ਟਿਮ ਪੇਨ ਹੋਣਗੇ ਆਸਟ੍ਰੇਲੀਆਈ ਕ੍ਰਿਕਟ ਦੇ ਨਵੇਂ ਕਪਤਾਨ, ਕਦੀ ਖੇਡ ਤੋਂ ਲੈਣਾ ਚਾਹੁੰਦੇ ਸਨ ਸੰਨਿਆਸ

ਨਵੀਂ ਦਿੱਲੀਂਟਿਮ ਪੇਨ ਨੂੰ ਅਗਲੇ ਮਹੀਨੇ ਹੋਣ ਵਾਲੇ ਇੰਗਲੈਂਡ ਦੌਰੇ ਦੇ ਲਈ ਆਸਟ੍ਰੇਲੀਆ ਵਨ ਡੇਅ ਟੀਮ ਦਾ ਕਪਤਾਨ ਬਣਾਇਆ ਗਿਆ ਹੈ। ਪੂਰੀ ਉਮੀਦ ਸੀ ਕਿ ਨਵਨਿਯੁਕਤ ਆਸਟ੍ਰੇਲੀਆ ਕੋਚ ਜਸਟਿਨ ਲੈਂਗਰ ਕੋਚ ਦੇ ਰੂਪ ‘ਚ ਆਪਣੇ ਪਹਿਲੇ ਪ੍ਰਮੁੱਖ ਫੈਸਲੇ ‘ਚ ਪੇਨ ਨੂੰ ਕਪਤਾਨੀ ਸੌਂਪਣਗੇ, ਹੋਇਆ ਵੀ ਅਜਿਹਾ ਹੀ। ਗੇਂਦ ਨਾਲ ਛੇੜ ਛਾੜ ਦੇ ਮਾਮਲੇ ਦੇ ਬਾਅਦ ਇਸ ਆਸਟ੍ਰੇਲੀਆਈ ਕ੍ਰਿਕਟ ‘ਚ ਨਵੇਂ ਯੁੱਗ ਦੀ ਸ਼ੁਰੂਆਤ ਕਹਿਣਾ ਗਲਤ ਨਹੀਂ ਹੋਵੇਗਾ। ਸਟੀਵ ਸਮਿਥ ‘ਤੇ ਗੇਂਦ ਨਾਲ ਛੇੜ ਛਾੜ ਦੇ ਮਾਮਲੇ ‘ਚ 12 ਮਹੀਨਿਆਂ ਦੀ ਪਾਬੰਧੀ ਲਗਾਉਣ ਦੇ ਬਾਅਦ ਇਸ 33 ਸਾਲ ਦੀ ਉਮਰ ਦੇ ਵਿਕਟਕੀਪਰ ਬੱਲੇਬਾਜ਼ ਨੂੰ ਪਹਿਲਾਂ ਹੀ ਆਸਟ੍ਰੇਲੀਆ ਦਾ ਟੈਸਟ ਕਪਤਾਨ ਨਿਯੁਕਤ ਕੀਤਾ ਜਾ ਚੁੱਕਾ ਹੈ।
ਦੱਖਣੀ ਅਫਰੀਕਾ ਦੇ ਬਹੁਤ ਖਰਾਬ ਦੌਰ ਦੇ ਬਾਅਦ ਆਸਟ੍ਰੇਲੀਆਈ ਟੀਮ ਹੁਣ ਇੰਗਲੈਂਡ ਦੇ ਖਿਲਾਫ ਪੰਜ ਵਨ ਡੇਅ ਮੈਚਾਂ ਦੀ ਸੀਰੀਜ਼ ‘ਚ ਪਹਿਲੀ ਬਾਰ ਮੈਦਾਨ ‘ਤੇ ਉਤਰੇਗੀ। ਕ੍ਰਿਕਟ ਆਸਟ੍ਰੇਲੀਆ ਨੇ ਇੰਗਲੈਂਡ ਦੇ ਖਿਲਾਫ ਇੱਕ ਮਾਤਰ ਟੀ-20 ਸੀਰੀਜ਼ ਦੇ ਲਈ ਵੀ ਆਪਣੀ 14 ਮੈਂਬਰਾਂ ਦੀ ਟੀਮ ਦਾ ਐਲਾਨ ਕੀਤਾ ਹੈ। ਟੀ-20 ਟੀਮ ਦੀ ਕਪਤਾਨੀ ਆਰੋਨ ਫਿੰਚ ਨੂੰ ਸੌਂਪੀ ਗਈ ਹੈ। ਐਲੇਕਸ ਕੇਰੀ ਉਨ੍ਹਾਂ ਦੇ ਉਪ ਕਪਤਾਨ ਹੋਣਗੇ।
ਕ੍ਰਿਕਟ ਆਸਟਰੇਲੀਆ (ਸੀ.ਏ) ਦੇ ਚੇਅਰਮੈਨ ਟ੍ਰੇਵਰ ਹਾਨਰਸ ਨੇ ਕਿਹਾ ਕਿ ਸੀ.ਏ. ਨੂੰ ਇੰਗਲੈਂਡ ‘ਚ 15 ਮੈਂਬਰਾਂ ਦੀ ਟੀਮ ਦੀ ਅਗਵਾਈ ਕਰਨ ਦੇ ਲਈ ਪੇਨ ਦੀ ਸ਼ਮਤਾ ‘ਤੇ ਪੂਰਾ ਵਿਸ਼ਵਾਸ ਹੈ। ਆਸਟ੍ਰੇਲੀਆਈ ਕ੍ਰਿਕਟ ਨੂੰ ਚਾਹੇ ਹੀ ਪਿੱਛਲੇ ਕੁਝ ਦਿਨ੍ਹਾਂ ‘ਚ ਬੁਰੇ ਦੌਰ ਤੋਂ ਲੰਘਣਾ ਪਿਆ ਪਰ ਪੇਨ ਤੇਜ਼ੀ ਨਾਲ ਉਭਰੇ ਹਨ। ਉਨ੍ਹਾਂ ਨੇ ਕਈ ਸਾਲਾਂ ਤੱਕ ਬਾਹਰ ਰਹਿਣ ਦੇ ਬਾਅਦ ਪਿਛਲੇ ਸਾਲ ਨਵੰਬਰ ‘ਚ ਹੀ ਵਾਪਸੀ ਕੀਤੀ ਸੀ। ਜਦੋਂ ਉਹ ਟੀਮ ਤੋਂ ਬਾਰ ਸਨ ਤਾਂ ਇੱਕ ਸਮੇਂ ਸੰਨਿਆਸ ਲੈਣ ਦੇ ਬਾਰੇ ‘ਚ ਵੀ ਸੋਚ ਰਹੇ ਸਨ।