ਅਜਵਾਇਣ, ਜੋ ਕਿ ਗੈਸ ਅਤੇ ਬਦਹਜ਼ਮੀ ਨੂੰ ਦੂਰ ਕਰਦੀ ਹੈ, ਭਾਰਤੀ ਰਸੋਈ ਦਾ ਇੱਕ ਆਮ ਮਸਾਲਾ ਹੈ। ਅਜਵਾਇਣ ਆਪਣੇ ਐਂਟੀਇੰਫ਼ਲੇਮੇਟਰੀ ਅਤੇ ਐਂਟੀ-ਬੈਕਟੀਰੀਅਲ ਗੁਣਾਂ ਲਈ ਜਾਣੀ ਜਾਂਦੀ ਹੈ। ਆਪਣੀ ਰੋਟੀ ਦੇ ਆਟੇ ‘ਚ ਥੋੜ੍ਹੀ ਜਿਹੀ ਮਾਤਰਾ ‘ਚ ਅਜਵਾਇਣ ਜੋੜਨ ਨਾਲ ਗੈਸ ਅਤੇ ਬਦਹਜ਼ਮੀ ਨੂੰ ਘੱਟ ਕਰਨ ‘ਚ ਮਦਦ ਮਿਲਦੀ ਹੈ, ਨਾਲ ਹੀ ਬਲੋਟਿੰਗ ਤੋਂ ਵੀ ਰਾਹਤ ਮਿਲਦੀ ਹੈ।
ਅਲਸੀ: ਅਲਸੀ ਦੇ ਬੀਜਾਂ ‘ਚ ਫ਼ਾਈਬਰ ਦੀ ਮਾਤਰਾ ਵਧੇਰੇ ਹੁੰਦੀ ਹੈ ਜੋ ਸਿਹਤਮੰਦ ਪਾਚਨ ਲਈ ਜ਼ਰੂਰੀ ਹੈ। ਰੋਟੀ ਦੇ ਆਟੇ ‘ਚ ਅਲਸੀ ਸ਼ਾਮਿਲ ਕਰਨ ਨਾਲ ਅੰਤੜੀਆਂ ਦੀ ਗਤੀਸ਼ੀਲਤਾ ‘ਚ ਮਦਦ ਮਿਲਦੀ ਹੈ ਅਤੇ ਆਂਦਰਾਂ ਦੇ ਨਿਰਵਿਘਨ ਕਾਰਜ ਨੂੰ ਵਧਾ ਕੇ ਕਬਜ਼ ਨੂੰ ਰੋਕਿਆ ਜਾ ਸਕਦਾ ਹੈ।
ਮੇਥੀ ਦੇ ਬੀਜ: ਮੇਥੀ ਦੇ ਬੀਜ ਆਪਣੇ ਕੁਦਰਤੀ ਪਾਚਨ ਗੁਣਾਂ ਦੇ ਕਾਰਨ ਪੇਟ ਦੇ ਕੜਵੱਲ ਅਤੇ ਦਰਦ ਨੂੰ ਦੂਰ ਕਰਨ ਲਈ ਬਹੁਤ ਵਧੀਆ ਹਨ। ਮੇਥੀ ਦੇ ਬੀਜਾਂ ਨੂੰ ਪੀਸ ਕੇ ਆਪਣੀ ਰੋਟੀ ਦੇ ਆਟੇ ‘ਚ ਮਿਲਾਉਣ ਨਾਲ ਪੇਟ ਦੀ ਪਰੇਸ਼ਾਨੀ ਘੱਟ ਹੋ ਸਕਦੀ ਹੈ, ਅਤੇ ਪੇਟ ਦੀਆਂ ਸਮੱਸਿਆਵਾਂ ਤੋਂ ਰਾਹਤ ਮਿਲਦੀ ਹੈ।
ਹਿੰਗ: ਹਿੰਗ ਇੱਕ ਆਮ ਪਰ ਬਹੁਤ ਕਾਰਗਰ ਭਾਰਤੀ ਮਸਾਲਾ ਹੈ ਜੋ ਕਿ ਐਸੇਡਿਟੀ ਅਤੇ ਪੇਟ ਫ਼ੁੱਲਣ ਦੀ ਸਮੱਸਿਆ ਨੂੰ ਰੋਕਣ ‘ਚ ਮਦਦ ਕਰਦਾ ਹੈ। ਐਂਟੀ-ਬੈਕਟੀਰੀਅਲ ਗੁਣਾਂ ਦੇ ਨਾਲ-ਨਾਲ, ਆਟੇ ‘ਚ ਇੱਕ ਚੁਟਕੀ ਹਿੰਗ ਪਾ ਕੇ ਪੇਟ ਦੀ ਗੈਸ ਤੋਂ ਰਾਹਤ ਮਿਲਦੀ ਹੈ ਅਤੇ ਐਸੇਡਿਟੀ ਘੱਟ ਹੁੰਦੀ ਹੈ।
ਆਟੇ ਨੂੰ ਕਿਵੇਂ ਕਰਨਾ ਹੈ ਤਿਆਰ: ਅੱਧਾ ਚੱਮਚ ਅਜਵਾਇਣ ਦੇ ਬੀਜ, ਇੱਕ ਚੱਮਚ ਅਲਸੀ, ਇੱਕ ਚੱਮਚ ਮੇਥੀ ਦੇ ਬੀਜ ਅਤੇ ਇੱਕ ਚੂੰਡੀ ਹਿੰਗ। ਇਨ੍ਹਾਂ ਚੀਜ਼ਾਂ ਨੂੰ ਇੱਕ ਕੱਪ ਕਣਕ ਦੇ ਆਟੇ ‘ਚ ਮਿਲਾਓ। ਆਟੇ ਨੂੰ ਗੁਨ੍ਹੋ ਅਤੇ ਆਮ ਵਾਂਗ ਰੋਟੀਆਂ ਤਿਆਰ ਕਰੋ। ਇਸ ਰੋਟੀ ਨੂੰ ਆਪਣੀ ਖ਼ੁਰਾਕ ‘ਚ ਨਿਯਮਿਤ ਤੌਰ ‘ਤੇ ਸ਼ਾਮਿਲ ਕਰਨ ਨਾਲ ਪੇਟ ਦੀਆਂ ਸਮੱਸਿਆਵਾਂ ਨੂੰ ਦੂਰ ਰੱਖਣ ਅਤੇ ਸਮੁੱਚੀ ਪਾਚਨ ਸਿਹਤ ਨੂੰ ਬਿਹਤਰ ਬਣਾਉਣ ‘ਚ ਮਦਦ ਮਿਲ ਸਕਦੀ ਹੈ।
