ਹਮੇਸ਼ਾ ਕਿਹਾ ਜਾਂਦਾ ਹੈ ਕਿ ਤਿੱਖਾ ਅਤੇ ਜ਼ਿਆਦਾ ਮਸਾਲੇਦਾਰ ਖਾਣਾ ਖਾਣਾ ਵਧੀਆ ਨਹੀਂ ਹੁੰਦਾ ਅਤੇ ਇਸ ਦੇ ਸੇਵਨ ਨਾਲ ਪੇਟ ‘ਚ ਸੜਨ ਮਹਿਸੂਸ ਹੁੰਦੀ ਹੈ। ਭੋਜਨ ‘ਚ ਵਰਤੀ ਜਾਣ ਵਾਲੀ ਹਰੀ ਮਿਰਚ ਨਾ ਸਿਰਫ਼ ਖਾਣੇ ਦੇ ਸੁਆਦ ਨੂੰ ਵਧਾਉਂਦੀ ਹੈ ਸਗੋਂ ਇਸ ਦੇ ਸੇਵਨ ਨਾਲ ਸਿਹਤ ਦੇ ਕਈ ਲਾਭ ਵੀ ਮਿਲਦੇ ਹਨ। ਦੱਸਣਯੋਗ ਹੈ ਕਿ ਹਰੀਆਂ ਮਿਰਚਾਂ ‘ਚ ਪੌਸ਼ਟਿਕ ਤੱਤਾਂ ਜਿਵੇਂ ਵਾਇਟਾਮਿਨ-ਏ, ਬੀ-6, ਸੀ, ਆਇਰਨ, ਕੌਪਰ, ਪੋਟੈਸ਼ੀਅਮ, ਪ੍ਰੋਟੀਨ ਅਤੇ ਕਾਰਬੋਹਾਈਡ੍ਰੇਟਸ ਮੌਜੂਦ ਹੁੰਦੇ ਹਨ। ਇਹ ਹੀ ਨਹੀਂ ਇਸ ‘ਚ ਬੀਟਾ ਕੈਰੋਟੀਨ, ਕ੍ਰਿਪਟੋਕਸਾਨੀਥਨ, ਆਦਿ ਸਿਹਤਮੰਦ ਚੀਜ਼ਾਂ ਮੌਜੂਦ ਹਨ। ਮਿਰਚਾਂ ਇਨ੍ਹਾਂ ਰੋਗਾਂ ਨੂੰ ਕਰਦੀਆਂ ਹਨ ਘੱਟ:
ਚਮੜੀ ਲਈ ਫ਼ਾਇਦੇਮੰਦ: ਹਰੀਆਂ ਮਿਰਚਾਂ ‘ਚ ਬਹੁਤ ਸਾਰੇ ਵਾਇਟਾਮਿਨਜ਼ ਪਾਏ ਜਾਂਦੇ ਹਨ ਜੋ ਚਮੜੀ ਲਈ ਫ਼ਾਇਦੇਮੰਦ ਸਾਬਿਤ ਹੁੰਦੇ ਹਨ। ਹਰੀਆਂ ਮਿਰਚਾਂ ਖਾਣ ਨਾਲ ਚਮੜੀ ‘ਚ ਨਿਖਾਰ ਆਉਂਦਾ ਹੈ।
ਕੈਂਸਰ ਦਾ ਵਧਦਾ ਖ਼ਤਰਾ ਘੱਟ: ਹਰੀਆਂ ਮਿਰਚਾਂ ਖਾਣ ਨਾਲ ਫ਼ੇਫ਼ੜਿਆਂ ਦੇ ਕੈਂਸਰ ਦਾ ਖ਼ਤਰਾ ਘੱਟ ਹੋ ਜਾਂਦਾ ਹੈ। ਪੁਰਸ਼ਾਂ ਨੂੰ ਹਰੀਆਂ ਮਿਰਚਾਂ ਖਾਣੀਆਂ ਚਾਹੀਦੀਆਂ ਹਨ ਕਿਉਂਕਿ ਉਨ੍ਹਾਂ ਨੂੰ ਪ੍ਰੋਸਟੇਟ ਕੈਂਸਰ ਦਾ ਖ਼ਤਰਾ ਰਹਿੰਦਾ ਹੈ। ਵਿਗਿਆਨਕ ਸੋਧਾਂ ਨੇ ਇਹ ਸਾਬਿਤ ਕੀਤਾ ਹੈ ਕਿ ਹਰੀਆਂ ਮਿਰਚਾਂ ਖਾਣ ਨਾਲ ਪ੍ਰੋਸਟੇਟ ਦੀ ਸਮੱਸਿਆ ਪੂਰੀ ਤਰ੍ਹਾਂ ਖ਼ਤਮ ਹੋ ਜਾਂਦੀ ਹੈ।
