ਬੌਲੀਵੁਡ ਦੇ ਸੁਪਰਸਟਾਰ ਸਲਮਾਨ ਖ਼ਾਨ ਨੂੰ ਫ਼ਿਲਮ ਇੰਡਸਟਰੀ ਦਾ ਸੁਲਤਾਨ ਕਿਹਾ ਜਾਂਦਾ ਹੈ। ਸਲਮਾਨ ਖ਼ਾਨ ਨੂੰ ਪਹਿਲੀ ਵਾਰ ਦਰਸ਼ਕਾਂ ਨੇ 26 ਅਗਸਤ 1988 ਨੂੰ ਬੀਵੀ ਹੋ ਤੋ ਐਸੀ ਨਾਲ ਸਕ੍ਰੀਨਜ਼ ‘ਤੇ ਦੇਖਿਆ ਸੀ। ਇਸ ਫ਼ਿਲਮ ‘ਚ ਸਲਮਾਨ ਖ਼ਾਨ ਦਾ ਕਿਰਦਾਰ ਕਾਫ਼ੀ ਛੋਟਾ ਸੀ। ਉਨ੍ਹਾਂ ਨੇ ਇੱਕ ਸਾਲ ਬਾਅਦ 1989 ‘ਚ ਫ਼ਿਲਮ ਮੈਨੇ ਪਿਆਰ ਕੀਆ ਨਾਲ ਬਤੌਰ ਹੀਰੋ ਡੈਬਿਊ ਕੀਤਾ ਸੀ।
ਅਜਿਹੇ ‘ਚ ਹੁਣ 34 ਸਾਲਾਂ ਬਾਅਦ ਸਲਮਾਨ ਖ਼ਾਨ ਬੌਲੀਵੁਡ ਇੰਡਸਟਰੀ ਦੇ ਟੌਪ ਸੁਪਰਸਟਾਰਜ਼ ‘ਚੋਂ ਇੱਕ ਹੈ। ਇੰਨੇ ਸਾਲਾਂ ਦੇ ਆਪਣੇ ਸਫ਼ਰ ਦੌਰਾਨ ਉਨ੍ਹਾਂ ਨੇ ਭਾਰਤੀ ਸਿਨੇਮਾ ਨੂੰ ਕਈ ਜ਼ੋਰਦਾਰ ਹਿੱਟਸ ਅਤੇ ਮੋਸਟ ਆਈਕੌਨਿਕ ਬਲੌਕਬਸਟਰਜ਼ ਦਿੱਤੀਆਂ ਹਨ।
ਇਸ ਖ਼ਾਸ ਮੌਕੇ ਨੂੰ ਸਲਮਾਨ ਦੇ ਪ੍ਰਸ਼ੰਸਕਾਂ ਨੇ #34ਸਲਮਾਨਖ਼ਾਨ ਟਰੈਂਡ ਨਾਲ ਸੈਲੀਬ੍ਰੇਟ ਕੀਤਾ। ਸੁਪਰਸਟਾਰ ਨੇ ਆਪਣੇ ਸਾਰੇ ਸੋਸ਼ਲ ਮੀਡੀਆ ਪਲੈਟਫ਼ੌਰਮਜ਼ ‘ਤੇ ਇੱਕ ਖ਼ਾਸ ਪੋਸਟ ਸਾਂਝੀ ਕੀਤੀ। ਸਲਮਾਨ ਨੇ ਪਿਆਰ ਅਤੇ ਸਮਰਥਨ ਲਈ ਸਾਰੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ ਹੈ। ਉਸ ਤੋਂ ਬਾਅਦ ਅਗਲੀ ਫ਼ਿਲਮ ਦੇ ਨਾਂ ਦਾ ਐਲਾਨ ਕੀਤਾ।
ਸਲਮਾਨ ਖ਼ਾਨ ਨੇ ਵੀਡੀਓ ਪੋਸਟ ਕਰਦਿਆਂ ਲਿਖਿਆ, ”34 ਸਾਲ ਪਹਿਲਾਂ ਹੁਣ ਸੀ ਅਤੇ 34 ਸਾਲ ਬਾਅਦ ਵੀ ਹੁਣ ਹੀ ਹੈ। ਮੇਰੀ ਜ਼ਿੰਦਗੀ ਦਾ ਸਫ਼ਰ ਅਣਜਾਣ ਜਗ੍ਹਾ ਤੋਂ ਸ਼ੁਰੂ ਹੋਇਆ ਅਤੇ ਹੁਣ ਜਾ ਕੇ ਦੋ ਸ਼ਬਦਾਂ ਦਾ ਬਣ ਗਿਆ, ਅੱਜ ਅਤੇ ਇਥੇ। ਮੇਰੇ ਨਾਲ ਰਹਿਣ ਲਈ ਧੰਨਵਾਦ, ਜੋ ਹੁਣ ਸੀ ਅਤੇ ਹੁਣ ਮੇਰੇ ਨਾਲ ਰਹਿਣ ਲਈ ਧੰਨਵਾਦ। ਮੈਂ ਸੱਚ ‘ਚ ਇਸ ਦੀ ਤਾਰੀਫ਼ ਕਰਦਾ ਹਾਂ। ਸਲਮਾਨ ਖ਼ਾਨ।”
ਸਲਮਾਨ ਨੇ ਆਪਣੇ ਅਨੋਖੇ ਅੰਦਾਜ਼ ‘ਚ ਵੀਡੀਓ ਦੇ ਅਖੀਰ ‘ਚ ਫ਼ਿਲਮ ਦੇ ਟਾਈਟਲ ਦਾ ਖ਼ੁਲਾਸਾ ਕਰਦਿਆਂ ਕਿਹਾ, ”ਕਿਸੇ ਕਾ ਭਾਈ, ਕਿਸੀ ਕੀ ਜਾਨ।”ਵੀਡੀਓ ‘ਚ ਸਲਮਾਨ ਖ਼ਾਨ ਦਾ ਲੁੱਕ ਵੀ ਜ਼ਬਰਦਸਤ ਸੀ। ਸਲਮਾਨ ਲੰਮੇ ਵਾਲਾਂ ਨਾਲ ਨਜ਼ਰ ਆ ਰਿਹਾ ਸੌ। ਉਹ ਆਪਣੇ ਨਵੇਂ ਸ਼ੋਲਡਰ ਕੱਟ ਲੰਮੇ ਵਾਲਾਂ ਨੂੰ ਫ਼ਲੌਂਟ ਕਰ ਰਿਹਾ ਸੀ। ਉਸ ਨੇ ਐਨਕਾਂ ਲਗਾਈਆਂ ਹੋਈਆਂ ਸਨ ਅਤੇ ਉਸ ਦਾ ਸਵੈਗ ਦੇਖਣ ਲਾਇਕ ਹੈ।
