ਜਲੰਧਰ/ਸ੍ਰੀ ਮੁਕਤਸਰ ਸਾਹਿਬ- ਕੇਂਦਰੀ ਰਾਜ ਮੰਤਰੀ ਰਵਨੀਤ ਸਿੰਘ ਬਿੱਟੂ ਨੇ ਅਕਾਲੀ-ਕਾਂਗਰਸੀਆਂ ਨੂੰ ਘੇਰਦੇ ਹੋਏ ਤਿੱਖੇ ਨਿਸ਼ਾਨੇ ਸਾਧੇ ਹਨ। ਰਵਨੀਤ ਬਿੱਟੂ ਨੇ ਕਿਹਾ ਕਿ ਕਿਸੇ ਨੇ ਕਾਂਗਰਸ ਛੱਡੀ, ਕਿਸੇ ਨੇ ਅਕਾਲੀ ਦਲ ਛੱਡਿਆ, ਹਾਲਾਤ ਕਿਹੜਾ ਪੰਜਾਬ ਦੇ ਕਿਸੇ ਨੂੰ ਪਤਾ ਨਹੀਂ ਸਨ ਕਿ ਜਿਹੜੀ ਸਮਝ ਨਹੀਂ ਸੀ ਕਿ ਪੰਜਾਬ ਦਾ ਕੀ ਬਣਨਾ ਹੈ। ਭਾਜਪਾ ਦੇ ਲੋਕ ਆਪਣਾ ਬਣਾਉਣ ਨਾਲੋਂ ਸਭ ਤੋਂ ਪਹਿਲਾਂ ਪੰਜਾਬ ਦਾ ਸੋਚਦੇ ਹਨ ਕਿ ਪੰਜਾਬ ਦਾ ਕੀ ਬਣਾਉਣਾ ਹੈ। ਅੱਜ ਭਾਜਪਾ ਪੱਛਮੀ ਬੰਗਾਲ, ਤਾਮਿਲਨਾਡੂ ਵਿਚ ਵੀ ਆ ਰਹੀ ਹੈ ਅਤੇ ਹੁਣ ਪੰਜਾਬ ਦੇ ਲੋਕ ਵੀ ਇਹ ਪੱਕਾ ਮਨ ਬਣਾ ਚੁੱਕੇ ਹਨ। ਪੰਜਾਬ ਵਿਚ ਜੋ ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਦੇ ਨਤੀਜੇ ਆਏ ਹਨ, ਉਸ ਵਿਚ ਬਹੁਤ ਵੱਡਾ ਵੋਟ ਸਾਨੂੰ ਬਲਾਕ ਸੰਮਤੀ ਅਤੇ ਜ਼ਿਲ੍ਹਾ ਪ੍ਰੀਸ਼ਦ ਵਿਚ ਮਿਲਿਆ ਹੈ। ਸਮਰਾਲਾ ਵਿਚ ਦੋ ਬਲਾਕ ਸੰਮਤੀਆਂ ਭਾਜਪਾ ਜਿੱਤੀ ਹੈ।
ਉਥੇ ਹੀ ਅਕਾਲੀ ਦਲ ਨਾਲ ਗਠਜੋੜ ਬਾਰੇ ਰਵਨੀਤ ਬਿੱਟੂ ਨੇ ਬੋਲਦੇ ਹੋਏ ਕਿਹਾ ਕਿ ਭਾਜਪਾ ਤੇ ਅਕਾਲੀ ਦਲ ਬਹੁਤ ਸਮਾਂ ਇਕੱਠੇ ਰਹੇ ਹਨ, ਹਰ ਲੀਡਰ ਅਤੇ ਵਰਕਰ ਇਕ-ਦੂਜੇ ਨੂੰ ਜਾਣਦੇ ਹਨ। ਇਕੱਠੇ ਹੀ ਸਰਕਾਰਾਂ ਬਣਾਈਆਂ ਹਨ। ਇਸੇ ਕਰਕੇ ਇਕੱਠੇ ਹੋਣ ਦੀਆਂ ਗੱਲਾਂ ਸੁਣਨ ਨੂੰ ਮਿਲਦੀਆਂ ਹਨ। ਮੈਂ ਕਹਿਣਾ ਚਾਹੁੰਦਾ ਹਾਂ ਕਿ ਅਸੀਂ ਇਕੱਠੇ ਹੋ ਕੇ ਸਰਕਾਰ ਬਣਾ ਕੇ ਕੀ ਲੈਣਾ ਹੈ। ਉਥੇ ਹੀ ਮਨਰੇਗਾ ਨੂੰ ਲੈ ਕੇ ਕਾਂਗਰਸ ਨੂੰ ਘੇਰਦੇ ਕਿਹਾ ਕਿ ਜਿਹੜਾ ਕੰਮ ਮਨਰੇਗਾ ਸਕੀਮ ਬਾਰੇ ਅਸੀਂ ਦੱਸਣਾ ਸੀ, ਉਹ ਕੰਮ ਕਾਂਗਰਸ ਨੇ ਕਰ ਦਿੱਤਾ। ਅਸੀਂ ਤਾਂ ਖ਼ੁਦ ਦੱਸਣਾ ਚਾਹੁੰਦੇ ਸੀ ਕਿ ਮਨਰੇਗਾ ਸਕੀਮ ਵਿਚ 100 ਤੋਂ 125 ਦਿਨ ਹੋ ਗਏ, ਇਹ ਤਾਂ ਕਾਂਗਰਸ ਨੇ ਹੀ ਦੱਸ ਦਿੱਤਾ।