ਦਰਦ ਕਰੇ ਘੱਟ ਅਤੇ ਦਮੇ ਲਈ ਹਰੀਆਂ ਮਿਰਚਾਂ ਹਨ ਮਦਦਗਾਰ: ਹਰੀਆਂ ਮਿਰਚਾਂ ਦਾ ਇੱਕ ਚਮਚ ਰਸ ਸ਼ਹਿਦ ‘ਚ ਮਿਲਾ ਕੇ ਖ਼ਾਲੀ ਪੇਟ ਖਾਣ ਨਾਲ ਦਮੇ ਦੇ ਰੋਗਾਂ ਤੋਂ ਰਾਹਤ ਮਿਲਦੀ ਹੈ। ਇਸ ਦੀ ਵਰਤੋਂ 10 ਦਿਨਾਂ ਤਕ ਕਰਨ ਨਾਲ ਲਾਭ ਮਿਲੇਗਾ। ਜਿੱਥੇ ਹਰੀਆਂ ਮਿਰਚਾਂ ਖਾਣ ਨਾਲ ਸ਼ਰੀਰ ‘ਚੋਂ ਗਰਮੀ ਨਿਕਲਦੀ ਹੈ, ਉਥੇ ਹੀ ਇਹ ਦਰਦ ਨੂੰ ਵੀ ਘੱਟ ਕਰਦਾ ਹੈ।
ਪਾਚਣਤੰਤਰ ਨੂੰ ਕਰਦੀ ਹੈ ਮਜ਼ਬੂਤ: ਹਰੀਆਂ ਮਿਰਚਾਂ ਪਾਚਣਤੰਤਰ ਨੂੰ ਵੀ ਮਜ਼ਬੂਤ ਕਰਨ ‘ਚ ਲਾਭਦਾਇਕ ਹੁੰਦੀਆਂ ਹਨ। ਇਹ ਖਾਣੇ ਨੂੰ ਵੀ ਜਲਦੀ ਪਚਾ ਦਿੰਦੀਆਂ ਹਨ। ਹਰੀਆਂ ਮਿਰਚਾਂ ਨੂੰ ਖਾਣ ਨਾਲ ਇਨਫ਼ੈਕਸ਼ਨ ਦੇ ਕਾਰਨ ਹੋਣ ਵਾਲੇ ਰੋਗ ਨਹੀਂ ਹੁੰਦੇ ਹਨ।
ਆਇਰਨ ਵਧਾਉਣ ‘ਚ ਮਦਦਗਾਰ: ਔਰਤਾਂ ‘ਚ ਅਕਸਰ ਆਇਰਨ ਦੀ ਕਮੀ ਹੋ ਜਾਂਦੀ ਹੈ, ਪਰ ਜੇਕਰ ਤੁਸੀਂ ਰੋਜ਼ਾਨਾ ਹਰੀਆਂ ਮਿਰਚਾਂ ਖਾਂਦੇ ਹੋ ਤਾਂ ਤੁਹਾਡੀ ਇਹ ਕਮੀ ਵੀ ਪੂਰੀ ਹੋ ਜਾਵੇਗੀ। ਇਸ ‘ਚ ਵਾਇਟਾਮਿਨ-ਸੀ ਵੀ ਹੁੰਦਾ ਹੈ। ਹਰੀਆਂ ਮਿਰਚਾਂ ਨੂੰ ਹਮੇਸ਼ਾ ਠੰਡੀ ਥਾਂ ‘ਤੇ ਰੱਖਣਾ ਚਾਹੀਦਾ ਹੈ ਕਿਉਂਕਿ ਗਰਮੀ ਦੇ ਨਾਲ ਹਰੀਆਂ ਮਿਰਚਾਂ ਦੇ ਪੋਸ਼ਟਿਕ ਤੱਤ ਖ਼ਤਮ ਹੋ ਜਾਂਦੇ ਹਨ।
ਸੂਰਜਵੰਸ਼ੀ ਡੱਬੀ
