ਰੂਸੀ ਹਵਾਈ ਰੱਖਿਆ ਨੇ 31 ਯੂਕ੍ਰੇਨੀ ਡਰੋਨ ਕੀਤੇ ਢੇਰ

ਮਾਸਕੋ – ਰੂਸ ਅਤੇ ਯੂਕ੍ਰੇਨ ਵਿਚਾਲੇ ਯੁੱਧ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਰੂਸੀ ਹਵਾਈ ਰੱਖਿਆ ਚਿਤਾਵਨੀ ਪ੍ਰਣਾਲੀਆਂ ਨੇ ਕੱਲ੍ਹ ਰਾਤ ਰੂਸੀ ਖੇਤਰਾਂ ਵਿੱਚ 31 ਯੂਕ੍ਰੇਨੀ ਡਰੋਨਾਂ ਨੂੰ ਨਸ਼ਟ ਕਰ ਦਿੱਤਾ ਅਤੇ ਉਨ੍ਹਾਂ ਨੂੰ ਰੋਕ ਦਿੱਤਾ, ਜਿਨ੍ਹਾਂ ਵਿੱਚੋਂ ਲਗਭਗ ਅੱਧੇ ਬ੍ਰਾਇਨਸਕ ਖੇਤਰ ‘ਤੇ ਸਨ। ਰੂਸੀ ਰੱਖਿਆ ਮੰਤਰਾਲੇ ਨੇ ਸੋਮਵਾਰ ਨੂੰ ਇਸ ਸਬੰਧੀ ਜਾਣਕਾਰੀ ਦਿੱਤੀ।
ਬਿਆਨ ਮੁਤਾਬਕ,”ਬੀਤੀ ਰਾਤ ਦੌਰਾਨ ਡਿਊਟੀ ‘ਤੇ ਮੌਜੂਦ ਹਵਾਈ ਰੱਖਿਆ ਪ੍ਰਣਾਲੀਆਂ ਨੇ 31 ਯੂਕ੍ਰੇਨੀ ਮਨੁੱਖ ਰਹਿਤ ਹਵਾਈ ਵਾਹਨਾਂ ਨੂੰ ਰੋਕਿਆ ਅਤੇ ਨਸ਼ਟ ਕਰ ਦਿੱਤਾ।” ਇਸ ਵਿੱਚ ਦੱਸਿਆ ਗਿਆ ਹੈ ਕਿ ਬ੍ਰਾਇਨਸਕ ਖੇਤਰ ‘ਤੇ 14 ਡਰੋਨ, ਕਾਲੂਗਾ ਖੇਤਰ ‘ਤੇ ਛੇ, ਬੇਲਗੋਰੋਡ ਅਤੇ ਕੁਰਸਕ ਖੇਤਰਾਂ ‘ਤੇ ਤਿੰਨ-ਤਿੰਨ, ਰਿਆਜ਼ਾਨ ਅਤੇ ਓਰੀਓਲ ਖੇਤਰਾਂ ‘ਤੇ ਦੋ-ਦੋ ਅਤੇ ਤਾਤਾਰਸਤਾਨ ‘ਤੇ ਇੱਕ ਡਰੋਨ ਡੇਗਿਆ ਗਿਆ ਸੀ।