ਵਾਸ਼ਿੰਗਟਨ : ਅਮਰੀਕੀ ਪੁਲਾੜ ਏਜੰਸੀ ਨਾਸਾ (NASA) ਦਾ ਆਰਟੇਮਿਸ-2 (Artemis II) ਮਿਸ਼ਨ ਸਫ਼ਲਤਾਪੂਰਵਕ ਪੂਰਾ ਹੋ ਗਿਆ ਹੈ। ਚੰਦਰਮਾ ਦੇ ਚਾਰੋਂ ਪਾਸੇ ਦਾ ਸਫ਼ਰ ਤੈਅ ਕਰਨ ਤੋਂ ਬਾਅਦ, ਇਸ ਮਿਸ਼ਨ ਦੇ ਚਾਰੋਂ ਪੁਲਾੜ ਯਾਤਰੀ ਹੁਣ ਸੁਰੱਖਿਅਤ ਆਪਣੇ ਘਰ ਪਰਤ ਆਏ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ, ਓਰੀਅਨ ਸਪੇਸਕ੍ਰਾਫਟ 11 ਅਪ੍ਰੈਲ ਦੀ ਸਵੇਰ ਨੂੰ 5:37 ਵਜੇ (ਭਾਰਤੀ ਸਮੇਂ ਅਨੁਸਾਰ) ਅਮਰੀਕਾ ਦੇ ਕੈਲੀਫੋਰਨੀਆ ਸਥਿਤ ਸੈਨ ਡਿਏਗੋ ਦੇ ਤੱਟ ਨੇੜੇ ਪ੍ਰਸ਼ਾਂਤ ਮਹਾਸਾਗਰ ਵਿੱਚ ਉਤਰਿਆ। ਚਾਰੋਂ ਪੁਲਾੜ ਯਾਤਰੀਆਂ ਦੇ ਸੁਰੱਖਿਅਤ ਵਾਪਸ ਪਰਤਣ ਨਾਲ ਵਿਗਿਆਨੀਆਂ ਵਿੱਚ ਖੁਸ਼ੀ ਦੀ ਲਹਿਰ ਹੈ।
54 ਸਾਲਾਂ ਬਾਅਦ ਰਚਿਆ ਗਿਆ ਇਤਿਹਾਸ
ਇਹ ਮਿਸ਼ਨ ਇਸ ਲਈ ਬੇਹੱਦ ਮਹੱਤਵਪੂਰਨ ਹੈ ਕਿਉਂਕਿ 54 ਸਾਲਾਂ ਬਾਅਦ ਇਨਸਾਨਾਂ ਨੂੰ ਚੰਦਰਮਾ ਦੇ ਇੰਨਾ ਕਰੀਬ ਲਿਜਾਣ ਵਾਲਾ ਇਹ ਪਹਿਲਾ ‘ਕਰੂਡ ਮਿਸ਼ਨ’ ਸੀ। ਪੁਲਾੜ ਯਾਤਰੀ ਚੰਦ ਦੀ ਸਫ਼ਲਤਾਪੂਰਵਕ ਪਰਿਕਰਮਾ ਕਰਨ ਤੋਂ ਬਾਅਦ ਧਰਤੀ ‘ਤੇ ਪਰਤੇ ਹਨ।
6 ਮਿੰਟ ਦਾ ਰਿਹਾ ‘ਕਮਿਊਨੀਕੇਸ਼ਨ ਬਲੈਕਆਊਟ’
ਧਰਤੀ ਦੇ ਵਾਯੂਮੰਡਲ ਵਿੱਚ ਪ੍ਰਵੇਸ਼ ਕਰਨ ਦੌਰਾਨ ਪੁਲਾੜ ਯਾਤਰੀਆਂ ਨੂੰ ਇੱਕ ਚੁਣੌਤੀਪੂਰਨ ਸਮੇਂ ਦਾ ਸਾਹਮਣਾ ਕਰਨਾ ਪਿਆ। ਵਾਪਸੀ ਦੇ ਦੌਰਾਨ ਲਗਭਗ 6 ਮਿੰਟ ਲਈ ‘ਕਮਿਊਨੀਕੇਸ਼ਨ ਬਲੈਕਆਊਟ’ ਹੋ ਗਿਆ ਸੀ, ਜਿਸ ਕਾਰਨ ਪੁਲਾੜ ਯਾਤਰੀਆਂ ਦਾ ਮਿਸ਼ਨ ਕੰਟਰੋਲ ਨਾਲ ਕੋਈ ਸੰਪਰਕ ਨਹੀਂ ਹੋ ਸਕਿਆ ਸੀ। ਹਾਲਾਂਕਿ, ਇਸ ਮੁਸ਼ਕਲ ਪੜਾਅ ਤੋਂ ਬਾਅਦ ਜਹਾਜ਼ ਸੁਰੱਖਿਅਤ ਰੂਪ ਵਿੱਚ ਸਮੁੰਦਰ ਵਿੱਚ ਲੈਂਡ ਕਰ ਗਿਆ।
