ਸੁਸ਼ੀਲ ਸ਼ਰਮਾ ਬਣੇ ਜਲੰਧਰ ਦੇ ਭਾਜਪਾ ਪ੍ਰਧਾਨ

ਜਲੰਧਰ — ਭਾਜਪਾ ਆਗੂ ਸੁਸ਼ੀਲ ਸ਼ਰਮਾ ਨੂੰ ਜਲੰਧਰ ਦੇ ਭਾਜਪਾ ਜ਼ਿਲਾ ਪ੍ਰਧਾਨ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। 39 ਸਾਲ ਦੇ ਸੁਸ਼ੀਲ ਸ਼ਰਮਾ ਜਲੰਧਰ ਦੇ ਵਾਰਡ ਨੰਬਰ -2 ਦੇ ਕੌਂਸਲਰ ਵੀ ਰਹਿ ਚੁੱਕ ਹਨ ਅਤੇ ਲੰਬੇ ਸਮੇਂ ਤੋਂ ਭਾਜਪਾ ਦੇ ਇਕ ਮਿਹਨਤੀ ਵਰਕਰ ਦੇ ਰੂਪ ‘ਚ ਜਾਣੇ ਜਾਂਦੇ ਹਨ। ਇਸ ਦੇ ਇਲਾਵਾ ਸੁਸ਼ੀਲ ਸ਼ਰਮਾ ਏ. ਬੀ. ਵੀ. ਪੀ. ਪੰਜਾਬ ਦੇ ਸਕੱਤਰ ਵੀ ਰਹਿ ਚੁੱਕੇ ਹਨ।
ਇਥੇ ਦੱਸਣਯੋਗ ਹੈ ਕਿ ਰਮਨ ਪੱਬੀ ਦਾ ਕਾਰਜਕਾਲ ਪੂਰਾ ਹੋਣ ਤੋਂ ਬਾਅਦ ਸੁਸ਼ੀਲ ਸ਼ਰਮਾ ਦੇ ਹੱਥ ‘ਚ ਵਾਗਡੋਰ ਸੌਂਪੀ ਗਈ ਹੈ। ਭਾਜਪਾ ‘ਚ ਪਿਛਲੇ ਕਾਫੀ ਸਮੇਂ ਤੋਂ ਅੰਦਰੂਨੀ ਫੁੱਟ ਪਈ ਹੈ। ਸੁਸ਼ੀਲ ਸ਼ਰਮਾ ਦੇ ਜਲੰਧਰ ਜ਼ਿਲਾ ਭਾਜਪਾ ਪ੍ਰਧਾਨ ਬਣਨ ਤੋਂ ਬਾਅਦ ਦੇਖਣਾ ਇਹ ਹੋਵੇਗਾ ਕਿ ਭਾਜਪਾ ‘ਚ ਪਈ ਅੰਦਰੂਨੀ ਫੁੱਟ ਦਰਮਿਆਨ ਉਕਤ ਆਗੂ ਪਾਰਟੀ ‘ਚ ਕਿਵੇਂ ਸੰਤੁਲਨ ਬਣਾਉਂਦੇ ਹਨ।