ਕਿਨਸ਼ਾਸਾ- ਕਾਂਗੋ ‘ਚ ਇਸਲਾਮਿਕ ਸਟੇਟ ਸਮੂਹ ਨਾਲ ਜੁੜੇ ਬਾਗੀਆਂ ਦੇ ਹਮਲਿਆਂ ‘ਚ ਘੱਟੋ-ਘੱਟ 16 ਪਿੰਡ ਵਾਸੀ ਮਾਰੇ ਗਏ ਅਤੇ 20 ਨੂੰ ਅਗਵਾ ਕਰ ਲਿਆ ਗਿਆ। ਉੱਤਰ-ਪੂਰਬੀ ਕਾਂਗੋ ‘ਚ ਇਸਲਾਮਿਕ ਸਟੇਟ ਸਮੂਹ ਦੇ ਨਾਲ ਹੋਰਾਂ ਨੂੰ ਅਗਵਾ ਕੀਤਾ ਗਿਆ ਸੀ। ਇੱਕ ਸਥਾਨਕ ਸਿਵਲ ਸੁਸਾਇਟੀ ਸਮੂਹ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ‘ਨਿਊ ਸਿਵਲ ਸੋਸਾਇਟੀ ਆਫ ਕਾਂਗੋ’ ਦੇ ਕੋਆਰਡੀਨੇਟਰ ਜੌਹਨ ਵੁਲਵਾਰਿਓ ਨੇ ਦੱਸਿਆ ਕਿ ‘ਅਲਾਇਡ ਡੈਮੋਕ੍ਰੇਟਿਕ ਫੋਰਸਿਜ਼’ ਦੇ ਹਮਲਾਵਰਾਂ ਨੇ ਸਥਾਨਕ ਲੋਕਾਂ ‘ਤੇ ਉਸ ਸਮੇਂ ਹਮਲਾ ਕੀਤਾ ਜਦੋਂ ਉਹ ਇਟੂਰੀ ਸੂਬੇ ਦੇ ਮਮਬਾਸਾ ਖੇਤਰ ‘ਚ ਆਪਣੇ ਖੇਤਾਂ ‘ਚ ਕੰਮ ਕਰ ਰਹੇ ਸਨ।
ਉਨ੍ਹਾਂ ਕਿਹਾ ਕਿ ਮ੍ਰਿਤਕਾਂ ਦੀ ਗਿਣਤੀ ਅਜੇ ਸਪੱਸ਼ਟ ਨਹੀਂ ਹੈ ਕਿਉਂਕਿ ਅਗਵਾ ਕੀਤੇ ਗਏ ਹੋਰ 20 ਲੋਕਾਂ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਕਾਂਗੋ ਦੇ ਬਹੁਤ ਸਾਰੇ ਪਿੰਡਾਂ ਨੂੰ ਸੱਤਾ ਅਤੇ ਕੀਮਤੀ ਖਣਿਜ ਸਰੋਤਾਂ ਲਈ ਲੜ ਰਹੇ ਕੱਟੜਪੰਥੀ ਵਿਚਾਰਧਾਰਾਵਾਂ ਵਾਲੇ ਸਥਾਨਕ ਬਾਗੀਆਂ ਜਾਂ ਅੱਤਵਾਦੀ ਸਮੂਹਾਂ ਦੁਆਰਾ ਕਾਬੂ ਕਰ ਲਿਆ ਗਿਆ ਹੈ।
