ਬੌਲੀਵੁਡ ਸੁਪਰਸਟਾਰ ਸਲਮਾਨ ਖ਼ਾਨ ਨੇ ਫ਼ਿਲਮ ਟਾਈਗਰ 3 ਦਾ ਪੋਸਟਰ ਅੱਜ ਆਪਣੇ ਸੋਸ਼ਲ ਮੀਡੀਆ ਖਾਤੇ ‘ਤੇ ਰਿਲੀਜ਼ ਕੀਤਾ ਹੈ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਮਨੀਸ਼ ਸ਼ਰਮਾ ਨੇ ਕੀਤਾ ਹੈ ਜਿਸ ‘ਚ ਸਲਮਾਨ ਖ਼ਾਨ ਅਤੇ ਕੈਟਰੀਨਾ ਕੈਫ਼ ਜਾਸੂਸ ਏਜੰਟ ਟਾਈਗਰ ਅਤੇ ਜ਼ੋਇਆ ਦੇ ਰੂਪ ‘ਚ ਵਾਪਸੀ ਕਰਨਗੇ। ਇਸ ਫ਼ਿਲਮ ਦੇ ਪੋਸਟਰਾਂ ‘ਚ ਸਲਮਾਨ ਅਤੇ ਕੈਟਰੀਨਾ ਦੋਵੇਂ ਸਵੈਚਾਲਤ ਬੰਦੂਕਾਂ ਨਾਲ ਲੈੱਸ ਨਜ਼ਰ ਆ ਰਹੇ ਹਨ ਜਿਸ ਤੋਂ ਲਗਦਾ ਹੈ ਇਹ ਸਲਮਾਨ ਦੀਆਂ ਟਾਈਗਰ ਨਾਲ ਸਬੰਧਤ ਪਹਿਲੀਆਂ ਦੋਵਾਂ ਫ਼ਿਲਮਾਂ ਨਾਲੋਂ ਸ਼ਾਨਦਾਰ ਰਹੇਗੀ।
ਇਸ ਤੋਂ ਪਹਿਲਾਂ ਸਲਮਾਨ ਅਤੇ ਕੈਟਰੀਨਾ ਦੀ ਫ਼ਿਲਮ ਏਕ ਥਾ ਟਾਈਗਰ (2012) ਅਤੇ ਟਾਈਗਰ ਜ਼ਿੰਦਾ ਹੈ (2017) ਨੂੰ ਦਰਸ਼ਕਾਂ ਵਲੋਂ ਚੰਗਾ ਹੁੰਗਾਰਾ ਮਿਲ ਚੁੱਕਿਆ ਹੈ ਜਿਸ ਦਾ ਅਗਲਾ ਭਾਗ ਫ਼ਿਲਮ ਟਾਈਗਰ 3 ਹੋਵੇਗੀ। ਇਹ ਫ਼ਿਲਮ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਨਵੰਬਰ ਵਿੱਚ ਦੀਵਾਲੀ ਮੌਕੇ ਰਿਲੀਜ਼ ਹੋਵੇਗੀ। ਸਲਮਾਨ ਖ਼ਾਨ ਨੇ ਇਸ ਫ਼ਿਲਮ ਦਾ ਪੋਸਟਰ ਸਾਂਝਾ ਕਰਦਿਆਂ ਲਿਖਿਆ, ”ਆ ਰਿਹਾਂ, ਦੀਵਾਲੀ ਮੌਕੇ ਟਾਈਗਰ 3 ਲੈ ਕੇ। ਟਾਈਗਰ 3 ਦਾ ਜਸ਼ਨ RYF 50 ਨਾਲ ਆਪਣੇ ਨੇੜਲੇ ਸਿਨੇਮਾਘਰ ‘ਚ ਮਨਾਓ। ਇਹ ਫ਼ਿਲਮ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਰਿਲੀਜ਼ ਹੋ ਰਹੀ ਹੈ।”
