ਸਵਾਈਨ ਫਲੂ ਦਾ ਕਹਿਰ ਜਾਰੀ, ਇਕ ਹੋਰ ਔਰਤ ਹੋਈ ਇਸ ਬੀਮਾਰੀ ਦਾ ਸ਼ਿਕਾਰ

ਕਾਂਗੜਾ— ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਜ਼ਿਲੇ ‘ਚ ਸਵਾਈਨ ਫਲੂ ਦਾ ਕਹਿਰ ਵਧਦਾ ਜਾ ਰਿਹਾ ਹੈ। ਡਾ.ਰਾਜੇਂਦਰ ਪ੍ਰਸਾਦ ਮੈਡੀਕਲ ਕਾਲਜ ਟਾਂਡਾ ‘ਚ ਸਵਾਈਨ ਫਲੂ ਨਾਲ 65 ਸਾਲਾਂ ਬਜ਼ੁਰਗ ਦੀ ਮੌਤ ਦੇ ਬਾਅਦ ਹੁਣ 42 ਸਾਲਾਂ ਔਰਤ ਵੀ ਬੀਮਾਰੀ ਦੀ ਲਪੇਟ ‘ਚ ਆ ਗਈ ਹੈ। ਕਾਂਗੜਾ ਦੇ ਦੌਲਤਪੁਰ ਦੀ ਇਕ ਔਰਤ ਦੋ ਦਿਨ ਪਹਿਲੇ ਟਾਂਡਾ ਚੈਕਅਪ ਕਰਵਾਉਣ ਆਈ ਸੀ। ਔਰਤ ‘ਚ ਸਵਾਈਨ ਫਲੂ ਦੇ ਲੱਛਣ ਦੇਖਣ ‘ਤੇ ਡਾਕਟਰਾਂ ਨੇ ਉਸ ਦੇ ਖੂਨ ਦੇ ਨਮੂਨੇ ਇੱਕਠੇ ਕੀਤੇ। ਜਿਸ ‘ਚ ਔਰਤ ਦੀ ਰਿਪੋਰਟ ਪਾਜੀਟਿਵ ਆਈ ਹੈ। ਹਸਪਤਾਲ ਪ੍ਰਸ਼ਾਸਨ ਨੇ ਦੱਸਿਆ ਕਿ ਔਰਤ ਕਿਸੇ ਬੀਮਾਰੀ ਤੋਂ ਪੀੜਿਤ ਸੀ, ਇਸ ਲਈ ਉਹ ਚੈਕਅਪ ਕਰਵਾਉਣ ਆਈ ਸੀ।
ਜਾਣਕਾਰੀ ਮੁਤਾਬਕ ਔਰਤ ਦੇ ਸਰੀਰ ‘ਚ ਸਵਾਈਨ ਫਲੂ ਪਹਿਲੇ ਚਰਨ ‘ਚ ਹੈ। ਜਿਸ ਦੀ ਹਾਲਤ ਹੁਣ ਸਥਿਰ ਪਾਈ ਗਈ ਹੈ। ਸਵਾਈਨ ਫਲੂ ਨਾਲ ਪੀੜਿਤ ਔਰਤ ਕਿਤੇ ਬਾਹਰ ਵੀ ਨਹੀਂ ਗਈ ਸੀ ਪਰ ਸਵਾਲ ਇਹ ਹੈ ਕਿ ਦੌਲਤਪੁਰ ਦੀ ਰਹਿਣ ਵਾਲੀ ਔਰਤ ਨੂੰ ਸਵਾਈਨ ਫਲੂ ਕਿਸ ਤਰ੍ਹਾਂ ਹੋਇਆ। ਦੂਜੇ ਪਾਸੇ ਸੀ.ਐਮ.ਓ ਡਾ.ਆਰ.ਐਸ ਰਾਣਾ ਨੇ ਇਸ ਔਰਤ ਦੇ ਸਵਾਈਨ ਫਲੂ ਦੀ ਲਪੇਟ ‘ਚ ਆਉਣ ਦੇ ਬਾਅਦ ਵਿਭਾਗ ਸਖ਼ਤ ਹੋਇਆ ਹੈ ਅਤੇ ਉਹ ਐਤਵਾਰ ਨੂੰ ਆਪਣੀ ਟੀਮ ਦੌਲਤਪੁਰ ਭੇਜਣਗੇ। ਔਰਤ ਦੇ ਸੰਪਰਕ ‘ਚ ਆਉਣ ਵਾਲੇ ਲੋਕਾਂ ਦੇ ਖੂਨ ਦੇ ਨਮੂਨੇ ਲਏ ਜਾਣਗੇ।