ਓਡੀਸ਼ਾ ਪਹੁੰਚੇ PM ਮੋਦੀ ਨੇ ਦਿੱਤੀ ਵੱਡੀ ਸੌਗਾਤ, 60,000 ਕਰੋੜ ਰੁਪਏ ਦੇ ਪ੍ਰੋਜੈਕਟਾਂ ਦਾ ਕੀਤਾ ਉਦਘਾਟਨ

ਨੈਸ਼ਨਲ ਡੈਸਕ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਨੀਵਾਰ ਨੂੰ ਓਡੀਸ਼ਾ ਦੇ ਝਾਰਸੁਗੁੜਾ ਪਹੁੰਚੇ, ਜਿੱਥੇ ਉਹ ਦੂਰਸੰਚਾਰ, ਰੇਲਵੇ ਅਤੇ ਉੱਚ ਸਿੱਖਿਆ ਵਰਗੇ ਖੇਤਰਾਂ ਨਾਲ ਸਬੰਧਤ 60,000 ਕਰੋੜ ਰੁਪਏ ਤੋਂ ਵੱਧ ਦੇ ਵਿਕਾਸ ਪ੍ਰੋਜੈਕਟਾਂ ਦਾ ਉਦਘਾਟਨ ਕੀਤਾ। ਜੂਨ 2024 ‘ਚ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੁਆਰਾ ਓਡੀਸ਼ਾ ਵਿੱਚ ਸਰਕਾਰ ਬਣਾਉਣ ਤੋਂ ਬਾਅਦ ਪਿਛਲੇ 15 ਮਹੀਨਿਆਂ ਵਿੱਚ ਇਹ ਪ੍ਰਧਾਨ ਮੰਤਰੀ ਦਾ ਰਾਜ ਦਾ ਛੇਵਾਂ ਦੌਰਾ ਹੈ। ਮੋਦੀ ਦਾ ਝਾਰਸੁਗੁੜਾ ਦੌਰਾ ਲਗਭਗ ਸੱਤ ਸਾਲਾਂ ਬਾਅਦ ਆਏ। ਉਹ ਪਹਿਲਾਂ 22 ਸਤੰਬਰ, 2018 ਨੂੰ ਰਾਜ ਦੇ ਦੂਜੇ ਵਪਾਰਕ ਹਵਾਈ ਅੱਡੇ ਦਾ ਉਦਘਾਟਨ ਕਰਨ ਲਈ ਇਸ ਪੱਛਮੀ ਓਡੀਸ਼ਾ ਸ਼ਹਿਰ ਦਾ ਦੌਰਾ ਕਰ ਚੁੱਕੇ ਸਨ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਓਡੀਸ਼ਾ ਦੇ ਝਾਰਸੁਗੁੜਾ ਤੋਂ BSNL ਦੇ ਸਵਦੇਸ਼ੀ 4G ਨੈੱਟਵਰਕ ਦੀ ਸ਼ੁਰੂਆਤ ਕੀਤੀ।