ਗਾਂਧੀਨਗਰ ਰੈਲੀ ‘ਚ ਬੋਲੇ ਰਾਹੁਲ ਗਾਂਧੀ, ਪੂਰੇ ਗੁਜਰਾਤ ‘ਚ ਹੋ ਰਹੇ ਹਨ ਅੰਦੋਲਨ

ਅਹਿਮਦਾਬਾਦ— ਕਾਂਗਰਸ ਉਪ-ਪ੍ਰਧਾਨ ਰਾਹੁਲ ਗਾਂਧੀ ਅਹਿਮਦਾਬਾਦ ਪੁੱਜ ਗਏ ਹਨ। ਉਹ ਦੁਪਹਿਰ ਨੂੰ ਗਾਂਧੀਨਗਰ ‘ਚ ਨਵੀਨਤਾ ਗੁਜਰਾਤ ਜਨਾਦੇਸ਼ ਸੰਮੇਲਨ ਨੂੰ ਸੰਬੋਧਿਤ ਕਰਨਗੇ। ਰਾਹੁਲ ਦੀ ਅੱਜ ਗੁਜਰਾਤ ‘ਚ ਪਾਟੀਦਾਰ ਰਿਜ਼ਰਵੇਸ਼ਨ ਅੰਦੋਲਨ ਕਮੇਟੀ ਦੇ ਨੇਤਾ ਹਾਰਦਿਕ ਪਟੇਲ, ਦਲਿਤ ਸੈਨਾ ਦੇ ਨੇਤਾ ਅਤੇ ਜੇ.ਐਨ.ਯੂ ਦੇ ਵਿਦਿਆਰਥੀ ਜਿਗਨੇਸ਼ ਮੇਵਾਣੀ ਦੇ ਨਾਲ ਹੋਣ ਵਾਲੀ ਬੈਠਕ ਟਲ ਗਈ ਹੈ। ਪਾਰਟੀ ਦੇ ਪ੍ਰਦੇਸ਼ ਪ੍ਰਧਾਨ ਅਤੇ ਸਾਬਕਾ ਕੇਂਦਰੀ ਮੰਤਰੀ ਭਰਤਸਿੰਘ ਸੋਲੰਕੀ ਨੇ ਅੱਜ ਇੱਥੇ ਪੱਤਰਕਾਰਾਂ ਨੇ ਕਿਹਾ ਕਿ ਪਾਰਟੀ ਦੇ ਓ.ਬੀ.ਸੀ ਏਕਤਾ ਮੰਚ ਦੇ ਨੇਤਾ ਅਲਪੇਸ਼ ਠਾਕੋਰ ਦੇ ਇਲਾਵਾ ਹਾਰਦਿਕ ਅਤੇ ਜਿਗਨੇਸ਼ ਨੂੰ ਗਾਂਧੀ ਨਾਲ ਗੱਲਬਾਤ ਲਈ ਸੱਦਾ ਦਿੱਤਾ ਗਿਆ ਸੀ। ਇਨ੍ਹਾਂ ‘ਚ ਅਲਪੇਸ਼ ਨੇ ਉਨ੍ਹਾਂ ਨਾਲ ਦੋ ਦਿਨ ਪਹਿਲੇ ਦਿੱਲੀ ‘ਚ ਮੁਲਾਕਾਤ ਕੀਤੀ ਅਤੇ ਅੱਜ ਇੱਥੇ ਗਾਂਧੀ ਦੀ ਮੌਜੂਦਗੀ ‘ਚ ਇਕ ਰੈਲੀ ਦੌਰਾਨ ਕਾਂਗਰਸ ‘ਚ ਸ਼ਾਮਲ ਹੋ ਰਹੇ ਹਨ।
ਉਨ੍ਹਾਂ ਨੇ ਕਿਹਾ ਕਿ ਹਾਰਦਿਕ ਅਤੇ ਜਿਗਨੇਸ਼ ਨਾਲ ਅੱਜ ਗਾਂਧੀ ਦੀ ਗੱਲਬਾਤ ਨਹੀਂ ਹੋ ਰਹੀ ਹੈ। ਹੁਣ ਇਹ ਬਾਅਦ ‘ਚ ਇਕ, ਦੋ ਅਤੇ 3 ਨਵੰਬਰ ਨੂੰ ਹੋਵੇਗੀ। ਸੋਲੰਕੀ ਨੇ ਕਿਹਾ ਕਿ ਅੱਜ ਉਨ੍ਹਾਂ ਦੀ ਇਨ੍ਹਾਂ ਦੋਹਾਂ ਨੇਤਾਵਾਂ ਨਾਲ ਗੱਲਬਾਤ ਨਹੀਂ ਹੋਈ ਹੈ। ਸੋਲੰਕੀ ਨੇ ਕਿਹਾ ਕਿ ਭਾਜਪਾ ਦੀ ਕਿਸ਼ਤੀ ਗੁਜਰਾਤ ‘ਚ ਡੁੱਬ ਰਹੀ ਹੈ ਅਤੇ ਇਸ ਨੂੰ ਕੋਈ ਬਚਾ ਨਹੀਂ ਸਕਦਾ ਹੈ। ਪ੍ਰਧਾਨਮੰਤਰੀ ਅਤੇ ਭਾਜਪਾ ਪ੍ਰਧਾਨ ਵਾਰ-ਵਾਰ ਗੁਜਰਾਤ ਦੇ ਚੱਕਰ ਲਗਾ ਰਹੇ ਹਨ। ਪੂਰਾ ਮੋਦੀ ਮੰਤਰੀ ਮੰਡਲ ਅਤੇ ਭਾਜਪਾ ਸ਼ਾਸਿਤ ਰਾਜ ਦੇ ਮੁੱਖਮੰਤਰੀ ਵੀ ਆ ਰਹੇ ਹਨ ਪਰ ਇਨ੍ਹਾਂ ਨਾਲ ਕੋਈ ਫਰਕ ਨਹੀਂ ਪੈਣ ਵਾਲਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਾਜਪਾ ਦੇ 22 ਸਾਲ ਦੇ ਕੁਸ਼ਾਸਨ ਨੂੰ ਖਤਮ ਕਰਨ ਲਈ ਸਾਰੀਆਂ ਤਾਕਤਾਂ ਇੱਕਠੀਆਂ ਆ ਜਾਣ। ਕਾਂਗਰਸ ਦੀ ਜਾਰੀ ਰੀਲੀਜ਼ ‘ਚ ਅੱਜ ਉਨ੍ਹਾਂ ਦੇ ਗੁਜਰਾਤ ‘ਚ ਹਾਰਦਿਕ ਅਤੇ ਪਾਟੀਦਾਰ ਨੇਤਾਵਾਂ ਅਤੇ ਦਲਿਤ ਨੇਤਾਵਾਂ ਨਾਲ ਬੈਠਕ ਦਾ ਪ੍ਰੋਗਰਾਮ ਵੀ ਦਰਸ਼ਾਇਆ ਗਿਆ ਸੀ।