ਅੱਤਵਾਦੀਆਂ ਦੇ 7 ਸਹਿਯੋਗੀਆਂ ਖ਼ਿਲਾਫ਼ UAPA ਦੇ ਅਧੀਨ ਦੋਸ਼ ਪੱਤਰ ਦਾਇਰ

ਸ਼੍ਰੀਨਗਰ- ਸ਼੍ਰੀਨਗਰ ਦੀ ਇਕ ਅਦਾਲਤ ‘ਚ ਅੱਤਵਾਦੀਆਂ ਦੇ 7 ਸਹਿਯੋਗੀਆਂ ਖ਼ਿਲਾਫ਼ ਗੈਰ-ਕਾਨੂੰਨੀ ਗਤੀਵਿਧੀਆਂ ਐਕਟ (ਯੂਏਪੀਏ) ਦੇ ਅਧੀਨ ਦੋਸ਼ ਪੱਤਰ ਦਾਇਰ ਕੀਤਾ ਗਿਆ ਹੈ। ਪੁਲਸ ਦੇ ਇਕ ਬੁਲਾਰੇ ਨੇ ਸੋਮਵਾਰ ਨੂੰ ਦੱਸਿਆ ਕਿ ਦੋਸ਼ ਪੱਤਰ ਯੂਏਪੀਏ ਦੇ ਅਧੀਨ ਖਾਨਯਾਰ ਥਾਣੇ ‘ਚ ਦਰਜ ਇਕ ਮਾਮਲੇ ਨਾਲ ਸੰਬੰਧਤ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮਾਮਲੇ ‘ਚ 8 ਦੋਸ਼ੀ ਨਾਮਜ਼ਦ ਸਨ, ਜਿਨ੍ਹਾਂ ‘ਚ ਪੁਲਸ ਮੁਕਾਬਲੇ ‘ਚ ਮਾਰਿਆ ਗਿਆ ਪਾਕਿਸਤਾਨੀ ਅੱਤਵਾਦੀ ਉਸਮਾਨ ਵੀ ਸ਼ਾਮਲ ਸੀ।
ਬੁਲਾਰੇ ਨੇ ਕਿਹਾ,”ਵੱਖ-ਵੱਖ ਅੱਤਵਾਦ ਸੰਬੰਧੀ ਗਤੀਵਿਧੀਆਂ ‘ਚ ਸ਼ਾਮਲ ਹੋਣ ਲਈ 7 ਵਿਅਕਤੀਆਂ ਖ਼ਿਲਾਫ਼ ਰਸਮੀ ਤੌਰੇ ‘ਤੇ ਦੋਸ਼ ਲਗਾਏ ਗਏ ਹਨ, ਜਦੋਂ ਕਿ ਮਾਰੇ ਚੁੱਕੇ ਪਾਕਿਸਤਾਨੀ ਅੱਤਵਾਦੀ ਦੇ ਸੰਬੰਧ ‘ਚ ਇਕ ਚਲਾਨ ਪੇਸ਼ ਕੀਤਾ ਗਿਆ ਹੈ।” ਪੁਲਸ ਨੇ ਕਿਹਾ ਕਿ ਜੰਮੂ ਕਸ਼ਮੀਰ ਪੁਲਸ ਅੱਤਵਾਦ ਨੂੰ ਖ਼ਤਮ ਕਰਨ ਅਤੇ ਆਪਣੇ ਲੋਕਾਂ ਦੀ ਸੁਰੱਖਿਆ ਯਕੀਨੀ ਕਰਨ ਲਈ ਵਚਨਬੱਧ ਹੈ।