ਦੁਬਈ – ਇੰਡੀਅਨ ਪ੍ਰੀਮੀਅਰ ਲੀਗ (IPL) 2020 ਦੇ ਪਹਿਲੇ 10 ਦਿਨਾਂ ਵਿੱਚ ਸੋਮਵਾਰ ਨੂੰ ਦੂਜਾ ਸੁਪਰ ਓਵਰ ਮੁਕਾਬਲਾ ਦੇਖਣ ਨੂੰ ਮਿਲਿਆ ਜਿੱਥੇ ਰੌਇਲ ਚੈਲੇਂਜਰਸ ਬੈਂਗਲੁਰੂ ਨੇ ਪਿਛਲੇ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਨੂੰ ਮਾਤ ਦਿੱਤੀ। ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਰੌਇਲ ਚੈਲੇਂਜਰਸ ਬੈਂਗਲੁਰੂ ਦੀ ਜਿੱਤ ‘ਤੇ ਬੌਲੀਵੁਡ ਅਦਾਕਾਰਾ ਅਤੇ ਕਿੰਗਜ਼ ਇਲੈਵਨ ਪੰਜਾਬ ਦੀ ਸਹਿ-ਮਾਲਕਣ ਪ੍ਰੀਤੀ ਜ਼ਿੰਟਾ ਨੂੰ ਕੋਹਲੀ ਦੇ ਆਲੋਚਕਾਂ ‘ਤੇ ਭੜਾਸ ਕੱਢਣੇ ਦਾ ਮੌਕਾ ਮਿਲ ਗਿਆ।
ਪ੍ਰੀਤੀ ਜ਼ਿੰਟਾ ਨੇ ਆਪਣੇ ਟਵੀਟ ਵਿੱਚ ਦੋਵਾਂ ਟੀਮਾਂ ਦੀ ਤਾਰੀਫ਼ ਕਰਦੇ ਹੋਏ ਵਿਰਾਟ ਕੋਹਲੀ ਦੇ ਆਲੋਚਕਾਂ ਨੂੰ ਕਰਾਰਾ ਜਵਾਬ ਵੀ ਦੇ ਦਿੱਤਾ। ਜਿੰਟਾ ਨੇ ਟਵੀਟ ਕੀਤਾ, ”OMG! ਇੱਕ ਹੋਰ ਥ੍ਰੀਲਰ ਸੁਪਰ ਓਵਰ। ਦੋਵਾਂ ਟੀਮਾਂ ਨੇ ਸ਼ਾਨਦਾਰ ਖੇਡਿਆ। ਮੇਰਾ ਦਿਲ ਤੁਹਾਨੂੰ ਜਾਂਦਾ ਹੈ ਇਸ਼ਾਨ ਕਿਸ਼ਨ। ਹਾਰਡ ਲੱਕ ਮੁੰਬਈ। ਸ਼ੁਭਕਾਮਨਾਵਾਂ RCB।” ਵਿਰਾਟ ਦੇ ਆਲੋਚਕਾਂ ਲਈ – ਆਖ਼ਰੀ ਗੇਂਦ ‘ਤੇ ਚੌਕਾ ਮਾਰ ਕੇ ਕਪਤਾਨ ਨੇ RCB ਲਈ ਮੈਚ ਜਿੱਤਿਆ। ਫ਼ਾਰਮ ਅਸਥਾਈ ਹੈ ਪਰ ਕਲਾਸ ਪਰਮਾਨੈਂਟ ਹੈ, ਤਾਂ ਸ਼ਾਂਤ ਰਹੋ।”
