ਨਹੁੰਆਂ ਦੀ ਉੱਲੀ ਤੋਂ ਛੁਟਕਾਰਾ ਪਾਉਣ ਦੇ ਘਰੇਲੂ ਨੁਸਖ਼ੇ

ਨਹੁੰਆਂ ਦੇ ਇੰਫ਼ੈਕਸ਼ਨ ਸਿਹਤ ਲਈ ਹਾਨੀਕਾਰਕ ਹੁੰਦਾ ਹੈ। ਇਹ ਗੰਦਗੀ, ਪ੍ਰਦੂਸ਼ਣ, ਸਾਫ਼-ਸਫ਼ਾਈ ਦੀ ਕਮੀ, ਸਿੰਥੈਟਿਕ ਜਰਾਬਾਂ ਅਤੇ ਪੈਰਾਂ ‘ਚ ਜ਼ਿਆਦਾ ਦੇਰ ਪਸੀਨੇ ਦੇ ਕਾਰਨ ਹੁੰਦਾ ਹੈ। ਕਈ ਵਾਰ ਨਹੁੰਆਂ ‘ਚ ਇੰਫ਼ੈਕਸ਼ਨ ਦਾ ਕਾਰਨ ਸਰੀਰ ਪੀ ਐਚ ਦੇ ਪੱਧਰ ਸਹੀ ਨਾ ਹੋਣ ਕਾਰਨ ਵੀ ਹੋ ਸਕਦਾ ਹੈ ਜਿਸ ਕਾਰਨ ਸਰੀਰ ‘ਚ ਰੋਗਾਂ ਨਾਲ ਲੜਣ ਦੀ ਸ਼ਕਤੀ ਘੱਟ ਹੋ ਜਾਂਦੀ ਹੈਸ਼ ਜੇਕਰ ਇਸ ਦਾ ਇਲਾਜ ਸਹੀ ਸਮੇਂ ਨਾ ਕੀਤਾ ਜਾਵੇ ਤਾਂ ਨਹੁੰ ਮੋਟੇ ਹੋ ਜਾਂਦੇ ਹਨ ਅਤੇ ਦਰਦ ਦਾ ਕਾਰਨ ਬਣਦੇ ਹਨ।
ਜੇਕਰ ਇਹ ਸਾਰੇ ਲੱਛਣ ਤੁਹਾਡੇ ਨਹੁੰਆਂ ‘ਚ ਵੀ ਹਨ ਅਤੇ ਨਹੁੰਆਂ ਦੇ ਆਸਪਾਸ ਸੋਜ ਰਹਿੰਦੀ ਹੈ ਤਾਂ ਕਰੋ ਇਹ ਉਪਾਅ
ਸੇਬ ਦਾ ਸਿਰਕਾ
ਸੇਬ ਦੇ ਸਿਰਕੇ ਅਤੇ ਪਾਣੀ ਦੀ ਬਰਾਬਰ ਮਾਤਰਾ ਲਓ ਅਤੇ ਇਸ ਘੋਲ ‘ਚ ਆਪਣੇ ਨਹੁੰਆਂ ਨੂੰ ਕੁਝ ਦੇਰ ਡੁਬੋ ਦਿਓ ਅਤੇ ਕੁਝ ਦਿਨ ਲਗਾਤਾਰ ਇਸ ਤਰ੍ਹਾਂ ਕਰੋ।
ਲਸਣ
ਲਸਣ ਦੀਆਂ ਕਲੀਆਂ ਦੇ ਪੇਸਟ ‘ਚ ਸਫ਼ੈਦ ਸਿਰਕਾ ਮਿਲਾ ਕੇ ਇਹ ਪੇਸਟ ਨਹੁੰਆਂ ‘ਤੇ ਲਗਾਓ ਅਤੇ ਇਸਨੂੰ 15-20 ਮਿੰਟ ਤੱਕ ਲੱਗਾ ਰਹਿਣ ਦਿਓ। ਇਸ ਦਾ ਇਸਤੇਮਾਲ ਕੁਝ ਦਿਨ ਲਗਾਤਾਰ ਕਰੋ।
ਨਿੰਬੂ ਦਾ ਰਸ
ਨਿੰਬੂ ਦਾ ਰਸ ਨਾਲ ਕੁਝ ਦਿਨ ਮਾਲਿਸ਼ ਕਰੋ। ਸੁੱਕਣ ‘ਤੇ ਧੋ ਲਓ।
ਟੀ ਟ੍ਰੀ ਤੇਲ
ਟੀ ਟ੍ਰੀ ਤੇਲ ‘ਚ ਕੁਝ ਬੂੰਦਾ ਜੈਤੂਣ ਦੇ ਤੇਲ ਦੀਆਂ ਮਿਲਾਓ ਅਤੇ ਇਸ ਤੇਲ ਨਾਲ ਮਾਲਿਸ਼ ਕਰੋ। ਕੁਝ ਦਿਨ ਲਗਾਤਾਰ ਕਰੋ।
ਗਰਮ ਪਾਣੀ
ਆਪਣੇ ਹੱਥਾਂ ਨੂੰ ਗਰਮ ਪਾਣੀ ਨਾਲ ਧੋਵੋ। ਗਰਮ ਪਾਣੀ ‘ਚ ਥੋੜ੍ਹਾਂ ਨਾਰੀਅਲ ਦਾ ਤੇਲ ਮਿਲਾ ਕੇ ਥੋੜ੍ਹੀ ਦੇਰ ਇਸ ਘੋਲ ਨਹੁੰਆਂ ਨੂੰ ਡੁਬੋ ਕੇ ਰੱਖੋ। ਇਸ ਨਾਲ ਵੀ ਨਹੁੰ ਠੀਕ ਹੋਣੇ ਸ਼ੁਰੂ ਹੋ ਜਾਂਦੇ ਹਨ।