ਲਾਸ ਏਂਜਲਸ – ਅਮਰੀਕਾ ਤੋਂ ਇਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਇੱਥੇ ਉੱਤਰੀ ਕੈਲੀਫੋਰਨੀਆ ਦੇ ਇੱਕ ਸਕੂਲ ਵਿੱਚ ਹੋਈ ਗੋਲੀਬਾਰੀ ਹੋਈ। ਇਸ ਗੋਲੀਬਾਰੀ ਵਿੱਚ ਦੋ ਵਿਦਿਆਰਥੀ ਜ਼ਖ਼ਮੀ ਹੋ ਗਏ ਅਤੇ ਸ਼ੱਕੀ ਬੰਦੂਕਧਾਰੀ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ।
ਬੁਟੇ ਕਾਉਂਟੀ ਸ਼ੈਰਿਫ ਦੇ ਦਫਤਰ ਨੇ ਇੱਕ ਬਿਆਨ ਵਿੱਚ ਦੱਸਿਆ ਕਿ ਡਿਪਟੀ “ਪਲੇਰਮੋ ਵਿੱਚ ਸੇਵਨਥ-ਡੇ ਐਡਵੈਂਟਿਸਟਾਂ ਦੇ ਫੇਦਰ ਰਿਵਰ ਸਕੂਲ ਵਿੱਚ ਗੋਲੀਬਾਰੀ ਨਾਲ ਜੁੜੀ ਇੱਕ ਸਰਗਰਮ ਘਟਨਾ ਦੇ ਸਥਾਨ ‘ਤੇ ਸਨ।” ਸ਼ੈਰਿਫ ਦੇ ਦਫਤਰ ਅਨੁਸਾਰ ਵਿਦਿਆਰਥੀਆਂ ਨੂੰ ਨੇੜਲੇ ਚਰਚ ਵਿੱਚ ਲਿਜਾਇਆ ਜਾ ਰਿਹਾ ਸੀ ਅਤੇ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨਾਲ ਮਿਲਣ ਲਈ ਚਰਚ ਆਉਣ ਲਈ ਕਿਹਾ ਗਿਆ। ਸਥਾਨਕ ਟੀਵੀ ਸਟੇਸ਼ਨ ਕੇਆਰਸੀਆਰ-ਟੀਵੀ ਨੇ ਸ਼ੇਰਿਫ ਦੇ ਦਫਤਰ ਦੇ ਹਵਾਲੇ ਨਾਲ ਦੱਸਿਆ ਕਿ ਦਫਤਰ ਨੂੰ ਦੁਪਹਿਰ 1 ਵਜੇ ਦੇ ਕਰੀਬ ਇੱਕ ਬਾਲਗ ਪੁਰਸ਼ ਦੁਆਰਾ ਵਿਦਿਆਰਥੀਆਂ ‘ਤੇ ਗੋਲੀਬਾਰੀ ਕਰਨ ਦੇ ਸਬੰਧ ਵਿੱਚ 911 ਕਾਲਾਂ ਆਈਆਂ।
ਰਿਪੋਰਟ ਮੁਤਾਬਕ ਕਈ ਏਜੰਸੀਆਂ ਨੇ ਤੁਰੰਤ ਘਟਨਾ ‘ਤੇ ਪ੍ਰਤੀਕਿਰਿਆ ਦਿੱਤੀ ਅਤੇ ਸ਼ੂਟਰ ਨੂੰ ਲੱਭ ਲਿਆ, ਜਿਸ ਦੀ ਮੌਤ ਖੁਦ ਨੂੰ ਗੋਲੀ ਲੱਗਣ ਕਾਰਨ ਹੋਈ ਸੀ। ਦੋ ਵਿਦਿਆਰਥੀ ਗੋਲੀ ਲੱਗਣ ਕਾਰਨ ਜ਼ਖਮੀ ਹੋ ਗਏ, ਜਿਨ੍ਹਾਂ ਵਿਚੋਂ ਇਕ ਨੂੰ ਨੇੜੇ ਦੇ ਹਸਪਤਾਲ ਲਿਜਾਇਆ ਗਿਆ। ਸਕੂਲ, ਸੇਵਨਥ-ਡੇ ਐਡਵੈਂਟਿਸਟ ਚਰਚ ਦੁਆਰਾ ਚਲਾਇਆ ਜਾਂਦਾ ਹੈ। ਇਸਦੀ ਵੈਬਸਾਈਟ ਅਨੁਸਾਰ ਇਹ 30 ਤੋਂ ਵੱਧ ਵਿਦਿਆਰਥੀਆਂ ਵਾਲਾ ਇੱਕ K-8 ਸਕੂਲ ਹੈ। 5,000 ਤੋਂ ਵੱਧ ਨਿਵਾਸੀਆਂ ਦਾ ਘਰ ਪਲੇਰਮੋ, ਅਮਰੀਕਾ ਦੇ ਕੈਲੀਫੋਰਨੀਆ ਰਾਜ ਦੀ ਰਾਜਧਾਨੀ ਸੈਕਰਾਮੈਂਟੋ ਤੋਂ ਲਗਭਗ 104 ਕਿਲੋਮੀਟਰ ਉੱਤਰ ਵਿੱਚ ਹੈ।
