ਨਵੀਂ ਦਿੱਲੀ- ਗੁਜਰਾਤ ਦੇ ਮੁੱਖ ਮੰਤਰੀ ਵਿਜੇ ਰੂਪਾਨੀ ਨੇ ਕਿਹਾ ਕਿ ਰਤਨ ਤੇ ਗਹਿਣਾ ਉਦਯੋਗ ਦੀ ਚਾਲੂ ਵਿੱਤੀ ਸਾਲ ’ਚ 400 ਅਰਬ ਡਾਲਰ ਦੇ ਬਰਾਮਦ ਟੀਚੇ ਨੂੰ ਹਾਸਲ ਕਰਨ ’ਚ ਮਹੱਤਵਪੂਰਣ ਭੂਮਿਕਾ ਹੋਵੇਗੀ। ਰੂਪਾਨੀ ਨੇ ਰਤਨ ਅਤੇ ਗਹਿਣਾ ਬਰਾਮਦ ਪ੍ਰਮੋਸ਼ਨ ਪ੍ਰੀਸ਼ਦ (ਜੀ. ਜੇ. ਈ. ਪੀ. ਸੀ.) ਦੀ ਸੂਰਤ ’ਚ ਆਯੋਜਿਤ ਐਵਾਰਡ ਸਮਾਰੋਹ ’ਚ ਕਿਹਾ ਕਿ ਰਤਨ ਤੇ ਗਹਿਣਾ ਉਦਯੋਗ ਨੇ ਮਹਾਮਾਰੀ ਦੇ ਬਾਵਜੂਦ ਆਪਣੀ ਵਚਨਬੱਧਤਾ ਨੂੰ ਵਿਖਾਇਆ ਅਤੇ ਬਰਾਮਦ ਨੂੰ ਕੋਵਿਡ ਤੋਂ ਪਹਿਲਾਂ ਦੇ ਪੱਧਰਾਂ ’ਤੇ ਤੇਜ਼ੀ ਨਾਲ ਲੈ ਆਉਣ ’ਚ ਸ਼ਲਾਘਾਯੋਗ ਕੋਸ਼ਿਸ਼ ਕੀਤੀ।
ਉਨ੍ਹਾਂ ਨੂੰ ਵਿਸ਼ਵਾਸ ਹੈ ਕਿ ਰਤਨ ਅਤੇ ਗਹਿਣਾ ਖੇਤਰ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਵੱਲੋਂ ਸਾਲ 2021-22 ਲਈ ਮਿੱਥੇ ਟੀਚੇ 400 ਅਰਬ ਅਮਰੀਕੀ ਡਾਲਰ ਦੇ ਵਪਾਰਕ ਬਰਾਮਦ ਟੀਚੇ ਨੂੰ ਪ੍ਰਾਪਤ ਕਰਨ ’ਚ ਮਹੱਤਵਪੂਰਣ ਭੂਮਿਕਾ ਨਿਭਾਏਗਾ।