ਇਸ ਜਿੱਤ ਦੇ ਨਾਲ ਹੀ RCB ਦੀ ਟੀਮ IPL 2020 ਦੀ ਅੰਕ ਸੂਚੀ ਵਿੱਚ ਤੀਜੇ ਸਥਾਨ ‘ਤੇ ਪਹੁੰਚ ਗਈ ਹੈ। ਦਿੱਲੀ ਕੈਪੀਟਲਸ ਅਤੇ ਰਾਜਸਥਾਨ ਰਾਇਲਜ਼ ਦੀ ਟੀਮ ਆਪਣੇ ਦੋਵੇਂ ਮੁਕਾਬਲੇ ਜਿੱਤ ਕੇ RCB ਤੋਂ ਅੱਗੇ ਹਨ। ਹਾਲਾਂਕਿ, RCB ਨੂੰ ਆਪਣੀ ਰਣਨੀਤੀ ‘ਤੇ ਕੰਮ ਕਰਬ ਦੀ ਜ਼ਰੂਰਤ ਹੈ ਕਿਉਂਕਿ ਇੰਨਾ ਵੱਡਾ ਸਕੋਰ ਖੜ੍ਹਾ ਕਰਣ ਦੇ ਬਾਵਜੂਦ ਉਹ ਟੀਚੇ ਦੀ ਰੱਖਿਆ ਸਫ਼ਲ ਤਰੀਕੇ ਨਾਲ ਕਰਨ ਵਿੱਚ ਅਸਮਰਥ ਦਿਖਦੀ ਰਹੀ ਹੈ।
ਦੱਸ ਦੇਈਏ ਕਿ ਰੌਇਲ ਚੈਲੇਂਜਰਸ ਬੈਂਗਲੁਰੂ ਨੇ ਸੋਮਵਾਰ ਨੂੰ IPL 2020 ਦੇ 11ਵੇਂ ਮੈਚ ਵਿੱਚ ਪਹਿਲਾਂ ਬੱਲੇਬਾਜ਼ੀ ਕਰ ਕੇ ਨਿਰਧਾੁਰਤ 20 ਓਵਰਾਂ ਵਿੱਚ 3 ਵਿਕਟਾਂ ਗੁਆ ਕੇ 201 ਦੌੜਾਂ ਬਣਾਈਆਂ। ਜਵਾਬ ਵਿੱਚ ਮੁੰਬਈ ਇੰਡੀਅਨਜ਼ ਨੇ ਇਸ਼ਾਨ ਕਿਸ਼ਨ (99) ਅਤੇ ਕਿਰੋਨ ਪੋਲਾਰਡ (60) ਦੀ ਪਾਰੀਆਂ ਦੀ ਬਦੌਲਤ 20 ਓਵਰਾਂ ਵਿੱਚ 5 ਵਿਕਟਾਂ ਗੁਆ 201 ਦੌੜਾਂ ਬਣਾਈਆਂ ਅਤੇ ਮੁਕਾਬਲਾ ਟਾਈ ਕਰਾ ਦਿੱਤਾ। ਇਸ ਤੋਂ ਬਾਅਦ ਮੈਚ ਦਾ ਨਤੀਜਾ ਸੁਪਰ ਓਵਰ ਤੋਂ ਨਿਕਲਣਾ ਸੀ। ਮੁੰਬਈ ਇੰਡੀਅਨਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕੀਤੀ ਅਤੇ ਨਿਤਿਨ ਸੈਨੀ ਦੇ ਓਵਰ ਵਿੱਚ 1 ਵਿਕਟ ਗੁਆ ਕੇ ਕੇਵਲ 6 ਦੌੜਾਂ ਹੀ ਬਣਾਈਆਂ। ਇਸ ਦੇ ਬਾਅਦ RCB ਵਲੋਂ ਏ. ਬੀ. ਡਿਵਿਲਿਅਰਸ ਅਤੇ ਵਿਰਾਟ ਕੋਹਲੀ ਬੱਲੇਬਾਜ਼ੀ ਕਰਨ ਆਏ। ਕਪਤਾਨ ਵਿਰਾਟ ਕੋਹਲੀ ਨੇ ਜਸਪ੍ਰੀਤ ਬੁਮਰਾਹ ਦੇ ਓਵਰ ਦੀ ਆਖ਼ਰੀ ਗੇਂਦ ‘ਤੇ ਚੌਕਾ ਮਾਰ ਕੇ RCV ਦੀ ਜਿੱਤ ‘ਤੇ ਮੋਹਰ ਲਗਾਈ।
