ਵਾਸ਼ਿੰਗਟਨ – ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਦੇਸ਼ ਦੇ ਵਪਾਰਕ ਪੁਲਾੜ ਉਦਯੋਗ ਨੂੰ ਹੋਰ ਮੁਕਾਬਲੇਬਾਜ਼ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਨਿਯਮਾਂ ਨੂੰ ਸਰਲ ਅਤੇ ਸੁਚਾਰੂ ਬਣਾਉਣ ਲਈ ਇੱਕ ਕਾਰਜਕਾਰੀ ਆਦੇਸ਼ ‘ਤੇ ਦਸਤਖ਼ਤ ਕੀਤੇ ਹਨ। ਇਸ ਵਿਚ ਆਵਾਜਾਈ ਸਕੱਤਰ ਦੇ ਅਧੀਨ ‘ਪੁਲਾੜ ਵਣਜ ਦਫਤਰ’ ਬਣਾਉਣ ਦਾ ਸੱਦਾ ਦਿੱਤਾ ਗਿਆ ਹੈ।
ਇਹ ਆਦੇਸ਼ “ਇੱਕ ਮੁਕਾਬਲੇਬਾਜ਼ ਲਾਂਚ ਮਾਰਕੀਟ ਨੂੰ ਸਮਰੱਥ ਬਣਾ ਕੇ ਪੁਲਾੜ ਵਿੱਚ ਅਮਰੀਕੀ ਮਹਾਨਤਾ ਨੂੰ ਵਧਾਉਣ” ਦੀ ਵੀ ਕੋਸ਼ਿਸ਼ ਕਰਦਾ ਹੈ ਜਿਸ ਨਾਲ ਅਗਲੇ ਪੰਜ ਸਾਲਾਂ ਵਿੱਚ ਵਪਾਰਕ ਪੁਲਾੜ ਗਤੀਵਿਧੀਆਂ ਵਿੱਚ “ਮਹੱਤਵਪੂਰਨ ਵਾਧਾ” ਹੋ ਸਕਦਾ ਹੈ। ਇਹ ਅਧਿਕਾਰੀਆਂ ਨੂੰ ਅਮਰੀਕੀ ਪੁਲਾੜ ਸੰਚਾਲਕਾਂ ਲਈ ਵਪਾਰਕ ਲਾਇਸੈਂਸ ਅਤੇ ਅਪੀਲ ਦੀਆਂ ਜ਼ਰੂਰਤਾਂ ਨੂੰ ਸੌਖਾ ਬਣਾਉਣ ਅਤੇ ਕਈ ਵਾਤਾਵਰਣ ਸਮੀਖਿਆਵਾਂ ਨੂੰ ਘਟਾਉਣ ਜਾਂ ਖ਼ਤਮ ਕਰਨ ਦਾ ਨਿਰਦੇਸ਼ ਦਿੰਦਾ ਹੈ।
