ਦੁਬਈ – ਪਾਕਿਸਤਾਨ ਦੇ ਬੱਲੇਬਾਜ਼ ਆਸਿਫ਼ ਅਲੀ ਅਤੇ ਆਇਰਲੈਂਡ ਦੀ ਆਲਰਾਊਂਡਰ ਨੂੰ ਮੰਗਲਵਾਰ ਅਕਤੂਬਰ ਮਹੀਨੇ ਲਈ ਅੰਤਰਰਾਸ਼ਟਰੀ ਕ੍ਰਿਕਟ ਪ੍ਰੀਸ਼ਦ (ICC) ਦਾ ਕ੍ਰਮਵਾਰ – ਸਰਵਸ੍ਰੇਸ਼ਠ ਪੁਰਸ਼ ਅਤੇ ਮਹਿਲਾ ਖਿਡਾਰੀ ਚੁਣਿਆ ਗਿਆ। ਆਸਿਫ਼ ਨੇ ਬੰਗਲਾਦੇਸ਼ ਦੇ ਸਾਕਿਬ ਅਲ ਹਸਨ ਅਤੇ ਨਾਮੀਬੀਆ ਦੇ ਡੇਵਿਡ ਵਾਈਸੀ ਨੂੰ ਪਿੱਛੇ ਛੱਡਦੇ ਹੋਏ ਪੁਰਸ਼ ਵਰਗ ਦਾ ਪੁਰਸਕਾਰ ਆਪਣੇ ਨਾਂ ਕੀਤਾ ਜਦਕਿ ਮਹਿਲਾ ਵਰਗ ‘ਚ ਲਾਰਾ ਨੇ ਟੀਮ ਦੀ ਆਪਣੀ ਸਾਥੀ ਗੈਬੀ ਲੁਈਸ ਤੇ ਜ਼ਿੰਬਾਬਵੇ ਦੀ ਮੇਰੀ ਆਨ ਮੁਸੋਂਡਾ ਨੂੰ ਪਛਾੜਿਆ।
ਆਸਿਫ਼ ਨੇ ਮੌਜੂਦਾ ICC T-20 ਪੁਰਸ਼ ਵਿਸ਼ਵ ਕੱਪ ਦੇ ਦੌਰਾਨ ਅਕਤੂਬਰ ‘ਚ ਪਾਕਿਸਤਾਨ ਵਲੋਂ ਤਿੰਨ ਮੈਚਾਂ ‘ਚ 52 ਦੌੜਾਂ ਬਣਾਈਆਂ ਅਤੇ ਇਸ ਦੌਰਾਨ ਉਸ ਦਾ ਸਟ੍ਰਾਈਕ ਰੇਟ 273.68 ਰਿਹਾ। ਆਸਿਫ਼ ਦੀਆਂ 12 ਗੇਂਦਾਂ ‘ਚ ਅਜੇਤੂ 27 ਦੌੜਾਂ ਦੀ ਪਾਰੀ ਦੀ ਬਦੌਲਤ ਪਾਕਿਸਤਾਨ ਨੇ ਨਿਊ ਜ਼ੀਲੈਂਡ ਨੂੰ ਹਰਾਇਆ, ਪਰ ਅਗਲੇ ਮੈਚ ‘ਚ ਉਹ ਚਰਚਾ ‘ਚ ਆ ਗਿਆ। ਪਾਕਿਸਤਾਨ ਦੇ ਵਿਰੁੱਧ ਆਖਰੀ ਦੋ ?ਵਰਾਂ ‘ਚ 24 ਦੌੜਾਂ ਦੀ ਜ਼ਰੂਰਤ ਸੀ ਅਤੇ ਆਸਿਫ਼ ਨੇ 19ਵੇਂ ?ਵਰ ‘ਚ ਚਾਰ ਛੱਕੇ ਲਗਾ ਕੇ ਟੀਮ ਨੂੰ ਜਿੱਤ ਹਾਸਿਲ ਕਰਵਾਈ ਸੀ। ਆਇਰਲੈਂਡ ਦੀ ਕਪਤਾਨ ਲਾਰਾ ਨੇ ਜ਼ਿੰਬਾਬਵੇ ਦੇ ਵਿਰੁੱਧ ਵਨ ਡੇ ਅੰਤਰਰਾਸ਼ਟਰੀ ਸੀਰੀਜ਼ ‘ਚ 3-1 ਨਾਲ ਜਿੱਤੀ ਤੇ ਇਸ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਨੇ 63 ਦੀ ਔਸਤ ਨਾਲ 189 ਦੌੜਾਂ ਬਣਾਈਆਂ ਤੇ ਇਸ ਤੋਂ ਇਲਾਵਾ 27 ਦੀ ਔਸਤ ਨਾਲ ਚਾਰ ਵਿਕਟਾਂ ਹਾਸਿਲ ਕੀਤੀਆਂ।
