ਕੈਨੇਡਾ ‘ਚ ਨਵਾਂ ਸ਼ਹਿਰ ਦੇ ਨੌਜਵਾਨ ਦੇ ਕਤਲ ਮਾਮਲੇ ‘ਚ ਦੂਜੀ ਗ੍ਰਿਫ਼ਤਾਰੀ

ਇੰਟਰਨੈਸ਼ਨਲ ਡੈਸਕ- ਕੈਨੇਡਾ ਦੀ ਪੁਲਸ ਨੇ ਪਿਛਲੇ ਸਾਲ ਜੁਲਾਈ ਵਿੱਚ ਕਾਰ ਜੈਕਿੰਗ ਦੀ ਕੋਸ਼ਿਸ਼ ਦੌਰਾਨ ਕਤਲ ਕੀਤੇ ਪੰਜਾਬੀ ਮੂਲ ਦੇ ਨੌਜਵਾਨ ਫੂਡ ਡਿਲੀਵਰੀ ਡਰਾਈਵਰ ਮਾਮਲੇ ਵਿੱਚ ਬਰੈਂਪਟਨ ਦੇ ਇੱਕ 21 ਸਾਲਾ ਨਿਵਾਸੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਬੀਤੇ ਦਿਨੀਂ ਜਾਰੀ ਇੱਕ ਰੀਲੀਜ਼ ਵਿੱਚ ਪੀਲ ਰੀਜਨਲ ਪੁਲਸ (ਪੀ.ਆਰ.ਪੀ) ਨੇ ਗ੍ਰਿਫ਼ਤਾਰ ਵਿਅਕਤੀ ਦੀ ਪਛਾਣ ਜਜ਼ੈਨ ਕੇਰ ਵਜੋਂ ਕੀਤੀ। ਪਿਛਲੇ ਸਾਲ ਨਵੰਬਰ ਵਿੱਚ ਇੱਕ ਅਣਪਛਾਤੇ ਨਾਬਾਲਗ ਨੂੰ ਹਿਰਾਸਤ ਵਿੱਚ ਲਏ ਜਾਣ ਤੋਂ ਬਾਅਦ ਉਹ ਇਸ ਸਬੰਧ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਦੂਜਾ ਵਿਅਕਤੀ ਹੈ।
ਪੀੜਤ 24 ਸਾਲਾ ਗੁਰਵਿੰਦਰ ਨਾਥ, ਜੋ ਮੂਲ ਰੂਪ ਵਿੱਚ ਪੰਜਾਬ ਦੇ ਨਵਾਂਸ਼ਹਿਰ ਜ਼ਿਲੇ ਦਾ ਰਹਿਣ ਵਾਲਾ ਸੀ, ‘ਤੇ 9 ਜੁਲਾਈ ਨੂੰ ਮਿਸੀਸਾਗਾ ਸ਼ਹਿਰ ਵਿੱਚ ਡਿਲੀਵਰੀ ਕਾਲ ਦਾ ਜਵਾਬ ਦਿੰਦੇ ਹੋਏ ਹਿੰਸਕ ਹਮਲਾ ਕੀਤਾ ਗਿਆ ਅਤੇ ਉਸਦੀ ਗੱਡੀ ਲੁੱਟ ਲਈ ਗਈ। ਟੋਰਾਂਟੋ ਦੇ ਲੌਇਲਿਸਟ ਕਾਲਜ ਵਿੱਚ ਬਿਜ਼ਨਸ ਦੀ ਪੜ੍ਹਾਈ ਕਰ ਰਹੇ ਨਾਥ ਨੇ 14 ਜੁਲਾਈ ਨੂੰ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਦਮ ਤੋੜ ਦਿੱਤਾ। ਵੀਰਵਾਰ ਨੂੰ ਪੀ.ਆਰ.ਪੀ ਨੇ ਬਰੈਂਪਟਨ ਦੀ ਇੱਕ ਰਿਹਾਇਸ਼ ‘ਤੇ ਇੱਕ ਖੋਜ ਵਾਰੰਟ ਤਹਿਤ ਕਾਰਵਾਈ ਕੀਤ ਅਤੇ ਕੇਰ ਨੂੰ ਲੱਭਿਆ, ਜਿਸ ‘ਤੇ ਦੂਜੇ ਦਰਜੇ ਦੇ ਕਤਲ, ਅਣਅਧਿਕਾਰਤ ਹਥਿਆਰ ਰੱਖਣ ਅਤੇ ਹਥਿਆਰ ਦੀ ਲਾਪਰਵਾਹੀ ਨਾਲ ਸਟੋਰੇਜ ਕਰਨ ਦੇ ਦੋਸ਼ ਲਗਾਏ ਗਏ ਹਨ।
ਪੀ.ਆਰ.ਪੀ ਅਨੁਸਾਰ ਡਿਲੀਵਰੀ ਪਤੇ ‘ਤੇ ਪਹੁੰਚਣ ‘ਤੇ ਨਾਥ ਦਾ ਸਾਹਮਣਾ ਅਣਪਛਾਤੇ ਸ਼ੱਕੀਆਂ ਨਾਲ ਹੋਇਆ, ਜਿਨ੍ਹਾਂ ਨੇ ਝਗੜਾ ਹੋਣ ‘ਤੇ ਉਸਦੀ ਗੱਡੀ ਲੈਣ ਦੀ ਕੋਸ਼ਿਸ਼ ਕੀਤੀ। ਸ਼ੱ