ਰਾਜਮਾਂਹ-ਚਾਵਲ ਖਾਣ ਵਾਲਿਆਂ ਲਈ ਇੱਕ ਵੱਡੀ ਖ਼ੁਸ਼ਖਬਰੀ ਹੈ। ਜੇਕਰ ਤੁਹਾਨੂੰ ਵੀ ਰਾਜਮਾਂਹ, ਮਟਰ, ਲੋਬੀਆ, ਮਾਂਹ ਅਤੇ ਦਾਲ ਮੱਖਣੀ ਦਾ ਸ਼ੌਕ ਹੈ ਤਾਂ ਇਹ ਖ਼ਬਰ ਪੜ੍ਹ ਕੇ ਤੁਹਾਡਾ ਦਿ:ਲ ਖੁਸ਼ੀ ਨਾਲ ਧੜਕੇਗਾ ਕਿਉਂਕਿ ਹਾਲ ਹੀ ‘ਚ ਹੋਈ ਇੱਕ ਤਾਜ਼ਾ ਰੀਸਰਚ ‘ਚ ਇਹ ਗੱਲ ਸਾਬਿਤ ਹੋਈ ਹੈ ਕਿ ਜਿਨ੍ਹਾਂ ਲੋਕਾਂ ਦੇ ਡਾਈਟ ਪਲੈਨ ‘ਚ ਰਾਜਮਾਂਹ ਅਤੇ ਮਟਰ ਸ਼ਾਮਿਲ ਹੁੰਦੇ ਹਨ ਉਨ੍ਹਾਂ ਨੂੰ ਕਾਰਡੀਓਵੈਸਕੁਲਰ ਡਿਜ਼ੀਜ਼ ਅਤੇ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਹੋਣ ਦਾ ਖ਼ਤਰਾ ਬਹੁਤ ਘੱਟ ਹੁੰਦਾ ਹੈ। ਐਡਵੈਂਸਿਜ਼ ਇਨ ਨਿਊਟਰੀਸ਼ਨ ਜਨਰਲ ‘ਚ ਪ੍ਰਕਾਸ਼ਿਤ ਹੋਈ ਇੱਕ ਤਾਜ਼ਾ ਰਿਪੋਰਟ ‘ਚ ਖੋਜਕਾਰਾਂ ਨੇ ਦਾਅਵਾ ਕੀਤਾ ਹੈ ਕਿ ਜਿਨ੍ਹਾਂ ਲੋਕਾਂ ਦੀ ਡਾਈਟ ‘ਚ ਰਾਜਮਾਂਹ, ਮਟਰ ਅਤੇ ਹੋਰ ਫ਼ਲੀਆਂ ਵੱਧ ਮਾਤਰਾ ‘ਚ ਸ਼ਾਮਿਲ ਹੁੰਦੀਆਂ ਹੈ ਉਨ੍ਹਾਂ ਨੂੰ ਕਾਰਡੀਓਮੈਟਾਬੌਲਿਕ ਡਿਜ਼ੀਜ਼ ਹੋਣ ਦਾ ਖ਼ਤਰਾ ਬਹੁਤ ਘੱਟ ਹੁੰਦਾ ਹੈ ਕਿਉਂਕਿ ਫ਼ਲੀਆਂ ਤੋਂ ਮਿਲੇ ਪੌਸ਼ਟਿਕ ਤੱਤ ਇਨ੍ਹਾਂ ਬੀਮਾਰੀਆਂ ਨਾਲ ਸਬੰਧਿਤ ਐਲੀਮੈਂਟਸ ਨੂੰ ਸ਼ਰੀਰ ‘ਚ ਬਣਨ ਹੀ ਨਹੀਂ ਦਿੰਦੇ।
ਖੋਜਕਾਰਾਂ ਅਨੁਸਾਰ, ਦਿਲ ਦੀ ਬੀਮਾਰੀ ਦਾ ਖ਼ਤਰਾ ਬੀਨਜ਼ ਘਟਾਉਂਦੇ ਹਨ ਕਿਉਂਕਿ ਇਨ੍ਹਾਂ ‘ਚ ਫ਼ਾਈਬਰ ਅਤੇ ਪ੍ਰੋਟੀਨ ਵੱਡੀ ਮਾਤਰਾ ‘ਚ ਹੁੰਦਾ ਹੈ। ਨਾਲ ਹੀ ਇਹ ਮਾਈਕਰੋਨਿਊਟ੍ਰੀਐਂਟਸ ਨਾਲ ਵੀ ਭਰਪੂਰ ਹੁੰਦੇ ਹਨ। ਇੰਨਾ ਹੀ ਨਹੀਂ, ਇਨ੍ਹਾਂ ਫ਼ੈਟ ਦੀ ਮਾਤਰਾ ਬਹੁਤ ਘੱਟ ਹੁੰਦੀ ਹੈ ਅਤੇ ਇਹ ਕੋਲੈਸਟਰੋਲ ਫ਼੍ਰੀ ਹੁੰਦੇ ਹਨ।
ਖੋਜਕਾਰਾਂ ਅਨੁਸਾਰ, ਜੋ ਲੋਕ ਵੱਧ ਮਾਤਰਾ ‘ਚ ਫ਼ਲੀਆਂ ਦੀ ਡਾਈਟ ਲੈਂਦੇ ਹਨ, ਉਨ੍ਹਾਂ ‘ਚ ਘੱਟ ਮਾਤਰਾ ‘ਚ ਫ਼ਲੀਆਂ ਖਾਣ ਵਾਲੇ ਲੋਕਾਂ ਦੀ ਤੁਲਨਾ ‘ਚ ਕੌਰੋਨਰੀ ਹਾਰਟ ਡਿਜ਼ੀਜ਼, ਕਾਰਡੀਓਵੈਸਕੁਲਰ ਡਿਜ਼ੀਜ਼ ਅਤੇ ਹਾਈਪਰਟੈਨਸ਼ਨ ਵਰਗੀਆਂ ਬੀਮਾਰੀਆਂ ਹੋਣ ਦੀ ਸੰਭਾਵਨਾ 10 ਫ਼ੀਸਦੀ ਤਕ ਘੱਟ ਹੁੰਦੀ ਹੈ।
ਕੰਬੋਜ
