ਇਸ ਸਾਲ ਦੀਆਂ ਦੋ ਸਭ ਤੋਂ ਵੱਡੀਆਂ ਬਲੌਕਬੱਸਟਰ ਫ਼ਿਲਮਾਂ ਬਾਰੇ ਗੱਲ ਕੀਤੀ ਜਾਵੇ ਤਾਂ ਉਸ ‘ਚ ਪਹਿਲੀ ਸ਼ਾਹਰੁਖ਼ ਖ਼ਾਨ ਦੀ ਪਠਾਨ ‘ਤੇ ਦੂਜੀ ਸਨੀ ਦਿਓਲ ਦੀ ਗ਼ਦਰ 2 ਹੈ। ਡਾਇਰੈਕਟਰ ਅਨਿਲ ਸ਼ਰਮਾ ਨੇ ਨਿਰਦੇਸ਼ਣ ‘ਚ ਬਣੀ ਗ਼ਦਰ ਨੇ ਬੌਕਸ ਔਫ਼ਿਸ ‘ਤੇ 460 ਕਰੋੜ ਤੋਂ ਜ਼ਿਆਦਾ ਦਾ ਕਾਰੋਬਾਰ ਕਰ ਕੇ ਇਤਿਹਾਸ ਰਚ ਦਿੱਤਾ ਹੈ। ਹਰ ਕੋਈ ਇਸ ਫ਼ਿਲਮ ਦੀ ਬਹੁਤ ਪ੍ਰੰਸ਼ਸਾ ਕਰ ਰਿਹਾ ਹੈ। ਹੁਣ ਬੌਲੀਵੁਡ ਦੇ ਬਾਦਸ਼ਾਹ ਸ਼ਾਹਰੁਖ਼ ਖ਼ਾਨ ਨੇ ਵੀ ਗ਼ਦਰ 2 ਦੀਆਂ ਤਾਰੀਫ਼ਾਂ ਦੇ ਪੁਲ ਬੰਨ੍ਹ ਦਿੱਤੇ ਹਨ। ਅਜਿਹੇ ‘ਚ ਹੁਣ ਸ਼ਾਹਰੁਖ਼ ਨੂੰ ਜਵਾਬ ਦਿੰਦੇ ਹੋਏ ਅਨਿਲ ਸ਼ਰਮਾ ਨੇ ਆਪਣਾ ਰਿਐਕਸ਼ਨ ਦਿੱਤਾ ਹੈ।
ਸ਼ਾਹਰੁਖ਼ ਦੇ ਟਵੀਟ ‘ਤੇ
ਅਨਿਲ ਨੇ ਕਿਹਾ …
ਸ਼ਨੀਵਾਰ ਨੂੰ ਸ਼ਾਹਰੁਖ਼ ਖ਼ਾਨ ਨੇ ਆਪਣੇ ਔਫ਼ੀਸ਼ਲ ਟਵਿਟਰ ਹੈਂਡਲ ‘ਤੇ ਫ਼ੈਨਜ਼ ਲਈ ਇੱਕ ਖ਼ਾਸ ਸੈਸ਼ਨ ਰੱਖਿਆ। ਇਸ ਦੌਰਾਨ ਸ਼ਾਹਰੁਖ਼ ਨੂੰ ਚਾਹੁਣ ਵਾਲਿਆਂ ਨੇ ਉਸ ਤੋਂ ਵੱਖ-ਵੱਖ ਵਿਸ਼ਿਆਂ ਸਬੰਧੀ ਸਵਾਲ ਪੁੱਛੇ। ਇਸੇ ਦੌਰਾਨ ਇੱਕ ਫ਼ੈਨ ਨੇ ਸ਼ਾਹਰੁਖ਼ ਤੋਂ ਪੁੱਛਿਆ, ”ਕੀ ਤੁਸੀਂ ਗ਼ਦਰ 2 ਫ਼ਿਲਮ ਦੇਖੀ ਹੈ? ”ਇਸ ਸਵਾਲ ਦਾ ਜਵਾਬ ਦਿੰਦੇ ਹੋਏ ਅਦਾਕਾਰ ਨੇ ਲਿਖਿਆ, ”ਹਾਂ ਬਿਲਕੁਲ, ਮੈਨੂੰ ਬਹੁਤ ਚੰਗੀ ਲੱਗੀ। ਇਸ ਤਰ੍ਹਾਂ ਨਾਲ ਸ਼ਾਹਰੁਖ਼ ਨੇ ਸਨੀ ਦਿਓਲ ਦੀ ਗ਼ਦਰ 2 ਨੂੰ ਲੈ ਕੇ ਆਪਣੀ ਪ੍ਰਤੀਕਿਰਿਆ ਦੱਸੀ। ਹੁਣ ਸ਼ਾਹਰੁਖ਼ ਖ਼ਾਨ ਨੇ ਇਸ ਟਟੀਟ ‘ਤੇ ਗ਼ਦਰ 2 ਦੇ ਡਾਇਰੈਕਟਰ ਅਨਿਲ ਸ਼ਰਮਾ ਨੇ ਟਵੀਟ ਕਰਦੇ ਹੋਏ ਆਪਣਾ ਰੀਐਕਸ਼ਨ ਦਿੱਤਾ। ਦਰਅਸਲ, ਅਨਿਲ ਸ਼ਰਮਾ ਨੇ ਆਪਣੀ ਤਾਰੀਫ਼ ਸੁਣ ਕੇ ਫ਼ਿਲਮ ਕਲਾਕਾਰ ਨੂੰ ਧੰਨਵਾਦ ਕਿਹਾ। ਸਨੀ ਦੀ ਇਹ ਫ਼ਿਲਮ ਇੰਨੀ ਵੱਡੀ ਸਾਬਿਤ ਹੋਈ ਹੈ।
ਗ਼ਦਰ 2 ਦੇ ਨਿਸ਼ਾਨੇ ‘ਤੇ ਪਠਾਨ ਅਤੇ ਬਾਹੂਬਲੀ 2
ਗ਼ਦਰ 2 ਬੌਕਸ ਔਫ਼ਿਸ ‘ਤੇ ਰੁਕਣ ਦਾ ਨਾਂ ਨਹੀਂ ਲੈ ਰਹੀ। ਫ਼ਿਲਮ ਨੇ ਹੁਣ ਤਕ 461.95 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ ਜਿਸ ਨਾਲ ਇਹ ਭਾਰਤ ‘ਚ ਤੀਜੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫ਼ਿਲਮ ਬਣ ਗਈ ਹੈ। ਗ਼ਦਰ 2 ਨੇ ਇਹ ਰਿਕਾਰਡ KGF 2 ਨੂੰ ਪਿੱਛੇ ਛੱਡ ਕੇ ਬਣਾਇਆ ਹੈ। KGF 2 ਨੇ ਭਾਰਤ ‘ਚ ਹਿੰਦੀ ਭਾਸ਼ਾ ‘ਚ 434.70 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ ਜਿਸ ਨੂੰ ਗ਼ਦਰ 2 ਨੇ ਤੋੜ ਦਿੱਤਾ ਹੈ।
