ਸਿਜੇਰਿਅਨ ਡਿਲਵਰੀ ਦੇ ਬਾਅਦ ਇਨ੍ਹਾਂ ਗੱਲਾਂ ਨੂੰ ਭੁੱਲ ਕੇ ਵੀ ਨਾ ਕਰੋ ਨਜ਼ਰਅੰਦਾਜ਼

ਨਵੀਂ ਦਿੱਲੀ_ ਵਿਆਹ ਦੇ ਬਾਅਦ ਸਾਰੀਆਂ ਔਰਤਾਂ ਦਾ ਸੁਪਨਾ ਹੁੰਦਾ ਹੈ ਮਾਂ ਬਣਨਾ। ਮਾਂ ਬਣਨ ‘ਤੇ ਉਹ ਪ੍ਰੈਗਨੇਂਸੀ ਦੌਰਾਨ ਆਉਣ ਵਾਲੀਆਂ ਸਾਰੀਆਂ ਤਕਲੀਫ਼ਾਂ ਨੂੰ ਭੁੱਲ ਜਾਂਦੀ ਹੈ। ਕਈ ਵਾਰ ਕੁਝ ਹੈਲਥ ਸੰਬੰਧੀ ਸਮੱਸਿਆ ਅਤੇ ਵੀਕਨੈੱਸ ਕਾਰਨ ਉਨ੍ਹਾਂ ਦੀ ਡਿਲਵਰੀ ਨਾਰਮਲ ਹੋਣ ਦੀ ਬਜਾਏ ਸੀ-ਸੈਕਸ਼ਨ ਦੁਆਰਾ ਕੀਤੀ ਜਾਂਦੀ ਹੈ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਆਪਣੀ ਸਿਹਤ ਲਈ ਪੂਰਾ ਕੇਅਰਫ਼ੁੱਲ ਹੋਣ ਦੀ ਜ਼ਰੂਰਤ ਹੁੰਦੀ ਹੈ। ਜੇ ਤੁਸੀਂ ਚਾਹੁੰਦੀ ਹੋ ਕਿ ਤੁਹਾਡੀ ਸਿਜੇਰਿਅਨ ਡਿਲਵਰੀ ਦੇ ਬਾਅਦ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਨਾ ਹੋਵੇ ਤਾਂ ਇਨ੍ਹਾਂ ਗੱਲਾਂ ਨੂੰ ਕਦੇ ਵੀ ਨਜ਼ਰਅੰਦਾਜ਼ ਨਾ ਕਰੋ।
1. ਇਨਫ਼ੈਕਸ਼ਨ ਨੂੰ ਨਾ ਕਰੋ ਨਜ਼ਰਅੰਦਾਜ਼
ਸਿਜੇਰਿਅਨ ਦੇ ਬਾਅਦ ਕਿਸੇ ਵੀ ਕਾਰਨ ਇਨਫ਼ੈਕਸਨ ਹੋਣ ਦਾ ਖਤਰਾ ਹੁੰਦਾ ਹੈ। ਸਟੀਚਸ ਵਾਲੀ ਥਾਂ ‘ਤੇ ਸੋਚ, ਲਾਲ ਦਾਣੇ ਜਾਂ ਫ਼ਿਰ ਦਰਦ ਵੀ ਹੋ ਸਕਦੀ ਹੈ, ਜਿਸ ਨੂੰ ਨਜ਼ਰਅੰਦਾਜ਼ ਕਰਨ ‘ਤੇ ਇਹ ਸਮੱਸਿਆ ਵਧ ਸਕਦੀ ਹੈ। ਅਜਿਹੀ ਸਮੱਸਿਆ ਦਿੱਖਣ ‘ਤੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
2. ਖਾਂਸੀ ਅਤੇ ਸਰਦੀ-ਜੁਕਾਮ ‘ਤੇ ਦਿਓ ਧਿਆਨ
ਖਾਂਸੀ ਹੋਣ ‘ਤੇ ਡਾਕਟਰ ਤੋਂ ਦਵਾਈ ਜ਼ਰੂਰ ਲਓ ਕਿਉਂਕਿ ਖਾਂਸੀ ਕਰਨ ਨਾਲ ਸਟੀਚਸ ‘ਤੇ ਜ਼ੋਰ ਪੈਂਦਾ ਹੈ। ਜਾਂ ਫ਼ਿਰ ਖਿੱਚ ਪੈ ਸਕਦੀ ਹੈ। ਇਸ ਤੋਂ ਇਲਾਵਾ ਜੁਕਾਮ ਤੋਂ ਬਚੋ ਕਿਉਂਕਿ ਛਿੱਕਣ ਨਾਲ ਵੀ ਪੇਟ ਨੂੰ ਖਿੱਚ ਪੈਂਦੀ ਹੈ।
3. ਤਲੇ-ਭੁੰਨੇ ਤੋਂ ਕਰੋ ਪਰਹੇਜ਼
ਸਿਜੇਰਿਅਨ ਡਿਲਵਰੀ ਹੋਣ ‘ਤੇ ਤਲੇ ਅਤੇ ਮਸਾਲੇਦਾਰ ਚੀਜ਼ਾਂ ਤੋਂ ਦੂਰੀ ਬਣਾ ਕੇ ਰੱਖਣੀ ਚਾਹੀਦੀ ਹੈ ਕਿਉਂਕਿ ਇਨ੍ਹਾਂ ਚੀਜ਼ਾਂ ਦੀ ਵਰਤੋਂ ਨਾਲ ਰਿਕਵਰੀ ਹੋਣ ‘ਚ ਸਮੱਸਿਆ ਹੋਵੇਗੀ।
4. ਭਾਰ ਨਾ ਚੁਕੋ
ਔਰਤਾਂ ਨੂੰ ਸਿਜੇਰਿਅਨ ਦੇ ਬਾਅਦ ਲਗਭਗ 2 ਮਹੀਨੇ ਭਾਰੀਆਂ ਚੀਜ਼ਾਂ ਨਹੀਂ ਚੁੱਕਣੀਆਂ ਚਾਹੀਦੀਆਂ। ਸ਼ੁਰੂ ਦੇ 2 ਮਹੀਨਿਆਂ ਤੱਕ ਬਿਲਕੁਲ ਵੀ ਜ਼ੋਰ ਵਾਲਾ ਕੰਮ ਨਹੀਂ ਕਰਨਾ ਚਾਹੀਦਾ। ਨਹੀਂ ਤਾਂ ਬਲੀਡਿੰਗ ਹੋਣ ਦਾ ਡਰ ਹੁੰਦਾ ਹੈ।
5. ਪੌੜੀਆਂ ਨਾ ਚੜ੍ਹੋ
ਸਿਜੇਰਿਅਨ ਡਿਲਵਰੀ ਦੇ ਬਾਅਦ ਪੌੜੀਆਂ ਵੀ ਨਾ ਚੜ੍ਹੋ। ਇਸ ਨਾਲ ਪੇਟ ਦੇ ਸਟੀਚਸ ਖਿੱਚੇ ਜਾ ਸਕਦੇ ਹਨ।