ਬਿਹਾਰ ’ਚ ਦਿਨ-ਦਿਹਾੜੇ ਕਰ ‘ਤਾ ਮੁੰਡੇ ਦਾ ਕਤਲ, ਇਕੱਠੀ ਹੋਈ ਭੀੜ ਨੇ ਮੁਲਜ਼ਮ ਦਾ ਚਾੜ੍ਹਿਆ ਕੁਟਾਪਾ, ਫਿਰ…

ਮਧੇਪੁਰਾ – ਬਿਹਾਰ ’ਚ ਮਧੇਪੁਰਾ ਜ਼ਿਲ੍ਹੇ ਦੇ ਘੈਲਾੜ ਥਾਣਾ ਖੇਤਰ ’ਚ ਸ਼ਨੀਵਾਰ ਨੂੰ ਦਿਨ-ਦਿਹਾੜੇ ਬੱਚੇ ਦਾ ਗਲਾ ਵੱਢ ਕੇ ਕਤਲ ਕਰ ਦਿੱਤਾ ਗਿਆ। ਪੁਲਸ ਸੂਤਰਾਂ ਨੇ ਦੱਸਿਆ ਕਿ ਰਤਨਪੁਰਾ ਪੰਚਾਇਤ ਦੇ ਇਟਹਰੀ ਵਾਰਡ ਨੰਬਰ 2 ਦੇ ਵਸਨੀਕ ਫਤੂਲੀ ਠਾਕੁਰ ਦਾ ਪੁੱਤਰ ਸੁਮਿਤ ਕੁਮਾਰ (10) ਪਿੰਡ ਦੇ ਬਾਹਰ ਪੁਲ ਨੇੜੇ ਖੇਡ ਰਿਹਾ ਸੀ। ਇਸੇ ਦੌਰਾਨ ਇਕ ਅਣਪਛਾਤਾ ਵਿਅਕਤੀ ਉੱਥੇ ਪਹੁੰਚਿਆ ਅਤੇ ਦਾਤ ਨਾਲ ਬੱਚੇ ਦਾ ਗਲਾ ਵੱਢ ਦਿੱਤਾ, ਜਿਸ ਨਾਲ ਘਟਨਾ ਸਥਾਨ ’ਤੇ ਹੀ ਬੱਚੇ ਦੀ ਮੌਤ ਹੋ ਗਈ।
ਇਸ ਘਟਨਾ ਦੌਰਾਨ ਰੌਲਾ ਸੁਣ ਕੇ ਮੌਕੇ ’ਤੇ ਇਕੱਠੇ ਹੋਏ ਪਿੰਡ ਵਾਸੀਆਂ ਨੇ ਭੱਜ ਰਹੇ ਮੁਲਜ਼ਮ ਨੂੰ ਫੜ ਲਿਆ ਅਤੇ ਉਸ ਦੀ ਜੰਮ ਕੇ ਕੁੱਟਮਾਰ ਕੀਤੀ। ਇਸ ਨਾਲ ਉਸ ਦੀ ਵੀ ਘਟਨਾ ਸਥਾਨ ’ਤੇ ਮੌਤ ਹੋ ਗਈ। ਮੁਲਜ਼ਮ ਦੀ ਪਛਾਣ ਨਹੀਂ ਹੋ ਸਕੀ। ਘਟਨਾ ਦੇ ਵਿਰੋਧ ’ਚ ਰੋਸ ’ਚ ਆਏ ਲੋਕਾਂ ਨੇ ਮਧੇਪੁਰਾ-ਸਿੰਘੇਸ਼ਵਰ ਸੜਕ ਜਾਮ ਕਰ ਦਿੱਤੀ।