ਡਲ ਝੀਲ ਦੀ ਹਾਊਸਬੋਟ ‘ਚ ਅਮਰੀਕੀ ਸੈਲਾਨੀ ਦੀ ਮੌਤ, ਪਤਨੀ ਨਾਲ ਘੁੰਮਣ ਆਏ ਸਨ ਕਸ਼ਮੀਰ

ਸ਼੍ਰੀਨਗਰ- ਸ਼੍ਰੀਨਗਰ ‘ਚ ਡਲ ਝੀਲ ਦੀ ਇਕ ਹਾਊਸਬੋਟ ‘ਚ ਰੁਕੇ ਅਮਰੀਕੀ ਸੈਲਾਨੀ ਦੀ ਬੁੱਧਵਾਰ ਨੂੰ ਸਿਹਤ ਵਿਗੜਨ ਕਾਰਨ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 83 ਸਾਲਾ ਜਾਨ ਡੇਵਿਡ ਐਂਡਰਸਨ ਆਪਣੀ ਪਤਨੀ ਜੂਡਿਥ ਐਨ ਮੈਕਾਰਥੀ ਨਾਲ ਕਸ਼ਮੀਰ ਦੀ ਯਾਤਰਾ ‘ਤੇ ਆਏ ਸਨ।
ਉਨ੍ਹਾਂ ਦੱਸਿਆ ਕਿ ਰਾਤ ਨੂੰ ਉਨ੍ਹਾਂ ਨੂੰ ਅਚਾਨਕ ਬੇਚੈਨੀ ਮਹਿਸੂਸ ਹੋਈ ਅਤੇ ਉਨ੍ਹਾਂ ਨੂੰ ਤੁਰੰਤ ਨਜ਼ਦੀਕੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪੁਲਸ ਨੇ ਮਾਮਲੇ ਦਾ ਨੋਟਿਸ ਲੈਂਦੇ ਹੋਏ ਮੌਤ ਦੇ ਸਹੀ ਕਾਰਨ ਦਾ ਪਤਾ ਲਾਉਣ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।