ਨਵੀਂ ਦਿੱਲੀ – ਭਾਰਤੀ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ ਲੰਡਨ ਦੇ ਓਵਲ ਮੈਦਾਨ ‘ਤੇ ਇੰਗਲੈਂਡ ਵਿਰੁੱਧ ਚੌਥੇ ਟੈੱਸਟ ‘ਚ 34 ਦੌੜਾਂ ਬਣਾਉਾਂਦੇ ਹੀ ਅੰਤਰਰਾਸ਼ਟਰੀ ਕ੍ਰਿਕਟ ਦਾ ਇੱਕ ਵੱਡਾ ਰਿਕਾਰਡ ਆਪਣੇ ਨਾਂ ਕਰ ਲਵੇਗਾ। ਰੋਹਿਤ ਦੇ ਨਾਂ ਹੁਣ ਬਤੌਰ ਓਪਨਰ 10,966 ਦੌੜਾਂ (ਤਿੰਨੋਂ ਫ਼ੌਰਮੈੱਟਸ ‘ਚ) ਬਣਾਉਣ ਦਾ ਰਿਕਾਰਡ ਹੈ। ਉਹ ਜੇਕਰ ਓਵਲ ਟੈੱਸਟ ‘ਚ 34 ਦੌੜਾਂ ਬਣਾਉਂਦਾ ਹੈ ਤਾਂ ਸਭ ਤੋਂ ਘੱਟ ਪਾਰੀਆਂ ‘ਚ 11 ਹਜ਼ਾਰ ਦੌੜਾਂ ਪੂਰੀਆਂ ਕਰਨ ਵਾਲਾ ਦੂਜੇ ਕ੍ਰਿਕਟਰ ਬਣ ਜਾਵੇਗਾ।
ਪਹਿਲੇ ਨੰਬਰ ‘ਤੇ ਸਚਿਨ ਤੇਂਦੁਲਕਰ ਹੈ ਜਿਸ ਨੇ 11 ਹਜ਼ਾਰ ਦੌੜਾਂ ਲਈ 241 ਪਾਰੀਆਂ ਖੇਡੀਆਂ ਸਨ ਜਦਕਿ ਰੋਹਿਤ ਹੁਣ ਤਕ 244 ਪਾਰੀਆਂ ਬਤੌਰ ਓਪਨਰ ਖੇਡ ਚੁੱਕਾ ਹੈ। ਉਹ ਇਸ ਮਾਮਲੇ ‘ਚ ਮੈਥਿਊ ਹੇਡਨ ਨੂੰ ਪਿੱਛੇ ਛੱਡ ਸਕਦੇ ਹੈ। ਦੇਖੋ ਰਿਕਾਰਡ –
ਓਪਨਰ ਦੇ ਤੌਰ ‘ਤੇ 11 ਹਜ਼ਾਰ ਦੌੜਾਂ (ਘੱਟ ਪਾਰੀਆਂ)
241 ਸਚਿਨ ਤੇਂਦੁਲਕਰ, 251 ਮੈਥਿਊ ਹੇਡਨ, 258 ਸੁਨੀਲ ਗਾਵਸਕਰ, 261 ਗ੍ਰੀਨੇਜ, 262 ਗ੍ਰੈਮ ਸਮਿੱਥ, 263 ਗ੍ਰਾਹਮ ਗੂਚ, 267 ਡੇਵਿਡ ਵਾਰਨਰ, 271 ਸਈਦ ਅਨਵਰ, 273 ਵਰਿੰਦਰ ਸਹਿਵਾਗ, 273 ਐਲਿਸਟੇਅਰ ਕੁਕ, 286 ਗੈਰੀ ਕਰਸਟਨ, 286 ਤਿਲਕਰਤਨੇ ਦਿਲਸ਼ਾਨ, 289 ਕ੍ਰਿਸ ਗੇਲ, 290 ਹਰਸ਼ਲ ਗਿਬਜ਼, 291 ਐੱਮ.ਟੇਲਰ, 299 ਹੇਨਜ਼।
ਰੋਹਿਤ ਸ਼ਰਮਾ ਤੋਂ ਇਲਾਵਾ ਮਾਰਟਿਨ ਗਪਟਿਲ ਅਤੇ ਸ਼ਿਖਰ ਧਵਨ ਵੀ ਬਤੌਰ ਓਪਨਰ 10 ਹਜ਼ਾਰ ਤੋਂ ਜ਼ਿਆਦਾ ਦੌੜਾਂ ਬਣਾ ਚੁੱਕੇ ਹਨ। ਗਪਟਿਲ ਨੇ 320 ਪਾਰੀਆਂ ‘ਚ 10, 976 ਦੌੜਾਂ ਹਨ ਤਾਂ ਧਵਨ ਦੀਆਂ 266 ਪਾਰੀਆਂ ‘ਚ 10, 179 ਦੌੜਾਂ। ਇਨ੍ਹਾਂ ਤੋਂ ਇਲਾਵਾ ਕੋਈ ਵੀ ਐਕਟਿਵ ਸਲਾਮੀ ਬੱਲੇਬਾਜ਼ ਅੱਠ ਹਜ਼ਾਰ ਤੋਂ ਜ਼ਿਆਦਾ ਦੌੜਾਂ ਨਹੀਂ ਬਣਾ ਸਕਿਆ।
