ਅਦਾਕਾਰਾ ਆਦਿਤੀ ਰਾਓ ਹੈਦਰੀ ਦਾ ਕਹਿਣਾ ਹੈ ਕਿ ਉਸ ਨੂੰ ਆਪਣੀ ਨਵੀਂ ਸੀਰੀਜ਼ ਤਾਜ: ਡਿਵਾਈਡਿਡ ਬਾਏ ਬਲੱਡ ‘ਚ ਅਨਾਰਕਲੀ ਦਾ ਮਿਸਾਲੀ ਕਿਰਦਾਰ ਨਿਭਾਉਣ ਦਾ ਕੋਈ ਡਰ ਨਹੀਂ ਸੀ ਕਿਉਂਕਿ ਉਹ ਪਹਿਲਾਂ ਹੀ ਮਹਾਨ ਅਦਾਕਾਰਾ ਮਧੂਬਾਲਾ ਨਾਲ ਆਪਣੀ ਤੁਲਨਾ ਹੋਣ ਦੀ ਸੰਭਾਵਨਾ ਤੋਂ ਜਾਣੂ ਸੀ। Zee-5 ਦੇ ਇਸ ਸ਼ੋਅ ਦਾ ਟਰੇਲਰ ਲਾਂਚ ਕਰਨ ਮੌਕੇ ਅਦਾਕਾਰਾ ਨੇ ਕਿਹਾ ਕਿ ਇਹ ਉਸ ਲਈ ਮਾਣ ਵਾਲੀ ਗੱਲ ਹੈ ਕਿ ਉਸ ਨੂੰ 1960 ‘ਚ ਰਿਲੀਜ਼ ਹੋਈ ਮੁਗ਼ਲ-ਏ-ਆਜ਼ਮ ‘ਚ ਮਧੂਬਾਲਾ ਵਲੋਂ ਨਿਭਾਏ ਕਿਰਦਾਰ ਨੂੰ ਮੁੜ ਨਿਭਾਉਣ ਦਾ ਮੌਕਾ ਮਿਲਿਆ।
ਅਦਾਕਾਰਾ ਨੇ ਕਿਹਾ, ”ਇਸ ਮਿਸਾਲੀ ਕਿਰਦਾਰ ਨੂੰ ਨਿਭਾਉਣ ਨਾਲ ਹੋਣ ਵਾਲੀ ਤੁਲਨਾ ਤੋਂ ਡਰਨ ਦੀ ਥਾਂ ਮੈਂ ਉਨ੍ਹਾਂ ਵਲੋਂ ਬਾਕਮਾਲ ਢੰਗ ਨਾਲ ਨਿਭਾਏ ਅਨਾਰਕਲੀ ਦੇ ਕਿਰਦਾਰ ਤੋਂ ਪ੍ਰੇਰਣਾ ਲਈ ਹੈ। ਮੈਂ ਉਨ੍ਹਾਂ ਦੇ ਆਸ਼ੀਰਵਾਦ ਨਾਲ ਹੀ ਇਸ ਕਿਰਦਾਰ ਨੂੰ ਇੱਕ ਵੱਖਰੇ ਅੰਦਾਜ਼ ‘ਚ ਨਿਭਾਉਣ ਦਾ ਯਤਨ ਕੀਤਾ ਹੈ।”ਇਸ ਸੀਰੀਜ਼ ‘ਚ ਨਸੀਰੂਦੀਨ ਸ਼ਾਹ (ਬਾਦਸ਼ਾਹ ਅਕਬਰ), ਆਸ਼ਿਮ ਗੁਲਾਟੀ (ਸਲੀਮ), ਸੰਧਿਆ ਮ੍ਰਿਦੁਲ (ਜੋਧਾ ਬਾਈ) ਤੇ ਧਰਮੇਂਦਰ (ਸ਼ੇਖ ਸਲੀਮ ਚਿਸ਼ਤੀ) ਵੀ ਦਿਖਾਈ ਦੇਣਗੇ।
