ਹਸਪਤਾਲਾਂ ਵਿੱਚ ਜਣੇਪੇ ਨੂੰ ਕੀਤਾ ਜਾਵੇਗਾ ਉਤਸ਼ਾਹਿਤ
ਚੰਗੀਆਂ ਜਣੇਪਾ ਸੇਵਾਵਾਂ ਮੌਜੂਦ ਹੋਣ ਦੇ ਬਾਵਜੂਦ ਲੁਧਿਆਣਾ ਵਿੱਚ ਘਰ ‘ਚ ਹੋਣ ਵਾਲੇ ਜਣੇਪਿਆਂ ਦੀ ਪ੍ਰਤੀਸ਼ਤ 7.7 ਕੀਤੀ ਗਈ ਦਰਜ ਜਦਕਿ ਪਟਿਆਲਾ ਅਤੇ ਨਵਾਂ ਸ਼ਹਿਰ ਵਿੱਚ 0.1 ਰਹੀ ਇਹ ਫੀਸਦ
ਚੰਡੀਗੜ : ਹਸਪਤਾਲਾਂ ਵਿੱਚ ਜਣੇਪਿਆਂ ਦੇ ਸਬੰਧ ਵਿੱਚ ਪੰਜਾਬ ਬਹੁਤ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਪਰ 21ਵੀਂ ਸਦੀ ਦੇ ਦੂਜੇ ਦਹਾਕੇ ਦੇ ਅਖ਼ੀਰਲੇ ਸਾਲਾਂ ਦੌਰਾਨ ਜਦੋਂ ਸੂਬੇ ਦੇ ਹਰ ਗਲੀ-ਮੁਹੱਲੇ ਵਿੱਚ ਸਿਹਤ ਸੇਵਾਵਾਂ ਪਹੁੰਚ ਚੁੱਕੀਆਂ ਹਨ, ਇਹ ਬੜਾ ਦੁਖਦਾਈ ਹੈ ਕਿ ਹਾਲੇ ਵੀ ਸੂਬੇ ਵਿੱਚ ਕੁਝ ਘਰਾਂ ‘ਚ ਹੀ ਜਣੇਪਾ ਕਰਾਉਣ ਦੇ ਮਾਮਲੇ ਸਾਹਮਣੇ ਆ ਰਹੇ ਹਨ। “ਘਰ ਵਿੱਚ ਹੋਣ ਵਾਲੇ ਜਣੇਪਾ ਜੱਚਾ ਤੇ ਬੱਚਾ ਦੋਵਾਂ ਦੀ ਸਿਹਤ ਲਈ ਖ਼ਤਰਨਾਕ ਸਾਬਤ ਹੋ ਸਕਦੇ ਹਨ”, ਇਸ ਲਈ ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਘਰ ਵਿੱਚ ਜਣੇਪੇ ਦੇ ਰੁਝਾਨ ਨੂੰ ਰੋਕਣ ਦੀ ਸੁਹਿਰਦ ਕੋਸ਼ਿਸ਼ ਕੀਤੀ ਜਾਵੇਗੀ , ਇਹ ਪ੍ਰਗਟਾਵਾ ਤੰਦਰੁਸਤ ਪੰਜਾਬ ਮਿਸ਼ਨ ਦੇ ਡਾਇਰੈਕਟਰ ਸ੍ਰੀ ਕਾਹਨ ਸਿੰਘ ਪੰਨੂ ਨੇ ਕੀਤਾ।
