ਸ਼ਾਹਰੁਖ ਖ਼ਾਨ ਨੂੰ ਸਾਊਦੀ ਅਰਬ ਦੇ ਰੈੱਡ ਸੀਅ ਇੰਟਰਨੈਸ਼ਨਲ ਫ਼ਿਲਮ ਫ਼ੈਸਟੀਵਲ ਦੇ ਦੂਜੇ ਐਡੀਸ਼ਨ ‘ਚ ਔਨਰੇਰੀ ਐਵਾਰਡ ਦਿੱਤਾ ਜਾਵੇਗਾ। ਫ਼ੈਸਟੀਵਲ ਦੇ ਪ੍ਰਬੰਧਕਾਂ ਨੇ ਦੱਸਿਆ ਕਿ ਸ਼ਾਹਰੁਖ਼ ਨੂੰ ਫ਼ਿਲਮ ਉਦਯੋਗ ‘ਚ ਉਸ ਦੇ ਬੇਮਿਸਾਲ ਯੋਗਦਾਨ ਲਈ ਸਨਮਾਨਿਆ ਜਾਵੇਗਾ। ਇਸ ਅਦਾਕਾਰ ਦਾ ਲਾਲ ਸਾਗਰ ਦੇ ਪੂਰਬੀ ਕੰਢੇ ‘ਤੇ ਜੇਦਾਹ ‘ਚ ਪਹਿਲੀ ਦਸੰਬਰ ਨੂੰ ਉਦਘਾਟਨੀ ਸਮਾਰੋਹ ‘ਚ ਸਨਮਾਨ ਕੀਤਾ ਜਾਵੇਗਾ। ਸ਼ਾਹਰੁਖ਼ ਨੇ ਕਿਹਾ ਕਿ ਉਹ ਭਾਰਤ ਵੱਲੋਂ ਸਨਮਾਨ ਹਾਸਿਲ ਕਰਨ ਅਤੇ ਰੁਮਾਂਚਕ ਫ਼ਿਲਮੀ ਭਾਈਚਾਰੇ ਦਾ ਹਿੱਸਾ ਬਣਨ ‘ਤੇ ਮਾਣ ਮਹਿਸੂਸ ਕਰ ਰਿਹਾ ਹੈ। 57 ਸਾਲਾ ਅਦਾਕਾਰ ਨੇ ਕਿਹਾ, ”ਰੈੱਡ ਸੀਅ ਇੰਟਰਨੈਸ਼ਨਲ ਫ਼ਿਲਮ ਫ਼ੈਸਟੀਵਲ ‘ਚ ਐਵਾਰਡ ਮਿਲਣ ਨਾਲ ਉਹ ਉਥੇ ਰਹਿੰਦੇ ਆਪਣੇ ਪ੍ਰਸ਼ੰਸਕਾਂ ਦਾ ਵੀ ਸ਼ੁਕਰਗੁਜ਼ਾਰ ਹੋਵੇਗਾ ਜੋ ਉਸ ਦੀਆਂ ਫ਼ਿਲਮਾਂ ਦੇ ਵੱਡੇ ਸਮਰਥਕ ਰਹੇ ਹਨ। ਸ਼ਾਹਰੁਖ਼ ਇਸ ਵੇਲੇ ਸਾਊਦੀ ਅਰਬ ‘ਚ ਆਪਣੀ ਆਉਣ ਵਾਲੀ ਫ਼ਿਲਮ ਡੰਕੀ ਦੀ ਸ਼ੂਟਿੰਗ ਕਰ ਰਿਹਾ ਹੈ। ਰੈੱਡ ਸੀਅ ਫ਼ਿਲਮ ਫ਼ੈਸਟੀਵਲ ਦੇ CEO ਮੁਹੰਮਦ ਅਲ ਤੁਰਕੀ ਨੇ ਕਿਹਾ ਕਿ ਸ਼ਾਹਰੁਖ਼ ਨੇ ਆਪਣੇ ਸ਼ੁਰੂਆਤੀ ਕੰਮ ਤੋਂ ਹੀ ਦਰਸ਼ਕਾਂ ਨੂੰ ਮੋਹ ਲਿਆ ਹੈ, ਅਤੇ ਉਹ ਹੁਣ ਦੁਨੀਆ ਦੇ ਸਰਬੋਤਮ ਅਦਾਕਾਰਾਂ ‘ਚੋਂ ਇੱਕ ਹੈ।
