ਮਸ਼ਹੂਰ ਬੌਲੀਵੁਡ ਅਦਾਕਾਰ ਰਣਦੀਪ ਹੁੱਡਾ ਨੂੰ ਵੱਖ-ਵੱਖ ਲੁੱਕਸ ਟ੍ਰਾਈ ਕਰਦੇ ਦੇਖਿਆ ਗਿਆ ਹੈ। ਫ਼ਿਰ ਭਾਵੇਂ ਉਹ ਸਰਬਜੀਤ ਹੋਵੇ ਜਾਂ ਫ਼ਿਰ ਦਾ ਬੈਟਲ ਔਫ਼ ਸਾਰਾਗੜ੍ਹੀ, ਜੋ ਕੁੱਝ ਕਾਰਨਾਂ ਕਰਕੇ ਰਿਲੀਜ਼ ਨਹੀਂ ਸੀ ਹੋ ਸਕੀ, ਪਰ ਉਸ ਫ਼ਿਲਮ ‘ਚ ਵੀ ਰਣਦੀਪ ਹੁੱਡਾ ਦੇ ਲੁੱਕ ਨੂੰ ਬੇਹੱਦ ਸਰਾਹਿਆ ਗਿਆ ਸੀ।
ਰਣਦੀਪ ਹੁੱਡਾ ਨੇ ਹਾਲ ਹੀ ‘ਚ ਬੌਲੀਵੁਡ ਹੰਗਾਮਾ ਨੂੰ ਦਿੱਤੇ ਇੱਕ ਇੰਟਰਵਿਊ ‘ਚ ਕਿਹਾ ਕਿ ਜਦੋਂ ਉਹ ਪਹਿਲੀ ਵਾਰ ਫ਼ਿਲਮ ਦੇ ਸਿਲਸਿਲੇ ‘ਚ ਅੰਮ੍ਰਿਤਸਰ ਗਿਆ ਅਤੇ ਉਥੇ ਸ੍ਰੀ ਦਰਬਾਰ ਸਾਹਿਬ ਵਿਖੇ ਨਤਮਸਤਕ ਹੋਏ ਤਾਂ ਉਸ ਨੂੰ ਅਲੱਗ ਤਰ੍ਹਾਂ ਦਾ ਅਹਿਸਾਸ ਹੋਇਆ।
ਉਸ ਨੇ ਕਿਹਾ ਕਿ ਜਦੋਂ ਉਹ ਸ੍ਰੀ ਦਰਬਾਰ ਸਾਹਿਬ ‘ਚ ਪਹਿਲੀ ਵਾਰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ ‘ਚ ਗਿਆ ਤਾਂ ਉੱਥੇ ਉਸ ਨੇ ਫ਼ੈਸਲਾ ਕਰ ਲਿਆ ਕਿ ਜਦੋਂ ਤਕ ਦਾ ਬੈਟਲ ਔਫ਼ ਸਾਰਾਗੜ੍ਹੀ ‘ਫ਼ਿਲਮ ਪੂਰੀ ਨਹੀਂ ਹੋ ਜਾਂਦੀ, ਉਦੋਂ ਤਕ ਉਹ ਕੇਸ ਅਤੇ ਦਾੜ੍ਹੀ ਨਹੀਂ ਕੱਟੇਗਾ।
ਹਾਲਾਂਕਿ ਇਹ ਫ਼ਿਲਮ ਕੁੱਝ ਕਾਰਨਾਂ ਕਰ ਕੇ ਰਿਲੀਜ਼ ਨਹੀਂ ਹੋ ਸਕੀ, ਪਰ ਹੁੱਡਾ ਨੇ ਲਗਭਗ ਤਿੰਨ ਸਾਲ ਕੇਸ ਅਤੇ ਦਾੜ੍ਹੀ ਰੱਖੀ ਰ੍ਹੱਖੇ।
ਸਿੱਖ ਭਾਈਚਾਰੇ ਬਾਰੇ ਖੁੱਲ੍ਹ ਕੇ ਗੱਲਬਾਤ ਕਰਦਿਆਂ ਰਣਦੀਪ ਹੁੱਡਾ ਨੇ ਕਿਹਾ ਕਿ ਸਿੱਖਾਂ ਨੇ ਮਨੁੱਖਤਾ ਅਤੇ ਹਿੰਦੁਸਤਾਨ ਲਈ ਬਹੁਤ ਕੁਰਬਾਨੀਆਂ ਦਿੱਤੀਆਂ ਹਨ। ਸਿੱਖ ਬੇਹੱਦ ਨਿਮਰ ਹੁੰਦੇ ਹਨ ਜਿਸ ਤਰ੍ਹਾਂ ੳ੍ਹੁਾਂ ਨੂੰ ਗੀਤਾਂ ਤੇ ਫ਼ਿਲਮਾਂ ‘ਚ ਦਿਖਾਇਆ ਜਾਂਦਾ ਹੈ, ਉਸ ਤਰਖ਼ਾਂ ਦੇ ਉਹ ਬਿਲਕੁਲ ਨਹੀਂ।
