ਨਵੀਂ ਦਿੱਲੀ- ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਵੀਰਵਾਰ ਨੂੰ ਕਿਹਾ ਕਿ ਆਸੀਆਨ ਖੇਤਰ ਭਾਰਤ ਦੇ ਗਲੋਬਲ ਆਰਥਿਕ ਸੰਬੰਧਾਂ ਵਿਚ ਇਕ ਮਹੱਤਵਪੂਰਨ ਕੇਂਦਰ ਹੈ ਅਤੇ ਕੋਰੋਨਾ ਵਾਇਰਸ ਮਹਾਮਾਰੀ ਨੇ ਸਹਿਯੋਗ ਨੂੰ ਮੁੜ ਵਿਚਾਰ ਕਰਨ ਅਤੇ ਇੱਛਾਵਾਂ ਨੂੰ ਵਧਾਉਣ ਦੀ ਜ਼ਰੂਰਤ ਨੂੰ ਰੇਖਾਂਕਿਤ ਕੀਤਾ ਹੈ। ਭਾਰਤ ਉਦਯੋਗ ਸੰਘ ਨੂੰ ਸੰਬੋਧਨ ਕਰਦੇ ਹੋਏ ਜੈਸ਼ੰਕਰ ਨੇ ਕਿਹਾ ਕਿ ਆਸੀਆਨ ਦਾ ਹਿੰਦ ਪ੍ਰਸ਼ਾਂਤ ਖੇਤਰ ਦੇ ਕੇਂਦਰ ’ਚ ਹੋਣਾ ਅਤੇ ਭਾਰਤ ਤੇ ਸਮੂਹ ਵਿਚਾਲੇ ਸੰਬੰਧਾਂ ਦਾ ਮਹੱਤਵ ਖ਼ੁਦ ਨੂੰ ਪ੍ਰਮਾਣਿਤ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਇਨ੍ਹਾਂ ਸੰਬੰਧਾਂ ਨੂੰ ਪ੍ਰਮੁੱਖਤਾ ਨੂੰ ਬਣਾਏ ਰੱਖਣਾ ਹੈ ਤਾਂ ਉਨ੍ਹਾਂ ਵਿਚਾਰਾਂ ਅਤੇ ਅਨੁਮਾਨਾਂ ਦੇ ਦਾਇਰੇ ਤੋਂ ਬਾਹਰ ਜਾਣ ਦੀ ਕੋਸ਼ਿਸ਼ ਕਰਨਾ ਹੋਵੇਗੀ, ਜਿਨ੍ਹਾਂ ਦੀ ਮਿਆਦ ਬੀਤ ਚੁੱਕੀ ਹੈ। ਦੱਸਣਯੋਗ ਹੈ ਕਿ 10 ਦੇਸ਼ਾਂ ਦੇ ਦੱਖਣ ਪੂਰਬੀ ਏਸ਼ੀਆਈ ਦੇਸ਼ਾਂ ਦੇ ਸੰਘ (ਆਸੀਆਨ) ਨੂੰ ਖੇਤਰ ’ਚ ਇਕ ਪ੍ਰਭਾਵਸ਼ਾਲੀ ਸਮੂਹ ਮੰਨਿਆ ਜਾਂਦਾ ਹੈ, ਜਿਸ ’ਚ ਭਾਰਤ ਤੋਂ ਇਲਾਵਾ ਅਮਰੀਕਾ, ਚੀਨ, ਜਾਪਾਨ, ਆਸਟ੍ਰੇਲੀਆ ਸਮੇਤ ਕਈ ਹੋਰ ਦੇਸ਼ ਗੱਲਬਾਤ ਹਿੱਸੇਦਾਰ ਦੇ ਰੂਪ ’ਚ ਸ਼ਾਮਲ ਹਨ।
ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਉਹ ਵਿਸ਼ਾਲ ਖੇਤਰ ਮਹੱਤਵਪੂਰਨ ਸਮਾਜਿਕ-ਆਰਥਿਕ ਤਬਦੀਲੀ ਦੇ ਦੌਰ ’ਚੋਂ ਲੰਘ ਰਿਹਾ ਹੈ ਅਤੇ ਮਹਾਮਾਰੀ ਨੇ ਸਪੱਸ਼ਟ ਤੌਰ ’ਤੇ ਇਸ ਦੀ ਗਤੀ ਤੇਜ਼ ਕੀਤੀ ਹੈ। ਉਨ੍ਹਾਂ ਕਿਹਾ,‘‘ਇਹ ਮਹੱਤਵਪੂਰਨ ਹੈ ਕਿ ਅਸੀਂ ਭਾਰਤ, ਆਸੀਆਨ ਅਤੇ ਸਾਡੇ ਸੰਬੰਧ, ਇਸ ਗੱਲ ਨੂੰ ਸਮਝਣ ਕਿ ਇਕ ਵੱਖ ਦੁਨੀਆ ਸਾਡੀ ਉਡੀਕ ਕਰ ਰਹੀ ਹੈ। ਇਹ ਇਕ ਅਜਿਹੀ ਦੁਨੀਆ ਹੈ ਜੋ ਭਰੋਸੇ, ਪਾਰਦਰਸ਼ਿਤਾ, ਲਚੀਲੇਪਨ ਅਤੇ ਭਰੋਸੇ ਨੂੰ ਵੱਧ ਮਹੱਤਵ ਦਿੰਦੀ ਹੈ, ਨਾਲ ਹੀ ਵਿਕਲਪਾਂ ਨੂੰ ਵੀ।’’ ਜੈਸ਼ੰਕਰ ਨੇ ਕਿਹਾ,‘‘ਸਾਡੀ ਸਮਕਾਲੀ ਗੱਲਬਾਤ ਉਦੋਂ ਪ੍ਰਾਸੰਗਿਕ ਹੋਣਗੇ, ਜਦੋਂ ਅਸੀਂ ਇਨ੍ਹਾਂ ਉਭਰਦੀਆਂ ਹੋਈਆਂ ਚਿੰਤਾਵਾਂ ਵੱਲ ਪੂਰਾ ਧਿਆਨ ਦੇਵਾਂਗੇ।’’ ਉਨ੍ਹਾਂ ਕਿਹਾ ਕਿ ਆਸੀਆਨ ਨਾਲ ਭਾਰਤ ਦੇ ਸੰਬੰਧਾਂ ਦੀਆਂ ਜੜਾਂ ਇਤਿਹਾਸ, ਭੂਗੋਲ ਅਤੇ ਸੰਸਕ੍ਰਿਤੀ ਨਾਲ ਜੁੜੀ ਹੈ ਅਤੇ ਆਪਸੀ ਹਿੱਤਾਂ ਅਤੇ ਘਟਨਾਕ੍ਰਮ ਦੇ ਸੰਬੰਧ ’ਚ ਸਮਰੱਥਾਵਾਂ ਨੂੰ ਲੈ ਕੇ ਹਾਲ ਦੇ ਸਾਲਾਂ ’ਚ ਵਧਦੀ ਜਾਗਰੂਕਤਾ ਨੇ ਇਨ੍ਹਾਂ ਨੇ ਊਰਜਾ ਪ੍ਰਦਾਨ ਕੀਤੀ ਹੈ। ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਪਿਛਲੇ 25 ਸਾਲਾਂ ਦੀ ਮਿਆਦ ’ਚ ਦੋਹਾਂ ਪੱਖਾਂ ਵਿਚਾਲੇ ਸਹਿਯੋਗ ਵਧਣ ਨਾਲ ਤਾਲਮੇਲ ਅਤੇ ਗਠਜੋੜ ਅਤੇ ਸੁਰੱਖਿਆ ਲਈ ਨਵੇਂ ਆਯਾਮ ਖੁੱਲ੍ਹੇ ਹਨ।