ਪ੍ਰਿਯੰਕਾ ਚੋਪੜਾ ਨੇ ਭਰਾ ਸਿਧਾਰਥ ਤੇ ਭਾਬੀ ਨੀਲਮ ਦੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ‘ਤੇ ਸਾਂਝੀ ਕੀਤੀ ਖਾਸ ਵੀਡੀਓ

ਮੁੰਬਈ : ਗਲੋਬਲ ਸਟਾਰ ਪ੍ਰਿਯੰਕਾ ਚੋਪੜਾ ਨੇ ਆਪਣੇ ਭਰਾ ਸਿਧਾਰਥ ਚੋਪੜਾ ਅਤੇ ਭਾਬੀ ਨੀਲਮ ਉਪਾਧਿਆਏ ਦੇ ਵਿਆਹ ਦੀ ਪਹਿਲੀ ਵਰ੍ਹੇਗੰਢ ਦੇ ਮੌਕੇ ‘ਤੇ ਇਕ ਖ਼ਾਸ ਪੋਸਟ ਸਾਂਝੀ ਕੀਤੀ ਹੈ। ਪ੍ਰਿਯੰਕਾ ਨੇ ਸੋਸ਼ਲ ਮੀਡੀਆ ਰਾਹੀਂ ਜੋੜੇ ਨੂੰ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਆਪਣਾ ਪਿਆਰ ਜਤਾਇਆ ਹੈ।
ਅਣਦੇਖੇ ਪਲਾਂ ਦੀ ਵੀਡੀਓ ਕੀਤੀ ਸਾਂਝੀ
ਪ੍ਰਿਯੰਕਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਸਿਧਾਰਥ ਦੇ ਵਿਆਹ ਦੇ ਅਣਦੇਖੇ ਪਲਾਂ ਦੀ ਇੱਕ ਵੀਡੀਓ ਸਾਂਝੀ ਕੀਤੀ ਹੈ। ਇਸ ਵੀਡੀਓ ਦੇ ਜ਼ਰੀਏ ਉਨ੍ਹਾਂ ਨੇ ਵਿਆਹ ਦੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ। ਵੀਡੀਓ ਦੇ ਨਾਲ ਪ੍ਰਿਯੰਕਾ ਨੇ ਜੋੜੇ ਲਈ ਇੱਕ ਬਹੁਤ ਹੀ ਪਿਆਰ ਭਰਿਆ ਅਤੇ ਦਿਲ ਨੂੰ ਛੂਹ ਲੈਣ ਵਾਲਾ ਸੁਨੇਹਾ ਵੀ ਲਿਖਿਆ ਹੈ। ਉਨ੍ਹਾਂ ਨੇ ਲਿਖਿਆ, “ਵਿਸ਼ਵਾਸ ਨਹੀਂ ਹੋ ਰਿਹਾ ਕਿ ਇੱਕ ਸਾਲ ਹੋ ਗਿਆ ਹੈ। ਤੁਹਾਡੇ ਦੋਵਾਂ ਨੂੰ ਬਹੁਤ ਪਿਆਰ। ਤੁਹਾਡੇ ਸਾਰੀ ਉਮਰ ਇਕੱਠੇ ਰਹਿਣ ਦੀ ਕਾਮਨਾ ਕਰਦੀ ਹਾਂ…ਹੈਪੀ ਐਨੀਵਰਸਰੀ
ਆਉਣ ਵਾਲੇ ਫਿਲਮੀ ਪ੍ਰੋਜੈਕਟ
ਪ੍ਰਿਯੰਕਾ ਚੋਪੜਾ ਦੇ ਕੰਮ ਦੀ ਗੱਲ ਕਰੀਏ ਤਾਂ ਉਹ ਜਲਦੀ ਹੀ ਕਈ ਵੱਡੇ ਪ੍ਰੋਜੈਕਟਾਂ ਵਿੱਚ ਨਜ਼ਰ ਆਉਣ ਵਾਲੀ ਹੈ। ਉਹ ਦੱਖਣੀ ਭਾਰਤੀ ਸਿਨੇਮਾ ਦੇ ਦਿੱਗਜ ਨਿਰਦੇਸ਼ਕ ਐਸ.ਐਸ. ਰਾਜਾਮੌਲੀ ਦੀ ਫਿਲਮ ਵਿੱਚ ਸੁਪਰਸਟਾਰ ਮਹੇਸ਼ ਬਾਬੂ ਨਾਲ ਕੰਮ ਕਰਦੀ ਦਿਖਾਈ ਦੇਵੇਗੀ। ਇਸ ਤੋਂ ਇਲਾਵਾ, ਪ੍ਰਿਯੰਕਾ ਨੂੰ ਮਸ਼ਹੂਰ ਫਰੈਂਚਾਇਜ਼ੀ ‘ਕ੍ਰਿਸ਼ 4’ ਲਈ ਵੀ ਚੁਣਿਆ ਗਿਆ ਹੈ, ਜਿਸ ਰਾਹੀਂ ਰਿਤਿਕ ਰੋਸ਼ਨ ਨਿਰਦੇਸ਼ਕ ਵਜੋਂ ਆਪਣੀ ਸ਼ੁਰੂਆਤ ਕਰਨਗੇ। ਅਦਾਕਾਰਾ ਐਕਸ਼ਨ ਡਰਾਮਾ ਫਿਲਮ ‘ਦਿ ਬਲਫ’ ਵਿੱਚ 9ਵੀਂ ਸਦੀ ਦੀ ਇੱਕ ਕੈਰੇਬੀਅਨ ਡਾਕੂ (Pirate) ਦੀ ਭੂਮਿਕਾ ਨਿਭਾਏਗੀ। ਦੱਸਣਯੋਗ ਹੈ ਕਿ ਪ੍ਰਿਯੰਕਾ ਨੂੰ ਹਾਲ ਹੀ ਵਿੱਚ ਫਿਲਮ ‘ਹੈੱਡਸ ਆਫ ਸਟੇਟ’ ਵਿੱਚ ਦੇਖਿਆ ਗਿਆ ਸੀ।