ਚੰਡੀਗੜ੍ਹ : ਗ੍ਰੀਸ ਦਾ ਵੀਜ਼ਾ ਦਿਵਾਉਣ ਦੇ ਨਾਂ ’ਤੇ ਕੈਥਲ ਨਿਵਾਸੀ ਮਨਜੀਤ ਸਿੰਘ ਤੋਂ 78 ਲੱਖ ਦੀ ਠੱਗੀ ਮਾਰਨ ਵਾਲੇ ਸੈਕਟਰ-34 ਸਥਿਤ ਗੁਰੂ ਟੂਰ ਐਂਡ ਟਰੈਵਲਜ਼ ਦੇ ਮਾਲਕ ਸਣੇ ਦੋ ਨੂੰ ਸੈਕਟਰ-34 ਥਾਣਾ ਪੁਲਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਗੁਰੂ ਟੂਰ ਐਂਡ ਟ੍ਰੈਵਲਜ਼ ਮਾਲਕ ਅਤੇ ਕਪੂਰਥਲਾ ਦੀ ਦੇਵ ਕਾਲੋਨੀ ਨਿਵਾਸੀ ਹਰਮੀਤ ਸਿੰਘ ਉਰਫ਼ ਟੀਟੂ ਚੰਦ ਅਤੇ ਨਾਰਥ ਵੈਸਟ ਦਿੱਲੀ ਨਿਵਾਸੀ ਅਰਜਿਤ ਕੁਮਾਰ ਵਜੋਂ ਹੋਈ।
ਮੂਸੇਵਾਲਾ ਕਤਲਕਾਂਡ ਨਾਲ ਵੀ ਜੁੜੇ ਤਾਰ
ਪੁੱਛਗਿੱਛ ਵਿਚ ਪਤਾ ਲੱਗਿਆ ਕਿ ਫੜੇ ਗਏ ਇਨ੍ਹਾਂ ਮੁਲਜ਼ਮਾਂ ਨੇ ਸਿੱਧੂ ਮੂਸੇਵਾਲਾ ਕਤਲਕਾਂਡ ਦੇ ਸਾਜ਼ਿਸ਼ਕਾਰਾਂ ਅਨਮੋਲ ਬਿਸ਼ਨੋਈ ਤੇ ਸਚਿਨ ਥਾਪਨ ਤੇ ਹੋਰਾਂ ਲਈ ਫ਼ਰਜ਼ੀ ਪਾਸਪੋਰਟ ਵੀ ਬਣਾਏ ਸਨ। ਸੈਕਟਰ-34 ਥਾਣਾ ਪੁਲਸ ਮੁਲਜ਼ਮਾਂ ਤੋਂ ਪੁੱਛਗਿੱਛ ਕਰ ਰਹੀ ਹੈ।
