ਸਾਲ 1989 ‘ਚ ਭਾਗਿਆਸ਼੍ਰੀ ਨੇ ਸਲਮਾਨ ਖ਼ਾਨ ਨਾਲ ਫ਼ਿਲਮ ਮੈਨੇ ਪਿਆਰ ਕੀਆ ਨਾਲ ਡੈਬਿਊ ਕੀਤਾ ਸੀ। ਇਹ ਰੋਮੈਂਟਿਕ-ਡਰਾਮਾ ਫ਼ਿਲਮ ਬੌਕਸ ਔਫ਼ਿਸ ‘ਤੇ ਬਲੌਕਬਸਟਰ ਸਾਬਿਤ ਹੋਈ ਸੀ। ਇਸ ਫ਼ਿਲਮ ਨਾਲ ਭਾਗਿਆਸ਼੍ਰੀ ਨੂੰ ਘਰ-ਘਰ ਪਛਾਣਿਆ ਗਿਆ। ਤਿੰਨ ਦਹਾਕਿਆਂ ਬਾਅਦ ਇਸ ਅਦਾਕਾਰਾ ਦੇ ਪੁੱਤਰ ਅਭਿਮਨਿਊ ਦਸਾਨੀ ਨੇ ਫ਼ਿਲਮ ਮਰਦ ਕੋ ਦਰਦ ਨਹੀਂ ਹੋਤਾ ਨਾਲ ਡੈਬੀਊ ਕੀਤਾ। ਹੁਣ ਧੀ ਅਵੰਤਿਕਾ ਦਾਸਾਨੀ ਇਸ ਵਿਰਾਸਤ ਨੂੰ ਅੱਗੇ ਵਧਾਉਂਦੀ ਨਜ਼ਰ ਆਵੇਗੀ।
ਨਜ਼ਰ ਆਵੇਗੀ ਮੀਡੀਆ ਰਿਪੋਰਟਾਂ ਅਨੁਸਾਰ ਅਵੰਤਿਕਾ ਦਾਸਾਨੀ ਜਲਦ ਹੀ ਰੋਹਨ ਸਿੱਪੀ ਦੀ ਅਨਟਾਈਟਲਡ ਮਨੋਵਿਗਿਆਨਕ ਥ੍ਰਿਲਰ ਫ਼ਿਲਮ ਨਾਲ ਡੈਬੀਊ ਕਰੇਗੀ। ਇਹ ਜਲਦ ਹੀ ਵੱਡੇ ਪਰਦੇ ‘ਤੇ ਨਜ਼ਰ ਆਵੇਗੀ।
ਇਸ ਫ਼ਿਲਮ ‘ਚ ਹੁਮਾ ਕੁਰੈਸ਼ੀ ਅਤੇ ਪਰਮਬ੍ਰਤਾ ਚਟੋਪਾਧਿਆਏ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ। ਸੂਤਰਾਂ ਦੇ ਹਵਾਲੇ ਤੋਂ ਪਤਾ ਲੱਗਾ ਹੈ ਕਿ ਇਸ ਸਮੇਂ ਪ੍ਰੌਜੈਕਟ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ। ਇਸ ਦੀ ਸ਼ੂਟਿੰਗ ਮੁੰਬਈ ‘ਚ ਹੋ ਰਹੀ ਹੈ।
ਸੂਤਰ ਨੇ ਦੱਸਿਆ ਕਿ ਕਾਸਟ ਅਤੇ ਕਰੂ ਨੇ ਨਵੰਬਰ 2021 ‘ਚ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਸੀ। ਅਵੰਤਿਕਾ ਫ਼ਿਲਮ ‘ਚ ਇੱਕ ਗੁੰਝਲਦਾਰ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਕਹਾਣੀ ‘ਚ ਅਵੰਤਿਕਾ ਦੀ ਵੱਡੀ ਭੂਮਿਕਾ ਹੈ। ਹੁਣ ਤਕ ਅਵੰਤਿਕਾ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਹੁਮਾ ਅਤੇ ਪਰਮਬ੍ਰਤਾ ਆਪਣੀ ਅਦਾਕਾਰੀ ਦੇ ਹੁਨਰ ਨੂੰ ਸਖ਼ਤ ਮੁਕਾਬਲਾ ਦਿੰਦੇ ਨਜ਼ਰ ਆ ਰਹੇ ਹਨ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਨਿਰਮਾਤਾ ਫ਼ਿਲਮ ਨੂੰ ਮਾਰਚ ਦੇ ਅੰਤ ਤਕ ਰੀਲੀਜ਼ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
