ਮੁੰਬਈ – ਇਥੋਂ ਦੀ ਇਕ ਅਦਾਲਤ ਨੇ ਮਾਣਹਾਨੀ ਦੇ ਇਕ ਮਾਮਲੇ ਵਿਚ ਦੋਸ਼ ਮੁਕਤ ਕਰਨ ਦੀ ਅਪੀਲ ਵਾਲੀ ਸ਼ਿਵ ਸੈਨਾ (ਯੂ.ਬੀ.ਟੀ.) ਪ੍ਰਧਾਨ ਉਧਵ ਠਾਕਰੇ ਅਤੇ ਪਾਰਟੀ ਸੰਸਦ ਮੈਂਬਰ ਸੰਜੇ ਰਾਉਤ ਦੀ ਪਟੀਸ਼ਨ ਵੀਰਵਾਰ ਨੂੰ ਰੱਦ ਕਰ ਦਿੱਤੀ। ਠਾਕਰੇ ਤੇ ਰਾਉਤ ਨੇ ਉਕਤ ਪਟੀਸ਼ਨ ਸ਼ਿਵ ਸੈਨਾ ਦੀ ਮੁਕਾਬਲੇਬਾਜ਼ ਧਿਰ ਦੇ ਨੇਤਾ ਰਾਹੁਲ ਸ਼ੇਵਾਲੇ ਵਲੋਂ ਉਨ੍ਹਾਂ ਖ਼ਿਲਾਫ਼ ਮਾਣਹਾਨੀ ਦੇ ਇਕ ਮਾਮਲੇ ’ਚ ਦਾਇਰ ਕੀਤੀ ਸੀ।
ਸ਼ੇਵਾਲੇ ਨੇ ਆਪਣੀ ਸ਼ਿਕਾਇਤ ਵਿਚ ਉਧਵ ਠਾਕਰੇ ਅਤੇ ਰਾਉਤ ’ਤੇ ਸ਼ਿਵ ਸੈਨਾ (ਯੂ.ਬੀ.ਟੀ.) ਦੇ ਮੁੱਖ ਪੱਤਰ ‘ਸਾਮਨਾ’ ਵਿਚ ਉਨ੍ਹਾਂ ਵਿਰੁੱਧ ਅਪਮਾਨਜਨਕ ਲੇਖ ਛਾਪਣ ਦਾ ਦੋਸ਼ ਲਗਾਇਆ ਹੈ। ਠਾਕਰੇ ‘ਸਾਮਨਾ’ ਦੇ ਸੰਪਾਦਕ ਹਨ, ਉੱਥੇ ਰਾਉਤ ਇਸ ਦੇ ਕਾਰਜਕਾਰੀ ਸੰਪਾਦਕ ਹਨ। ਸ਼ੇਵਾਲੇ ਲੋਕ ਸਭਾ ’ਚ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਦੀ ਅਗਵਾਈ ਵਾਲੀ ਸ਼ਿਵ ਸੈਨਾ ਦੇ ਨੇਤਾ ਹਨ। ਅਦਾਲਤ ਨੇ ਇਸ ਮਾਮਲੇ ਵਿਚ ਸਬੂਤ ਦਰਜ ਕਰਨ ਲਈ ਮਾਮਲੇ ਦੀ ਸੁਣਵਾਈ 9 ਨਵੰਬਰ ਤੱਕ ਲਈ ਮੁਲਤਵੀ ਕਰ ਦਿੱਤੀ।
