ਮਟਰ ਦੀ ਕਚੌਰੀ ਸਵਾਦ ਹੋਣ ਕਾਰਨ ਹਰ ਘਰ ‘ਚ ਪਸੰਦ ਕੀਤੀ ਜਾਂਦੀ ਹੈ । ਇਹ ਬਹੁਤ ਹੀ ਹਲਕੀ ਹੁੰਦੀ ਹੈ ਜਿਸ ਕਾਰਨ ਇਹ ਸਿਹਤ ਨੂੰ ਵੀ ਖਰਾਬ ਨਹੀਂ ਕਰਦੀ। ਮਟਰ ਦੀ ਕਚੌਰੀ ਨੂੰ ਬੱਚੇ ਦੇ ਟਿਫ਼ਨ ਬਾਕਸ ‘ਚ ਵੀ ਦਿੱਤਾ ਜਾ ਸਕਦਾ ਹੈ। ਮਟਰ ਦੀ ਕਚੌਰੀ ਨੂੰ ਘਰ ‘ਚ ਆਸਾਨੀ ਨਾਲ ਬਣਾਇਆ ਜਾ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਨੂੰ ਬਣਾਉਣ ਦੀ ਵਿਧੀ
ਸਮੱਗਰੀ
250 ਗ੍ਰਾਮ ਉਬਲੇ ਮਟਰ
ਥੋੜਾ ਪਿਸਿਆ ਹੋਇਆ ਅਦਰਕ
3 ਚੁੱਟਕੀ ਹਿੰਗ
1 ਚੱਮਚ ਜੀਰਾ ਪਾਊਡਰ
1 ਚੱਮਚ ਲਾਲ ਮਿਰਚ ਪਾਊਡਰ
1/2 ਚੱਮਚ ਅਮਰੂਦ ਪਾਊਡਰ
1/2 ਚੱਮਚ ਗਰਮ ਮਸਾਲਾ
1 ਚੱਮਚ ਚੀਨੀ
3 ਕੱਪ ਆਟਾ
1 ਚੱਮਚ ਘਿਓ
ਤਲਣ ਲਈ ਤੇਲ
ਨਮਕ ਸਵਾਦ ਅਨੁਸਾਰ
ਵਿਧੀ
ਮਟਰ ਉਬਾਲ ਲਓ ਅਤੇ ਉਨ੍ਹਾਂ ਨੂੰ ਠੰਡਾ ਕਰ ਲਓ।
ਹੁਣ ਇੱਕ ਪਾਸੇ ਘਿਓ ਅਤੇ ਪਾਣੀ ਪਾ ਕੇ ਆਟਾ ਤਿਆਰ ਕਰ ਲਓ। ਧਿਆਨ ਰੱਖੋ ਕਿ ਆਟਾ ਨਰਮ ਅਤੇ ਮੁਲਾਇਮ ਹੋਵੇ।
ਉਬਲੇ ਹੋਏ ਮਟਰ ਨੂੰ ਗਰੈਂਡ ਕਰ ਲਓ।
ਹੁਣ ਇੱਕ ਪੈਨ ‘ਚ ਚੱਮਚ ਤੇਲ ਗਰਮ ਕਰੋਂ ਅਤੇ ਉਸ ‘ਚ ਹਿੰਗ ਅਤੇ ਪਿਸਿਆ ਹੋਇਆ ਅਦਰਕ ਪਾਓ ਅਤੇ ਭੁੰਨੋਂ।
ਹੁਣ ਇਸ ‘ਚ ਪਿਸੇ ਹੋਏ ਮਟਰ, ਸਾਰੇ ਮਸਾਲੇ, ਚੀਨੀ ਅਤੇ ਨਮਕ ਪਾ ਕੇ ਚੰਗੀ ਤਰ੍ਹਾਂ ਹਿਲਾਓ।
ਫ਼ਿਰ ਇਸ ਨੂੰ ਠੰਡਾ ਹੋਣ ਦੇ ਲਈ ਸਾਈਡ ‘ਤੇ ਰੱਖ ਦਿਓ।
ਦੂਜੇ ਪਾਸੇ ਕੜਾਹੀ ‘ਚ ਤੇਲ ਗਰਮ ਹੋਣ ਦੇ ਲਈ ਰੱਖੋ। ਹੁਣ ਇੱਕ ਆਟੇ ਦੀ ਲੋਈ ਲਓ ਅਤੇ ਉਸ ‘ਚ ਠੰਡਾ ਹੋ ਚੁੱਕਿਆ ਮਟਰ ਪੇਸਟ ਪਾ ਕੇ ਬੰਦ ਕਰ ਦਿਓ। ਫ਼ਿਰ ਧਿਆਨ ਨਾਲ ਵੇਲ ਲਓ ਤਾਂ ਜੋਂ ਇਸ ਚੋਂ ਮਟਰ ਦੀ ਪਿੱਠੀ ਨਾ ਨਿਕਲੇ ।
ਹੁਣ ਇਸ ਨੂੰ ਗਰਮ-ਗਰਮ ਤੇਲ ‘ਚ ਬਰਾਊਨ ਹੋਣ ਤੱਕ ਤਲੋ , ਧਿਆਨ ਰੱਖੋ ਕਿ ਇਸ ‘ਚ ਤੇਲ ਨਾ ਭਰੇ ।
ਕਚੌਰੀਆਂ ਤਿਆਰ ਹਨ, ਇਨ੍ਹਾਂ ਨੂੰ ਤੁਸੀਂ ਹਰੀ ਚਟਨੀ ਨਾਲ ਪਰੋਸੋ ਅਤੇ ਖਾਓ।
