ਨਵੀਂ ਦਿੱਲੀ – ਭਾਰਤੀ ਟੀਮ ਦੇ ਚੋਣਕਾਰਾਂ ਨੇ ਨਵੇਂ ਕੋਚ ਰਾਹੁਲ ਦ੍ਰਾਵਿੜ ਦੇ ਨਾਲ ਟੀ-20 ਅੰਤਰਰਾਸ਼ਟਰੀ ਟੀਮ ਦੇ ਨਵੇਂ ਕਪਤਾਨ ਨੂੰ ਲੈ ਕੇ ਕੋਈ ਚਰਚਾ ਨਹੀਂ ਕੀਤੀ, ਪਰ ਮੌਜੂਦਾ ਕੋਚ ਰਵੀ ਸ਼ਾਸਤਰੀ ਅਤੇ ਕਪਤਾਨ ਵਿਰਾਟ ਕੋਹਲੀ ਨੇ ਇਸ ਅਹੁਦੇ ਲਈ ਰੋਹਿਤ ਸ਼ਰਮਾ ਦਾ ਸਮਰਥਨ ਕੀਤਾ ਹੈ। ਕੋਹਲੀ ਨੇ ਸਤੰਬਰ ‘ਚ ਹੀ ਐਲਾਨ ਕੀਤਾ ਸੀ ਕਿ ਵਿਸ਼ਵ ਕੱਪ 2021 ਤੋਂ ਬਾਅਦ ਉਹ T-20 ਅੰਤਰਰਾਸ਼ਟਰੀ ਟੀਮ ਦੀ ਕਪਤਾਨੀ ਤੋਂ ਹਟ ਜਾਵੇਗਾ। ਮੁੱਖ ਕੋਚ ਰਵੀ ਸ਼ਾਸਤਰੀ, ਗੇਂਦਬਾਜ਼ੀ ਕੋਚ ਭਰਤ ਅਰੁਣ ਅਤੇ ਫ਼ੀਲਡਿੰਗ ਕੋਚ ਆਰ ਸ਼੍ਰੀਧਰ ਦੇ ਕਾਰਜਕਾਲ ਦੇ ਖ਼ਤਮ ਦੇ ਨਾਲ ਹੀ ਟੀਮ ਨੂੰ ਬਦਲਾਅ ਦੇ ਇੱਕ ਦੌਰ ‘ਚੋਂ ਲੰਘਣਾ ਹੋਵੇਗਾ। ਨਾਮੀਬੀਆ ਦੇ ਵਿਰੁੱਧ ਭਾਰਤ ਦੇ ਆਖਰੀ ਮੈਚ ਦੇ ਟੌਸ ਤੋਂ ਬਾਅਦ ਕੋਹਲੀ ਨੇ ਕਿਹਾ ਕਿ ਭਾਰਤ ਦੀ ਕਪਤਾਨੀ ਕਰਨ ਦਾ ਮੌਕਾ ਇੱਕ ਸਨਮਾਨ ਦੀ ਤਰ੍ਹਾਂ ਸੀ। ਨਾਲ ਹੀ ਉਸ ਨੇ ਸੰਕੇਤ ਦਿੱਤਾ ਕਿ ਰੋਹਿਤ ਉਸ ਦਾ ਉਤਰਾਧਿਕਾਰੀ ਬਣਨ ਦੇ ਲਈ ਰੋਹਿਤ ਤਿਆਰ ਹੈ।
ਕੋਹਲੀ ਨੇ ਕਿਹਾ, ”ਇਹ ਮੇਰੇ ਲਈ ਸਨਮਾਨ ਦੀ ਗੱਲ ਹੈ। ਮੈਨੂੰ ਮੌਕਾ ਦਿੱਤਾ ਗਿਆ ਅਤੇ ਮੈਂ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਕਰਨ ਦੀ ਕੋਸ਼ਿਸ਼ ਕੀਤੀ। ਇਹ ਮੇਰੇ ਲਈ ਜਗ੍ਹਾ ਬਣਾਉਣ ਤੇ ਅੱਗੇ ਆਉਣ ਵਾਲੀਆਂ ਚੀਜ਼ਾਂ ਨੂੰ ਤਰਜੀਹ ਗੇਣ ਦਾ ਸਮਾਂ ਹੈ ਤੇ ਬਦਕਿਸਮਤੀ ਨਾਲ, ਖੇਡ ਦੇ ਸਭ ਤੋਂ ਛੋਟੇ ਸਵਰੂਪ ਨੂੰ ਲੰਬੇ ਸਵਰੂਪਾਂ ਨੂੰ ਰਸਤਾ ਦੇਣਾ ਹੋਵੇਗਾ।”ਉਸ ਨੇ ਅੱਗੇ ਕਿਹਾ, ”ਮੈਨੂੰ ਟੀਮ ਦੇ ਪ੍ਰਦਰਸ਼ਨ ‘ਤੇ ਮਾਣ ਹੈ ਅਤੇ ਇੰਨੇ ਸਾਲਾ ਤਕ T-20 ਸਵਰੂਪ ‘ਚ ਭਾਰਤੀ ਕ੍ਰਿਕਟ ਟੀਮ ਦੀ ਅਗਵਾਈ ਕਰਨ ਦਾ ਮੌਕਾ ਦੇਣ ਦੇ ਲਈ ਮੈਂ ਸ਼ੁਕਰਗੁਜ਼ਾਰ ਹਾਂ। ਹੁਣ ਨਵੇਂ ਲੀਡਰਸ਼ਿਪ ਦੇ ਲਈ ਇਸ ਟੀਮ ਨੂੰ ਅੱਗੇ ਵਧਾਉਣ ਦਾ ਸਮਾਂ ਆ ਗਿਆ ਹੈ।”
ਵਿਰਾਟ ਨੇ ਕਿਹਾ, ”ਰੋਹਿਤ ਇੱਥੇ ਹੈ, ਉਹ ਕੁੱਝ ਸਮੇਂ ਤੋਂ ਚੀਜ਼ਾਂ ਨੂੰ ਦੇਖ ਰਿਹੈ। ਮੈਂ ਹਮੇਸ਼ਾ ਸੀਨੀਅਰ ਖਿਡਾਰੀ ਦੇ ਤੌਰ ‘ਤੇ ਟੀਮ ‘ਚ ਰਹਾਂਗਾ, ਪਰ ਇਹ ਭਵਿੱਖ ‘ਚ ਭਾਰਤੀ ਕ੍ਰਿਕਟ ਲਈ ਅਹਿਮ ਪਲ ਹੈ।”ਸ਼ਾਸਤਰੀ ਨੇ ਕਿਹਾ ਕਿ ਰੋਹਿਤ T-20 ਅੰਤਰਰਾਸ਼ਟਰੀ ਕਪਤਾਨ ਦੇ ਰੂਪ ‘ਚ ਅਹੁਦਾ ਸੰਭਾਲਣ ਲਈ ਤਿਆਰ ਹੈ ਅਤੇ ਸੁਝਾਅ ਦਿੱਤਾ ਕਿ IPL ਵਲੋਂ ਪ੍ਰਦਰਸ਼ਿਤ ਪ੍ਰਤਿਭਾ ਦੀ ਡੂੰਘਾਈ ਕਾਰਨ ਭਾਰਤ ਦੇ ਕੋਲ ਇਸ ਸਵਰੂਪ ‘ਚ ਹਮੇਸ਼ਾ ਇੱਕ ਮਜ਼ਬੂਤ ਟੀਮ ਹੋਵੇਗੀ।
