ਲਾਹੌਰ – ਪਾਕਿਸਤਾਨ ਕ੍ਰਿਕੇਟ ਬੋਰਡ ਨੇ ਵਿਸ਼ਵ ਕੱਪ ਤੋਂ ਬਾਅਦ ਮੁੱਖ ਚੋਣਕਰਤਾ ਇੰਜ਼ਮਾਮ ਉਲ ਹੱਕ ਅਤੇ ਕੋਚ ਮਿਕੀ ਆਰਥਰ ਦੇ ਐਗਰੀਮੈਂਟ ਦਾ ਨਵੀਨੀਕਰਣ ਨਾ ਕਰਨ ਦਾ ਫ਼ੈਸਲਾ ਕੀਤਾ ਹੈ। PCB ਸਾਬਕਾ ਕਪਤਾਨ ਆਮਿਰ ਸੋਹੇਲ ਨੂੰ ਇੰਜ਼ਮਾਮ ਦੀ ਜਗ੍ਹਾ ‘ਤੇ ਮੁੱਖ ਚੋਣਕਰਤਾ ਬਣਾਉਣ ‘ਤੇ ਵਿਚਾਰ ਕਰ ਰਹੀ ਹੈ। ਇੰਜ਼ਮਾਮ ਦਾ ਕੌਂਟ੍ਰੈਕਟ ਜੁਲਾਈ ‘ਚ ਖ਼ਤਮ ਹੋ ਜਾਵੇਗਾ। PCB ਦੇ ਭਰੋਸੇ ਯੋਗ ਸੂਤਰਾਂ ਨੇ ਕਿਹਾ, ”ਜਿਨ੍ਹਾਂ ਲੋਕਾਂ ਦੀ ਲਿਸਟ ਤਿਆਰ ਕੀਤੀ ਗਈ ਹੈ ਉਨ੍ਹਾਂ ‘ਚ ਸੋਹੇਲ ਇੱਕ ਮਜ਼ਬੂਤ ਦਾਅਵੇਦਾਰ ਹੈ। PCB ਦੇ ਪ੍ਰਬੰਧ ਨਿਦੇਸ਼ਕ ਵਸੀਮ ਖ਼ਾਨ ਮੁੱਖ ਚੋਣਕਰਤਾ ਅਤੇ ਮੁੱਖ ਕੋਚ ਅਹੁੱਦੇ ਦੀ ਨਵੀਂ ਨਿਊਕਤੀ ਬਾਰੇ ਫ਼ੈਸਲਾ ਕਰਣਗੇ। ਸੋਹੇਲ ਇਸ ਤੋਂ ਪਹਿਲਾਂ 2002 ਤੋਂ 2004 ਦੇ ‘ਚ ਮੁੱਖ ਚੋਣਕਰਤਾ ਸੀ। ਸੂਤਰਾਂ ਨੇ ਕਿਹਾ ਕਿ ਅਜੇ ਇਹ ਫ਼ੈਸਲਾ ਨਹੀਂ ਕੀਤਾ ਗਿਆ ਹੈ ਕਿ ਆਰਥਰ ਦੀ ਜਗ੍ਹਾ ਕਿਸੇ ਵਿਦੇਸ਼ੀ ਨੂੰ ਜਾਂ ਮਕਾਮੀ ਖਿਡਾਰੀ ਨੂੰ ਮੁੱਖ ਕੋਚ ਬਣਾਇਆ ਜਾਵੇਗਾ।
