ਜੰਮੂ ਕਸ਼ਮੀਰ ਦੇ ਪੁਲਵਾਮਾ ‘ਚ ਅੱਤਵਾਦੀਆਂ ਦਾ ‘ਅੰਡਰਗਾਊਂਡ ਵਰਕਰ’ ਗ੍ਰਿਫ਼ਤਾਰ

ਸ਼੍ਰੀਨਗਰ- ਜੰਮੂ ਕਸ਼ਮੀਰ ਦੇ ਪੁਲਵਾਮਾ ਜ਼ਿਲ੍ਹੇ ‘ਚ ਸੁਰੱਖਿਆ ਫ਼ੋਰਸਾਂ ਨੇ ਸ਼ਨੀਵਾਰ ਨੂੰ ਅੱਤਵਾਦੀਆਂ ਦੇ ਇਕ ‘ਓਵਰਗ੍ਰਾਊਂਡ ਵਰਕਰ’ (ਓਜੀਡਬਲਿਊ) ਨੂੰ ਗ੍ਰਿਫ਼ਤਾਰ ਕੀਤਾ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਓਜੀਡਬਲਿਊ ਉਹ ਲੋਕ ਹੁੰਦੇ ਹਨ, ਜੋ ਅੱਤਵਾਦੀਆਂ ਨੂੰ ਸਾਮਾਨ ਉਪਲੱਬਧ ਕਰਵਾਉਂਦੇ ਹਨ ਅਤੇ ਗੁਪਤ ਗਤੀਵਿਧੀਆਂ ਚਲਾਉਣ ‘ਚ ਉਨ੍ਹਾਂ ਦੀ ਮਦਦ ਕਰਦੇ ਹਨ।
ਅਧਿਕਾਰੀਆਂ ਅਨੁਸਾਰ, ਦੋਸ਼ੀ ਦੀ ਪਛਾਣ ਦੱਖਣ ਕਸ਼ਮੀਰ ਦੇ ਕਾਚੀਪੋਰਾ ਇਲਾਕੇ ਦੇ ਵਾਸੀ ਉਮਰ ਮਲਿਕ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਮਲਿਕ ਕੋਲੋਂ ਇਕ ਪਿਸਤੌਲ, 2 ਕਾਰਤੂਸ, ਇਕ ਮੈਗਜ਼ੀਨ, ਇਕ ਚੀਨੀ ਗ੍ਰਨੇਡ, ਇਕ ਪਾਕਿਸਤਾਨੀ ਗ੍ਰਨੇਡ ਅਤੇ ਇਕ ਮੋਬਾਈਲ ਫੋਨ ਬਰਾਮਦ ਕੀਤਾ ਗਿਆ ਹੈ।