ਮਹਾਰਾਸ਼ਟਰ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ: ਵੀਡੀਓ ‘ਚ ਵੋਟਿੰਗ ਪਾਉਂਦੇ ਦਿਖਾਈ ਦਿੱਤਾ ਨਾਬਾਲਗ ਮੁੰਡਾ

ਪੁਣੇ : ਮਹਾਰਾਸ਼ਟਰ ਦੇ ਸੋਲਾਪੁਰ ਵਿੱਚ ਜ਼ਿਲ੍ਹਾ ਪ੍ਰੀਸ਼ਦ ਚੋਣਾਂ ਵਿੱਚ ਇੱਕ 14 ਸਾਲਾ ਲੜਕੇ ਨੂੰ ਆਪਣੇ ਪਿਤਾ ਨਾਲ ਕਥਿਤ ਤੌਰ ‘ਤੇ ਵੋਟ ਪਾਉਂਦੇ ਦੇਖਿਆ ਗਿਆ। ਉਸਦੇ ਪਿਤਾ ਚੋਣ ਵਿੱਚ ਉਮੀਦਵਾਰ ਸਨ। ਸ਼ਨੀਵਾਰ ਨੂੰ ਵੋਟਿੰਗ ਦੌਰਾਨ ਅਕਲੂਜ ਦੇ ਯਸ਼ਵੰਤ ਨਗਰ ਵਿੱਚ ਇੱਕ ਪੋਲਿੰਗ ਬੂਥ ਦੇ ਅੰਦਰ ਅਰਜੁਨ ਸਿੰਘ ਮੋਹਿਤੇ ਪਾਟਿਲ ਦੇ ਪੁੱਤਰ ਨੂੰ ਉਨ੍ਹਾਂ ਦੇ ਕੋਲ ਖੜ੍ਹਾ ਅਤੇ ਈਵੀਐਮ ਬਟਨ ਦਬਾਉਂਦੇ ਦੇਖਿਆ ਗਿਆ।
ਮੋਹਿਤ ਪਾਟਿਲ ਨੇ ਬਾਅਦ ਵਿੱਚ ਕਿਹਾ ਕਿ ਉਸਦਾ ਪੁੱਤਰ ਸਿਰਫ਼ ਇਹ ਦੇਖਣਾ ਚਾਹੁੰਦਾ ਸੀ ਕਿ ਵੋਟਿੰਗ ਕਿਵੇਂ ਹੁੰਦੀ ਹੈ। ਉਨ੍ਹਾਂ ਕਿਹਾ, “ਮੇਰਾ ਪੁੱਤਰ ਦੇਖਣਾ ਚਾਹੁੰਦਾ ਸੀ ਕਿ ਵੋਟ ਕਿਵੇਂ ਪਾਈ ਜਾਂਦੀ ਹੈ, ਇਸ ਲਈ ਮੈਂ ਉਸਨੂੰ ਆਪਣੇ ਨਾਲ ਅੰਦਰ ਲੈ ਕੇ ਗਿਆ। ਪੋਲਿੰਗ ਅਧਿਕਾਰੀਆਂ ਨੇ ਇਸ ‘ਤੇ ਇਤਰਾਜ਼ ਜਤਾਇਆ ਪਰ ਮੈਂ ਉਨ੍ਹਾਂ ਨੂੰ ਬੇਨਤੀ ਕੀਤੀ ਕਿ ਜਦੋਂ ਮੈਂ ਆਪਣੀ ਵੋਟ ਪਾਵਾਂ ਤਾਂ ਉਸਨੂੰ ਮੇਰੇ ਕੋਲ ਖੜ੍ਹਾ ਹੋਣ ਦਿੱਤਾ ਜਾਵੇ। ਮੈਨੂੰ ਇਸ ਵਿੱਚ ਕੁਝ ਵੀ ਇਤਰਾਜ਼ਯੋਗ ਨਹੀਂ ਲੱਗਦਾ।”