਤਾਂ ਪੁਲਸ ਅਧਿਕਾਰੀ ਮਸਜਿਦ ‘ਚ ਗਏ ਅਤੇ ਜਾਂਚ ਕੀਤੀ ਅਤੇ ਪਾਇਆ ਕਿ ਮੁਹੰਮਦ ਫੈਜ਼ਾਨ ਲਾਊਡਸਪੀਕਰ ਦੀ ਵਰਤੋਂ ਕਰਕੇ ਅਜ਼ਾਨ ਦੇ ਰਿਹਾ ਸੀ। ਉਨ੍ਹਾਂ ਕਿਹਾ ਕਿ ਸਬ-ਇੰਸਪੈਕਟਰ ਸੌਰਭ ਸਿੰਘ ਨੇ ਨਜੀਬਾਬਾਦ ਪੁਲਸ ਸਟੇਸ਼ਨ ‘ਚ ਦੋਸ਼ੀ ਵਿਰੁੱਧ FIR ਦਰਜ ਕਰਵਾਈ ਅਤੇ ਫੈਜ਼ਾਨ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਪੁਲਸ ਨੇ ਫੈਜ਼ਾਨ ਨੂੰ SDM ਅਦਾਲਤ ‘ਚ ਪੇਸ਼ ਕੀਤਾ, ਜਿੱਥੇ ਉਸਨੂੰ 14 ਦਿਨਾਂ ਦੀ ਨਿਆਂਇਕ ਹਿਰਾਸਤ ‘ਚ ਭੇਜ ਦਿੱਤਾ ਗਿਆ। ਇਸ ਮਹੀਨੇ ਦੇ ਸ਼ੁਰੂ ‘ਚ, ਇਲਾਹਾਬਾਦ ਹਾਈ ਕੋਰਟ ਦੇ ਲਖਨਊ ਬੈਂਚ ਨੇ ਬਲਰਾਮਪੁਰ ‘ਚ ਇਕ ਘਟਨਾ ਦਾ ਖੁਦ ਨੋਟਿਸ ਲਿਆ, ਜਿੱਥੇ ਇਕ ਦੂਜੀ ਜਮਾਤ ਦੀ ਵਿਦਿਆਰਥਣ ਦੀ ਉਸਦੀ ਕਲਾਸ ‘ਚ ਮੌਤ ਹੋ ਗਈ, ਕਥਿਤ ਤੌਰ ‘ਤੇ ਸਕੂਲ ਕੋਲੋਂ ਲੰਘ ਰਹੇ ਇੱਕ ਡੀਜੇ ਮਿਊਜ਼ਿਕ ਪਲੇਅਰ ਦੀ ਉੱਚੀ ਆਵਾਜ਼ ਕਾਰਨ।
ਇਸ ਦੌਰਾਨ ਸਤੰਬਰ ‘ਚ, ਬਿਜਨੌਰ ‘ਚ ਮਸਜਿਦਾਂ, ਮੰਦਰਾਂ ਅਤੇ ਗੁਰਦੁਆਰਿਆਂ ਤੋਂ ਲਾਊਡਸਪੀਕਰਾਂ ਨੂੰ ਨਿਰਧਾਰਤ ਸ਼ੋਰ ਪੱਧਰ ਤੋਂ ਵੱਧ ਹੋਣ ਕਾਰਨ ਧਾਰਮਿਕ ਸਥਾਨਾਂ ਵਿਰੁੱਧ ਚਲਾਈ ਗਈ ਮੁਹਿੰਮ ਦੌਰਾਨ ਹਟਾ ਦਿੱਤਾ ਗਿਆ ਸੀ।
