ਵਾਸ਼ਿੰਗਟਨ– ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਭਾਰਤ ਅਤੇ ਅਮਰੀਕਾ ਵਿਚਾਲੇ ਵਿਆਪਕ ਆਲਮੀ ਰਣਨੀਤਕ ਭਾਈਵਾਲੀ ਨੂੰ ਹੋਰ ਅੱਗੇ ਵਧਾਉਣ ਲਈ ਅਮਰੀਕਾ ਦੇ ਚਾਰ ਦਿਨਾਂ ਦੌਰੇ ’ਤੇ ਵੀਰਵਾਰ ਨੂੰ ਵਾਸ਼ਿੰਗਟਨ ਪਹੁੰਚੇ। ਵਾਸ਼ਿੰਗਟਨ ਵਿਚ ਸਿੰਘ ਅਮਰੀਕੀ ਰੱਖਿਆ ਸਕੱਤਰ ਲੋਇਡ ਆਸਟਿਨ ਅਤੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜੇਕ ਸੁਲਿਵਨ ਸਮੇਤ ਹੋਰਨਾਂ ਨਾਲ ਗੱਲਬਾਤ ਕਰਨਗੇ।
ਅਧਿਕਾਰੀਆਂ ਨੇ ਇਸੇ ਹਫਤੇ ਨਵੀਂ ਦਿੱਲੀ ’ਚ ਦੱਸਿਆ ਸੀ ਕਿ ਆਸਟਿਨ ਨਾਲ ਸਿੰਘ ਦੀ ਗੱਲਬਾਤ ਦੌਰਾਨ ਭਾਰਤ ਦੀ 31 MQ-9B ਪ੍ਰੀਡੇਟਰ ਡਰੋਨਾਂ ਨੂੰ ਖਰੀਦਣ ਦੀ ਯੋਜਨਾ, ਭਾਰਤ ਵਿਚ ਸਟ੍ਰਾਈਕਰ ਇਨਫੈਂਟਰੀ ਲੜਾਕੂ ਵਾਹਨਾਂ ਦੇ ਸੰਯੁਕਤ ਨਿਰਮਾਣ ਅਤੇ ਜੀ.ਈ.ਐੱਫ.414 ਇੰਜਣਾਂ ਦੇ ਸਹਿ-ਉਤਪਾਦਨ ’ਤੇ ਪ੍ਰਮੁੱਖਤਾ ਨਾਲ ਚਰਚਾ ਹੋਣ ਦੀ ਸੰਭਾਵਨਾ ਹੈ।