ਉਹਨਾਂ ਦੱਸਿਆ ਕਿ ਅਪ੍ਰੈਲ ਤੋਂ ਅਗਸਤ 2018 ਦੌਰਾਨ ਜਨਮ ਦਰ ਨਾਲ ਸਬੰਧਤ ਅੰਕੜਿਆਂ ਤੋਂ ਇਹ ਤੱਥ ਸਾਹਮਣੇ ਆਇਆ ਹੈ ਕਿ ਪੰਜਾਬ ਵਿੱਚ ਜਨਮੇ ਕੁੱਲ 1,37,742 ਬੱਚਿਆਂ ਵਿੱਚੋਂ 3600 ਬੱਚਿਆਂ ਦਾ ਜਨਮ ਘਰ ਵਿੱਚ ਹੋਇਆ ਜੋ ਕਿ ਕੁੱਲ ਜਨਮ ਦਰ ਦਾ 2.6 ਫੀਸਦ ਬਣਦਾ ਹੈ। ਜ਼ਿਲ•ਾ ਵਾਰ, ਘਰ ਵਿੱਚ ਹੋਣ ਵਾਲੇ ਜਣੇਪਾ ਦੀ ਦਰ 7.7 – 0.1 ਫੀਸਦ ਹੈ ਜੋ ਇਹ ਦਰਸਾਉਂਦੀ ਹੈ ਕਿ ਉਕਤ ਜਨਮ ਦਰ ਵਿੱਚ ਕਾਫੀ ਅੰਤਰ ਹੈ। ਇਹ ਬੜਾ ਹੈਰਾਨ ਕਰਨ ਵਾਲਾ ਹੈ ਕਿ ਸਭ ਤੋਂ ਵੱਧ ਪ੍ਰਤੀ ਵਿਅਕਤੀ ਆਮਦਨ ਅਤੇ ਆਧੁਨਿਕ ਜਣੇਪਾ ਸੇਵਾਵਾਂ ਵਾਲੇ ਜ਼ਿਲ•ਾ ਲੁਧਿਆਣਾ ‘ਚ ਘਰ ਵਿੱਚ ਹੋਣ ਵਾਲੇ ਜਣੇਪੇ ਦੀ ਫੀਸਦ 7.7 ਹੈ ਜਦੋਂ ਕਿ ਮਾਨਸਾ ਵਿੱਚ ਇਹ ਫੀਸਦ ਸਿਰਫ 0.3 ਹੈ।
ਸ੍ਰੀ ਪੰਨੂ ਨੇ ਕਿਹਾ ਕਿ ਚੰਗੀਆਂ ਸਿਹਤ ਸੁਵਿਧਾਵਾਂ ਦੀ ਮੌਜੂਦਗੀ ਜਾਂ ਚੰਗਾ ਆਰਥਿਕ ਪੱਧਰ ਹੀ ਸੰਸਥਾਗਤ ਜਣੇਪੇ ਨਾ ਹੋਣ ਦਾ ਮੁੱਖ ਕਾਰਨ ਨਹੀਂ ਮੰਨਿਆ ਜਾ ਸਕਦਾ ਸਗੋਂ ਜਾਗਰੂਕਤਾ ਦੀ ਕਮੀ ਹੀ ਇਸ ਦਾ ਅਸਲ ਕਾਰਨ ਹੈ ਅਤੇ ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਇਸ ਮਸਲੇ ‘ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ। ਇਸ ਸਬੰਧ ਵਿੱਚ ਸੂਬੇ ਦੇ ਸਾਰੇ ਡਿਪਟੀ ਕਮਿਸ਼ਨਰਾਂ ਨੂੰ ਪੱਤਰ ਲਿਖ ਕੇ ਸਾਰੇ ਜ਼ਿਲਿ•ਆਂ ਦੇ ਸੰਸਥਾਗਤ/ਘਰਾਂ ‘ਚ ਹੋਏ ਜਣੇਪਿਆਂ ਦੇ ਅੰਕੜਿਆਂ ਤੋਂ ਜਾਣੂ ਕਰਵਾਇਆ ਗਿਆ ਹੈ। ਜਿਸ ਤਹਿਤ ਬਾਅਦ ਵਿੱਚ ਸਬੰਧਤ ਡਿਪਟੀ ਕਮਿਸ਼ਨਰਾਂ ਵੱਲੋਂ ਜੱਚਾ ਤੇ ਬੱਚਾ ਦੀ ਸੁਰੱਖਿਆ ਨਾਲ ਸਬੰਧਤ ਰੂਪ ਰੇਖਾ ਉਲੀਕੀ ਜਾਵੇਗੀ। ਜਿਨ•ਾਂ ਜ਼ਿਲਿ•ਆਂ ਵਿੱਚ ਘਰਾਂ ‘ਚ ਜਣੇਪੇ ਹੋਣ ਦੇ ਵੱਧ ਮਾਮਲੇ ਦਰਜ ਕੀਤੇ ਗਏ ਹਨ ਉੱਥੇ ਨਿਰੰਤਰ ਤੇ ਨਿਯਮਤ ਨਿਗਰਾਨੀ ਕੀਤੀ ਜਾਵੇਗੀ ਤਾਂ ਜੋ ਉਕਤ ਮਾਮਲੇ ‘ਤੇ ਤਿੱਖੀ ਨਜ਼ਰ ਰੱਖੀ ਜਾ ਸਕੇ।
ਜਿੰਨਾਂ ਜ਼ਿਲਿਆਂ ਵਿੱਚ ਵੱਧ ਉਪਰਾਲੇ ਲੋੜੀਂਦੇ ਹਨ ਉਹਨਾਂ ਵਿੱਚ ਲੁਧਿਆਣਾ 7.7 ਫੀਸਦ ,ਫਿਰੋਜ਼ਪੁਰ 7.6 ਫੀਸਦ, ਫਾਜ਼ਿਲਕਾ 4.7 ਫੀਸਦ, ਤਰਨ ਤਾਰਨ 4.6 ਫੀਸਦ, ਐਸਏਐਸ ਨਗਰ 4.1 ਫੀਸਦ, ਬਠਿੰਡਾ 3.9 ਫੀਸਦ, ਫਤਿਹਗੜ• ਸਾਹਿਬ 3.7 ਫੀਸਦ ਅਤੇ ਅੰਮ੍ਰਿਤਸਰ 3.5 ਫੀਸਦ ਜਦੋਂ ਕਿ ਫ਼ਰੀਦਕੋਟ 2.9 ਫੀਸਦ, ਗੁਰਦਾਸਪੁਰ 2.7 ਫੀਸਦ, ਮੋਗਾ 2.3 ਫੀਸਦ, ਬਰਨਾਲਾ 1.4, ਪਠਾਨਕੋਟ 1.7 ਫੀਸਦ, ਜਲੰਧਰ 1.3 ਫੀਸਦ, ਮੁਕਤਸਰ 1.2 ਫੀਸਦ ਅਤੇ ਕਪੂਰਥਲਾ 1.0 ਫੀਸਦ ਜਣੇਪੇ ਘਰਾਂ ‘ਚ ਹੁੰਦੇ ਹਨ ਅਤੇ ਦਰਮਿਆਨੇ ਯਤਨਾਂ ਦੀ ਲੋੜ ਵਾਲੇ ਜ਼ਿਲ•ੇ ਮੰਨੇ ਗਏ ਹਨ। ਜਿਨ•ਾਂ ਜ਼ਿਲਿ•ਆਂ ਵਿੱਚ ਇੱਕ ਫੀਸਦੀ ਤੋਂ ਘੱਟ ਜਣੇਪੇ ਘਰਾਂ ‘ਚ ਹੁੰਦੇ ਹਨ ਉਹਨਾਂ ਵਿੱਚ ਰੂਪਨਗਰ 0.9 ਫੀਸਦ, ਸੰਗਰੂਰ 0.7 ਫੀਸਦ, ਹੁਸ਼ਿਆਰਪੁਰ 0.6 ਫੀਸਦ, ਮਾਨਸਾ 0.3 ਫੀਸਦ, ਨਵਾਂ ਸ਼ਹਿਰ ਅਤੇ ਪਟਿਆਲਾ 0.1 ਫੀਸਦ ਸ਼ਾਮਲ ਹਨ, ਜਿਨ•ਾਂ ਵਿੱਚ ਸਥਿਤੀ ਮੁਕਾਬਲਤਨ ਚੰਗੀ ਹੈ।
