ਸ਼੍ਰੀਨਗਰ— ਭਾਰਤੀ ਥਲ ਸੈਨਾ ਦੇ ਚੀਫ ਬਿਪਿਨ ਰਾਵਤ ਨੇ ਬੁੱਧਵਾਰ ਨੂੰ ਸੰਯੁਕਤ ਰਾਸ਼ਟਰ ਦੀ ਉਸ ਰਿਪੋਰਟ ਦੀ ਸਖ਼ਤ ਨਿੰਦਾ ਕੀਤੀ, ਜਿਸ ‘ਚ ਕਸ਼ਮੀਰ ‘ਚ ਕਥਿਤ ਮਨੁੱਖੀ ਅਧਿਕਾਰੀ ਹਨਨ ਦੀ ਗੱਲ ਕਹੀ ਸੀ। ਰਾਵਤ ਨੇ ਅਜਿਹੀ ਰਿਪੋਰਟ ਨੂੰ ‘ਪ੍ਰੇਰਿਤ’ ਦੱਸਿਆ ਹੈ। ਰਾਵਤ ਨੇ ਕਿਹਾ, ‘ਇਸ ਮਨੁੱਖੀ ਅਧਿਕਾਰ ਰਿਪੋਰਟ ਬਾਰੇ ਗੱਲ ਕਰਨ ਦੀ ਜ਼ਰੂਰਤ ਨਹੀਂ ਹੈ। ਭਾਰਤੀ ਫੌਜ ਦਾ ਮਨੁੱਖੀ ਅਧਿਕਾਰ ‘ਚ ਰਿਕਾਰਡ ਬਹੁਤ ਉਪਰ ਹੈ। ਅਜਿਹੀ ਰਿਪੋਰਟ ਪ੍ਰੇਰਿਤ ਹੁੰਦੀ ਹੈ।
ਇਸ ਤੋਂ ਪਹਿਲਾਂ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਸੀ, ”ਭਾਰਤ ਇਸ ਰਿਪੋਰਟ ਨੂੰ ਰੱਦ ਕਰਦਾ ਹੈ। ਇਹ ਰਿਪੋਰਟ ਗੁੰਮਰਾਹ, ਅੰਸ਼ਕ ਪੱਖਪਾਤੀ ਹੈ। ਅਸੀਂ ਇਸ ਰਿਪੋਰਟ ਨਾਲ ਸਹਿਮਤ ਨਹੀਂ ਹਾਂ।’ ਮੰਤਰਾਲੇ ਨੇ ਕਿਹਾ ਸੀ ਕਿ ਇਸ ਰਿਪੋਰਟ ਨੂੰ ਕਾਫੀ ਹੱਦ ਤੱਕ ਅਸਪੱਸ਼ਟ ਸੂਚਨਾ ਨੂੰ ਚੁਣੇ ਹੋਏ ਤਰੀਕੇ ਨਾਲ ਇਕੱਠਾ ਕਰਕੇ ਤਿਆਰ ਕੀਤਾ ਗਿਆ ਹੈ। ਮੰਤਰਾਲੇ ਨੇ ਕਿਹਾ ਕਿ ਇਹ ਰਿਪੋਰਟ ਭਾਰਤ ਦੀ ਪ੍ਰਭੂਸੱਤਾ ਅਤੇ ਖੇਤਰੀ ਅਖੰਡਤਾ ਦਾ ਉਲੰਘਣ ਕਰਦੀ ਹੈ। ਸੰਪੂਰਨ ਜੰਮੂ-ਕਸ਼ਮੀਰ ਭਾਰਤ ਦਾ ਅਟੁੱਟ ਹਿੱਸਾ ਹੈ। ਪਾਕਿਸਤਾਨ ਨੇ ਭਾਰਤ ਦੇ ਇਸ ਰਾਜ ਦੇ ਇਕ ਹਿੱਸੇ ਨੂੰ ਗੈਰ ਅਤੇ ਜ਼ਬਰਦਸਤੀ ਕਬਜ਼ਾ ਕਰਕੇ ਰੱਖਿਆ ਹੋਇਆ ਹੈ।”
ਸੰਯੁਕਤ ਰਾਸ਼ਟਰ ਨੇ ਕਸ਼ਮੀਰ ਅਤੇ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਦੋਵਾਂ ‘ਚ ਕਥਿਤ ਮਨੁੱਖੀ ਅਧਿਕਾਰਾਂ ਦਾ ਉਲੰਘਣਾ ‘ਤੇ ਅੰਤਰਰਾਸ਼ਟਰੀ ਜਾਂਚ ਕਰਨ ਦੀ ਮੰਗ ਕੀਤੀ। ਗਲੋਬਲ ਮਨੁੱਖੀ ਅਧਿਕਾਰੀ ਨਿਗਰਾਨੀ ਸੰਸਥਾ ਨੇ ਪਾਕਿਸਤਾਨ ਨੂੰ ਸ਼ਾਂਤੀਪੂਰਨ ਕਾਰਜਕਰਤਾਵਾਂ ਦੇ ਖਿਲਾਫ ਅੱਤਵਾਦ ਵਿਰੋਧੀ ਕਾਨੂੰਨ ਦਾ ਦੁਰਪ੍ਰਯੋਗ ਰੋਕਣ ਅਤੇ ਅਸੰਤੋਸ਼ ਦੀ ਆਵਾਜ਼ ਦੇ ਦਮਨ ਨੂੰ ਵੀ ਬੰਦ ਕਰਨ ਨੂੰ ਕਿਹਾ।
