ਵਾਇਟਾਮਿਨ-ਈ ਦੀ ਕਮੀ ਭਰੂਣ ਲਈ ਖ਼ਤਰਨਾਕ

ਸਿਹਤਮੰਦ ਰਹਿਣ ਵਾਲੇ ਸਰੀਰ ਨੂੰ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤਾਂ, ਵਾਇਟਾਮਿਨ ਅਤੇ ਲਵਣਾਂ ਦੀ ਲੋੜ ਹੁੰਦੀ ਹੈ ਅਤੇ ਵਿਟਾਮਿਨ ਈ ਉਨ੍ਹਾਂ ‘ਚੋਂ ਇਹ ਹੈ। ਵਾਇਟਾਮਿਨ ਈ ਦੀ ਕਮੀ ਨਾਲ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਦੇ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ ਅਤੇ ਸਰੀਰ ਦੇ ਸੰਪੂਰਨ ਵਿਕਾਸ ‘ਤੇ ਵੀ ਅਸਰ ਪੈਂਦਾ ਹੈ। ਇਕ ਨਵੀਂ ਖੋਜ ਮੁਤਾਬਕ ਵਿਟਾਮਿਨ ਈ ਦੀ ਕਮੀ ਨਾਲ ਭਰੂਣ ਮਾਨਸਿਕ ਵਿਕਾਸ ਪ੍ਰਭਾਵਿਤ ਹੁੰਦਾ ਹੈ ਅਤੇ ਨਾਲ ਹੀ ਸਰੀਰਿਕ ਅਸਮਾਨਤਾਵਾਂ ਹੋਣ ਦਾ ਵੀ ਖਤਰਾ ਬਣਿਆ ਰਹਿੰਦਾ ਹੈ। ਅਮਰੀਕਾ ਦੀ ਓਰੇਗਨ ਸਟੇਟ ਯੂਨੀਵਰਸਿਟੀ ਦੇ ਲਿਨਸ ਪੋਲਿੰਗ ਸੰਸਥਾਨ ਦੇ ਖੋਜਕਾਰੀਆਂ ਨੇ ਜੇਬਰਾਫ਼ਿਸ਼ ‘ਤੇ ਅਧਿਐਨ ਕਰਨ ਤੋਂ ਬਾਅਦ ਇਹ ਨਤੀਜੇ ਦਿੱਤੇ ਹਨ। ਜੇਬਰਾਫ਼ਿਸ਼ ਇਕ ਕਸ਼ੇਰੂਕੀ ਹੈ ਜਿਸ ਦੀ ਤੰਤਰਿਕਾ ਦਾ ਵਿਕਾਸ ਕਾਫ਼ੀ ਹੱਦ ਤੱਕ ਮਨੁੱਖਾਂ ਦੇ ਸਮਾਨ ਹੈ। ਖੋਜ ਦੇ ਸਿੱਟੇ ਮੁਤਾਬਕ ਵਿਟਾਮਿਨ ਈ ਡੋਕੋਸੇਹੇਕਸੋਨਿਕ ਐਸਿਡ ਨੂੰ ਸੁਰੱਖਿਆ ਪ੍ਰਦਾਨ ਕਰਦਾ ਹੈ। ਇਸ ਦੀ ਕਮੀ ਨਾਲ ਡੀ.ਐਚ.ਏ. ਦਾ ਪੱਧਰ ਪ੍ਰਭਾਵਿਤ ਹੁੰਦਾ ਹੈ ਅਤੇ ਤੰਤਰਿਕਾ ਤੰਤਰ ਦੇ ਨੁਕਸਾਨ ਦਾ ਖਤਰਾ ਵੱਧ ਜਾਂਦਾ ਹੈ। ਡੀ. ਐਚ. ਏ. ਓਮੇਗਾ-3 ਫ਼ੈਟੀ ਐਸਿਡ ‘ਚ ਸਭ ਤੋਂ ਮਹਤੱਵਪੂਰਨ ਮੰਨਿਆ ਜਾਂਦਾ ਹੈ। ਇਹ ਦਿਮਾਗ ਅਤੇ ਕੋਸ਼ਿਸ਼ਾਵਾਂ ਦੇ ਵਿਕਾਸ ‘ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ। ਲਿਨਸ ਪੋਲਿੰਗ ਇੰਸਟੀਚਿਊਟ ਅਤੇ ਕਾਲਜ ਆਫ਼ ਪਬਲਿਕ ਹੈਲਥ ਐਂਡ ਹਿਊਮਨ ਸਾਇੰਸੇਜ ਦੇ ਮੇਲਿਸਾ ਮੈਕਦੁਗਲ ਮੁਤਾਬਕ ਵਿਕਾਸਸ਼ੀਲ ਭਰੂਣ ‘ਚ ਡੀ.ਐਚ.ਏ. ਕੋਸ਼ਿਕਾ ਸੰਕੇਤਨ ਅਤੇ ਝਿੱਲੀ ਦੇ ਵਿਕਾਸ ਲਈ ਬਹੁਤ ਮਹੱਤਵਪੂਰਨ ਹੈ। ਉਨ੍ਹਾਂ ਮੁਤਾਬਕ ਇਸ ਖੋਜ ਤੋਂ ਪਤਾ ਲੱਗਦਾ ਹੈ ਕਿ ਵਿਟਾਮਿਨ ਈ ਦਾ ਪੂਰਾ ਪੱਧਰ ਭਰੂਣ ‘ਚ ਡੀ.ਐਚ.ਏ. ਦੀ ਕਮੀ ਨੂੰ ਰੋਕਣ ‘ਚ ਮਹੱਤਵਪੂਰਨ ਹੈ। ਵਿਟਾਮਿਨ ਈ ਦਾ ਸਭ ਤੋਂ ਆਮ ਸਰੋਤ ਬਾਦਾਮ, ਬੀਜ, ਪੱਤੇਦਾਰ ਸਬਜ਼ੀਆਂ ਅਤੇ ਕਨੋਲਾ ਵਰਗੇ ਬਨਸਪਤੀ ਤੇਲ ਹੈ।