ਅਦਾਕਾਰਾ ਮਲਾਇਕਾ ਅਰੋੜਾ ਅਤੇ ਅੰਮ੍ਰਿਤਾ ਅਰੋੜਾ ਸੀਰੀਜ਼ ਅਰੋੜਾ ਸਿਸਟਰਜ਼ ‘ਚ ਇਕੱਠੀਆਂ ਕੰਮ ਕਰਨਗੀਆਂ। ਮੀਡੀਆ ਰਿਪੋਰਟਾਂ ਅਨੁਸਾਰ ਸੀਰੀਜ਼ ਅਰੋੜਾ ਸਿਸਟਰਜ਼ ਮਲਾਇਕਾ ਅਤੇ ਅੰਮ੍ਰਿਤਾ ਦੀ ਨਿੱਜੀ ਅਤੇ ਪੇਸ਼ੇਵਰ ਜ਼ਿੰਦਗੀ ‘ਤੇ ਆਧਾਰਿਤ ਹੋਵੇਗੀ। ਸ਼ੋਅ ‘ਚ ਮਲਾਇਕਾ ਅਤੇ ਅੰਮ੍ਰਿਤਾ ਦਰਸ਼ਕਾਂ ਆਪਣੇ ਰਹਿਣ-ਸਹਿਣ ਦੇ ਢੰਗ ਅਤੇ ਰੋਜ਼ਾਨਾ ਦੀਆਂ ਗਤੀਵਿਧੀਆਂ ‘ਤੇ ਝਾਤ ਪੁਆਉਣਗੀਆਂ। ਪ੍ਰਸ਼ੰਸਕ ਉਮੀਦ ਕਰ ਸਕਦੇ ਹਨ ਕਿ ਇਸ ਸ਼ੋਅ ‘ਚ ਅਦਾਕਾਰਾ ਕਰੀਨਾ ਕਪੂਰ ਖ਼ਾਨ ਅਤੇ ਕ੍ਰਿਸ਼ਮਾ ਕਪੂਰ ਵੀ ਦਿਖਾਈ ਦੇ ਸਕਦੀਆਂ ਹਨ। ਜ਼ਿਕਰਯੋਗ ਹੈ ਕਿ ਮਲਾਇਕਾ ਗੁੜ ਨਾਲੋਂ ਇਸ਼ਕ ਮਿੱਠਾ, ਛੱਈਆ ਛੱਈਆ ਅਤੇ ਮੁੰਨੀ ਬਦਨਾਮ ਹੂਈ ਸਮੇਤ ਕਈ ਚਰਚਿਤ ਗੀਤਾਂ ‘ਚ ਆਪਣੇ ਬਿਹਤਰੀਨ ਡਾਂਸ ਲਈ ਜਾਣੀ ਜਾਂਦੀ ਹੈ। ਦੂਜੇ ਪਾਸੇ, ਮਲਾਇਕਾ ਦੀ ਭੈਣ ਅੰਮ੍ਰਿਤਾ ਸਿਨੇ ਜਗਤ ‘ਚ ਇੱਕ ਅਦਾਕਾਰਾ ਵਜੋਂ ਕੰਮ ਕਰ ਚੁੱਕੀ ਹੈ। ਉਹ ਫ਼ਿਲਮ ਕਿਤਨੇ ਦੂਰ ਕਿਤਨੇ ਪਾਸ, ਅਵਾਰਾ ਪਾਗਲ ਦੀਵਾਨਾ ਅਤੇ ਕੰਬਖ਼ਤ ਇਸ਼ਕ ‘ਚ ਭੂਮਿਕਾਵਾਂ ਨਿਭਾਅ ਚੁੱਕੀ ਹੈ।
