ਬੌਲੀਵੁਡ ਅਤੇ ਹੌਲੀਵੁਡ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਓਪਰਾ ਵਿਨਫ਼ਰੇ ਦੇ ਆਉਣ ਵਾਲੇ ਇੰਟਰਵਿਊ ‘ਚ ਇੱਕ ਮਹਿਮਾਨ ਵਜੋਂ ਨਜ਼ਰ ਆਵੇਗੀ। ਹਾਲ ਹੀ ‘ਚ ਇਸ ਇੰਟਰਵਿਊ ਦਾ ਇੱਕ ਪ੍ਰੋਮੋ ਵੀਡੀਓ ਇੰਟਰਨੈੱਟ ‘ਤੇ ਸਾਂਝਾ ਕੀਤਾ ਗਿਆ ਹੈ ਜਿਸ ‘ਚ ਪ੍ਰਿਅੰਕਾ ਚੋਪੜਾ ਭਾਰਤ ‘ਚ ਇੱਕ ਬੱਚੇ ਦੇ ਰੂਪ ‘ਚ ਆਪਣੇ ਧਾਰਮਿਕ ਵਿਚਾਰਾਂ ਅਤੇ ਪਾਲਣ ਪੋਸ਼ਣ ਬਾਰੇ ਗੱਲ ਕਰਦੀ ਦਿਖਾਈ ਦਿੱਤੀ ਹੈ। ਪ੍ਰਿਯੰਕਾ ਨੇ ਦੱਸਿਆ ਕਿਵੇਂ ਈਸਾਈ, ਇਸਲਾਮਿਕ ਅਤੇ ਹਿੰਦੂ ਧਰਮ ਦਾ ਉਸ ਦੇ ਜੀਵਨ ‘ਤੇ ਪ੍ਰਭਾਵ ਸੀ। ਪ੍ਰੋਮੋ ‘ਚ ਓਪਰਾ ਇਹ ਕਹਿੰਦੀ ਦਿਖਾਈ ਦਿੱਤੀ ਕਿ ਉਸ ਨੇ ਇਹ ਪੜ੍ਹ ਕੇ ਭਾਰਤ ‘ਚ ਆਪਣੇ ਦਿਨਾਂ ਨੂੰ ਯਾਦ ਕੀਤਾ।
ਪ੍ਰਿਅੰਕਾ ਚੋਪੜਾ ਸ਼ੋਅ ‘ਚ ਆਪਣੀ ਕਿਤਾਬ ਅਨਫ਼ਿਨਿਸ਼ਡ ਨੂੰ ਪ੍ਰਮੋਟ ਕਰਨ ਲਈ ਗਈ ਸੀ। ਪ੍ਰੋਮੋ ‘ਚ ਓਪਰਾ ਕਹਿੰਦੀ ਹੈ ਕਿ ਇਸ ਕਿਤਾਬ ਨੂੰ ਪੜ੍ਹਨ ਨਾਲ ਉਸ ਨੂੰ ਭਾਰਤ ਵਿਚਲਾ ਸਮਾਂ ਯਾਦ ਆਇਆ। ਇਸ ਪ੍ਰਸ਼ਨ ‘ਤੇ ਪ੍ਰਿਯੰਕਾ ਚੋਪੜਾ ਕਹਿੰਦੀ ਹੈ, ”ਹਾਂ, ਮੈਂ ਈਸਾਈ ਧਰਮ ਬਾਰੇ ਜਾਣਦੀ ਸੀ ਜਦੋਂ ਮੈਂ ਕੌਨਵੈਂਟ ਸਕੂਲ ‘ਚ ਪੜ੍ਹਾਈ ਕੀਤੀ।” ਮੇਰੇ ਪਿਤਾ ਮਸਜਿਦ ‘ਚ ਗਾਉਂਦੇ ਸਨ ਅਤੇ ਇਸਲਾਮ ਬਾਰੇ ਜਾਣਦੇ ਸਨ। ਮੈਂ ਇੱਕ ਹਿੰਦੂ ਪਰਿਵਾਰ ‘ਚ ਵੱਡੀ ਹੋਈ ਹਾਂ, ਇਸ ਲਈ ਮੈਂ ਉਸ ਬਾਰੇ ਵੀ ਜਾਣਦੀ ਹਾਂ। ਧਾਰਮਿਕਤਾ ਭਾਰਤ ਦਾ ਇੱਕ ਵੱਡਾ ਹਿੱਸਾ ਹੈ ਜਿਸ ਨੂੰ ਤੁਸੀਂ ਨਜ਼ਰਅੰਦਾਜ਼ ਨਹੀਂ ਕਰ ਸਕਦੇ।” ਪ੍ਰਿਯੰਕਾ ਚੋਪੜਾ ਅੱਗੇ ਕਹਿੰਦੀ ਹੈ, ”ਮੇਰੇ ਸਵਰਗਵਾਸੀ ਪਿਤਾ ਅਸ਼ੋਕ ਚੋਪੜਾ ਨੇ ਹਮੇਸ਼ਾਂ ਮੈਨੂੰ ਸਿਖਾਇਆ ਹੈ ਕਿ ਸਾਰੇ ਧਰਮਾਂ ਦਾ ਮਾਰਗ ਇੱਕੋ ਰੱਬ ਵੱਲ ਜਾਂਦਾ ਹੈ। ਉਹ ਕਹਿੰਦੀ ਹੈ ਮੈਂ ਹਿੰਦੂ ਹਾਂ। ਮੈਂ ਪ੍ਰਾਰਥਨਾ ਕਰਦੀ ਹਾਂ, ਮੇਰੇ ਘਰ ‘ਚ ਇੱਕ ਮੰਦਰ ਹੈ, ਪਰ ਮੈਂ ਮੰਨਦੀ ਹਾਂ ਕਿ ਉਹ ਇੱਕ ਮਹਾਨ ਸ਼ਕਤੀ ਹੈ ਅਤੇ ਮੈਂ ਉਸ ‘ਚ ਵਿਸ਼ਵਾਸ ਕਰਨਾ ਚਾਹੁੰਦੀ ਹਾਂ।”
