ਅੰਮ੍ਰਿਤਸਰ— ਸ੍ਰੀ ਅਕਾਲ ਤਖਤ ਦੇ 5 ਤਖਤਾਂ ਦੇ ਜਥੇਦਾਰਾਂ ਨੇ ਮੰਗਲਵਾਰ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਕੱਤਰੇਤ ‘ਚ ਆਯੋਜਿਤ ਬੈਠਕ ‘ਚ ਵੱਖ-ਵੱਖ ਫੈਸਲੇ ਲਏ ਜਿਨ੍ਹਾਂ ਮੁਤਾਬਕ ਅਦਾਕਾਰ ਫਿਲਮਾਂ ‘ਚ 5 ਪਿਆਰਿਆਂ ਦਾ ਕਿਰਦਾਰ ਨਹੀਂ ਨਿਭਾਅ ਸਕਦੇ। ਬੈਠਕ ‘ਚ ਫੈਸਲਾ ਕੀਤਾ ਗਿਆ ਕਿ ਫਿਲਮਾਂ ‘ਚ ਸਿਰਫ ਉਹੀ ਲੋਕ ਪੰਜ ਪਿਆਰਿਆਂ ਦਾ ਕਿਰਦਾਰ ਨਿਭਾਅ ਸਕਦੇ ਹਨ ਜੋ ਸਿੱਖ ਮਰਿਯਾਦਾ ਦਾ ਪਾਲਣ ਕਰਨ ਵਾਲੇ ਸੱਚੇ ਸਿੱਖ ਹੋਣ।
ਪੰਜ ਪਿਆਰਿਆਂ ਦਾ ਨਕਲੀ ਭੇਸ ਧਾਰਨ ਕਰਨ ‘ਤੇ ਪੂਰਨ ਪਾਬੰਦੀ: ਜਥੇਦਾਰ
ਜਥੇਦਾਰਾਂ ਨੇ ਪੰਜ ਪਿਆਰਿਆਂ ਦਾ ਨਕਲੀ ਭੇਸ ਧਾਰਨ ਕਰਨ ‘ਤੇ ਪੂਰਨ ਪਾਬੰਧੀ ਲਗਾ ਦਿੱਤੀ ਹੈ। ਇਸ ਤੋਂ ਇਲਾਵਾ ਇਹ ਵੀ ਕਿਹਾ ਗਿਆ ਕਿ ਰਾਜਨੀਤਿਕ ਦਲਾਂ ਵਲੋਂ ਆਪਣੀ ਪਾਰਟੀ ‘ਚ ਸਰਵ ਉਚ ਸਨਮਾਨ ‘ਸਿਰੌਪਾਓ’ ਦਾ ਪ੍ਰਯੋਗ ਨਹੀਂ ਕਰ ਸਕਦੀ। ਉਨ੍ਹਾਂ ਨੇ ਕਿਹਾ ਕਿ ਸਾਰੇ ਰਾਜਨੀਤਿਕ ਦਲ ਸਿਰੌਪਾਓ ਦੇ ਸਥਾਨ ‘ਤੇ ਆਪਣਾ-ਆਪਣਾ ਚਿੰਨ੍ਹ ਬਣਵਾਉਣ ਅਤੇ ਪੰਜ ਪਿਆਰੇ ਕਿਸੇ ਨੂੰ ਸਿਰੌਪਾਓ ਦੇ ਕੇ ਸਨਮਾਨਿਤ ਨਹੀਂ ਕਰਨਗੇ। ਇਕ ਹੋਰ ਫੈਸਲੇ ‘ਚ ਕਿਹਾ ਗਿਆ ਹੈ ਕਿ ਵੱਖ-ਵੱਖ ਵਿਦਵਾਨਾਂ ਵਲੋਂ ਗੁਰੂਆਂ ਅਤੇ ਸਿੱਖਾਂ ਦੇ ਇਤਿਹਾਸ ਸੰਬੰਧੀ ਲਿਖੇ ਗ੍ਰੰਥ ਕਈ ਭੁਲੇਖੇ ਪੈਦਾ ਕਰਦੇ ਹਨ, ਇਸ ਲਈ ਐਸ.ਜੀ.ਪੀ.ਸੀ ਦੇ ਪ੍ਰਧਾਨ ਨੂੰ ਹੁਕਮ ਦਿੱਤਾ ਗਿਆ ਹੈ ਕਿ ਉਹ ਜਲਦੀ ਤੋਂ ਜਲਦੀ ਇਕ ਕਮੇਟੀ ਬਣਾ ਕੇ ਗੁਰੂਆਂ ਅਤੇ ਸਿੱਖਾਂ ਦੇ ਇਤਿਹਾਸ ‘ਚ ਸੋਧ ਕਰ ਕੇ ਫਿਰ ਤੋਂ ਗ੍ਰੰਥ ਪ੍ਰਕਾਸ਼ਿਤ ਕਰਨ ਅਤੇ ਉਸ ਦੇ ਆਧਾਰ ‘ਤੇ ਹੀ ਧਾਰਮਿਕ ਪ੍ਰਚਾਰ ਕੀਤਾ ਜਾਵੇ।
ਐਸ.ਜੀ.ਪੀ.ਸੀ. ਦੀ ਆਗਿਆ ਦੇ ਬਿਨਾਂ ਨਹੀਂ ਹੋਵੇਗਾ ਗੁਰਦੁਆਰੇ ਦਾ ਨਿਰਮਾਣ
ਕਥਾ ਪ੍ਰਚਾਰਕਾਂ ਨੂੰ ਹੁਕਮ ਦਿੱਤਾ ਗਿਆ ਹੈ ਕਿ ਉਹ ਸਟੇਜਾਂ ‘ਤੇ ਕੋਈ ਵੀ ਮੁਸ਼ਕਲ ਪੈਦਾ ਕਰਨ ਵਾਲਾ ਪ੍ਰਚਾਰ ਨਾ ਕਰਨ। ਵਿਦੇਸ਼ਾਂ ‘ਚ ਐਸ.ਜੀ.ਪੀ.ਸੀ ਦੀ ਆਗਿਆ ਦੇ ਬਿਨਾਂ ਕੋਈ ਵੀ ਨਵਾਂ ਗੁਰਦੁਆਰਾ ਬਣਾਉਣ ‘ਤੇ ਸ੍ਰੀ ਅਕਾਲ ਤਖਤ ਵਲੋਂ ਪੂਰਨ ਪਾਬੰਦੀ ਲਗਾਈ ਹੋਈ ਹੈ ਪਰ ਇਸ ਦੇ ਬਾਵਜੂਦ ਕੁਝ ਲੋਕ ਜਾਤੀ ਅਤੇ ਆਪਣੇ ਸਵਾਰਥ ਲਈ ਗੁਰਦੁਆਰਿਆਂ ਦਾ ਨਿਰਮਾਣ ਕਰ ਰਹੇ ਹਨ। ਅਕਾਲ ਤਖਤ ਵਲੋਂ ਹੁਕਮ ਦਿੱਤਾ ਗਿਆ ਹੈ ਕਿ ਬਿਨਾਂ ਆਗਿਆ ਦੇ ਕੋਈ ਗੁਰਦੁਆਰੇ ਦਾ ਨਿਰਮਾਣ ਨਹੀਂ ਕਰੇਗਾ। ਹੁਕਮ ਦਾ ਉਲੰਘਣ ਕਰਨ ਵਾਲੇ ਵਿਰੁੱਧ ਸਖਤ ਕਾਰਵਾਈ ਕੀਤੀ ਜਾਵੇਗੀ।
